로그인

시편 112편 Esperanto

Esperanto · 에스페란토 · 시편 (Psalms) · 10절

🖍 이 판을 읽기 도구로 읽기 📖 무료성경
  1. 1 Haleluja! Bone estas al la homo, kiu timas la Eternulon Kaj tre amas Liajn ordonojn.
  2. 2 Forta sur la tero estos lia semo; La gento de virtuloj estos benita.
  3. 3 Bonstato kaj riĉeco estas en lia domo; Kaj lia justeco restas eterne.
  4. 4 En mallumo leviĝas lumo por la virtulo. Li estas kompatema, favorkora, kaj justa.
  5. 5 Bone estas al la homo, kiu kompatas kaj pruntedonas, Kiu pesas siajn farojn per justeco.
  6. 6 Ĉar neniam li falos; Virtulo estos memorata eterne.
  7. 7 Malbonan famon li ne timos; Fortika estas lia koro, ĝi fidas la Eternulon.
  8. 8 Senŝanceliĝa estas lia koro; Li ne timas, ĝis li vidas la pereon de siaj malamikoj.
  9. 9 Li ŝutas kaj donas al la malriĉuloj; Lia justeco restas eterne, Lia korno altiĝos en honoro.
  10. 10 La malvirtulo vidas kaj ĉagreniĝas, Kunfrapas la dentojn kaj konsumiĝas. La deziro de malvirtuloj pereos.

Esperanto — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗