시편 29편 Vulgata Clementina
Vulgata Clementina · 라틴어 · 시편 (Psalms) · 13절
- 1 Psalmus cantici, in dedicatione domus David.
- 2 Exaltabo te, Domine, quoniam suscepisti me, nec delectasti inimicos meos super me.
- 3 Domine Deus meus, clamavi ad te, et sanasti me.
- 4 Domine, eduxisti ab inferno animam meam ; salvasti me a descendentibus in lacum.
- 5 Psallite Domino, sancti ejus ; et confitemini memoriæ sanctitatis ejus.
- 6 Quoniam ira in indignatione ejus, et vita in voluntate ejus : ad vesperum demorabitur fletus, et ad matutinum lætitia.
- 7 Ego autem dixi in abundantia mea : Non movebor in æternum.
- 8 Domine, in voluntate tua præstitisti decori meo virtutem ; avertisti faciem tuam a me, et factus sum conturbatus.
- 9 Ad te, Domine, clamabo, et ad Deum meum deprecabor.
- 10 Quæ utilitas in sanguine meo, dum descendo in corruptionem ? numquid confitebitur tibi pulvis, aut annuntiabit veritatem tuam ?
- 11 Audivit Dominus, et misertus est mei ; Dominus factus est adjutor meus.
- 12 Convertisti planctum meum in gaudium mihi ; conscidisti saccum meum, et circumdedisti me lætitia :
- 13 ut cantet tibi gloria mea, et non compungar. Domine Deus meus, in æternum confitebor tibi.
- 📚 Vulgata Clementina 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
Vulgata Clementina — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗