잠언 13장 King Jems Pisin Baibel
King Jems Pisin Baibel · 톡피신어 · 잠언 (Proverbs) · 25절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Pikinini man i saveman i save harim tok skul bilong papa bilong en. Tasol man bilong tok bilas i no harim tok i hatim em. | A wise son heareth his father’s instruction: but a scorner heareth not rebuke. |
| 2 | ¶ Man bai kaikai gutpela samting long kaikai bilong maus bilong em. Tasol tewel bilong ol man i kalapim lo bai kaikai pasin pait. | A man shall eat good by the fruit of his mouth: but the soul of the transgressors shall eat violence. |
| 3 | ¶ Em husat i holimpas maus bilong en i holimpas laip bilong em. Tasol em husat i opim maus bilong em bikpela bai gat bagarap olgeta. | He that keepeth his mouth keepeth his life: but he that openeth wide his lips shall have destruction. |
| 4 | ¶ Tewel bilong lesman i gat laik long kisim samting, na em i no gat wanpela samting. Tasol tewel bilong man bilong wok strong bai kamap patpela. | The soul of the sluggard desireth, and hath nothing: but the soul of the diligent shall be made fat. |
| 5 | ¶ Stretpela man i no laikim tru tok giaman. Tasol man nogut i sting, na em i kam long sem. | A righteous man hateth lying: but a wicked man is loathsome, and cometh to shame. |
| 6 | ¶ Stretpela pasin i holimpas em husat i stretpela long rot. Tasol pasin nogut i tromoi sinman i go daun. | Righteousness keepeth him that is upright in the way: but wickedness overthroweth the sinner. |
| 7 | ¶ I gat man husat i mekim em yet i stap maniman, tasol em i no gat samting. I gat man i mekim em yet i stap rabisman, tasol em i gat planti mani samting tru. | There is that maketh himself rich, yet hath nothing: there is that maketh himself poor, yet hath great riches. |
| 8 | ¶ Pe bilong baim bek laip bilong man em ol planti mani samting bilong em. Tasol rabisman i no harim tok i hatim em. | The ransom of a man’s life are his riches: but the poor heareth not rebuke. |
| 9 | ¶ Lait bilong ol stretpela man i wokim amamas tru. Tasol ol bai mekim i dai lam bilong man nogut. | The light of the righteous rejoiceth: but the lamp of the wicked shall be put out. |
| 10 | ¶ Tok pait i kam long hambak pasin tasol. Tasol save tru i stap wantaim man i kisim gutpela toksave bilong helpim. | Only by pride cometh contention: but with the well advised is wisdom. |
| 11 | ¶ Mani samting man i kisim long pasin nating bai go liklik. Tasol em husat i bungim samting long hatwok bai gat planti moa. | Wealth gotten by vanity shall be diminished: but he that gathereth by labour shall increase. |
| 12 | ¶ Hop i mas wet i mekim bel i sik. Tasol taim samting man i gat laik long kisim i kamap, em i diwai bilong laip. | Hope deferred maketh the heart sick: but when the desire cometh, it is a tree of life. |
| 13 | ¶ Husat man i tingim tok em i samting nating bai kisim bagarap olgeta. Tasol em husat i pret long strongpela tok bai i kisim pe. | Whoso despiseth the word shall be destroyed: but he that feareth the commandment shall be rewarded. |
| 14 | ¶ Lo bilong saveman em ai bilong wara i sut bilong laip, bilong helpim em lusim ol trap bilong dai. | The law of the wise is a fountain of life, to depart from the snares of death. |
| 15 | ¶ Gutpela save i givim gutpela amamas. Tasol rot bilong ol man i kalapim lo em i hat. | Good understanding giveth favour: but the way of transgressors is hard. |
| 16 | ¶ Olgeta wan wan man bilong yusim save i mekim wok wantaim save. Tasol krankiman i soim ples klia longlong pasin bilong em. | Every prudent man dealeth with knowledge: but a fool layeth open his folly. |
| 17 | ¶ Mausman nogut i pundaun long hambak pasin. Tasol mausman bilong gavman yu inap bilip long em em i samting i mekim bodi i stap orait. | A wicked messenger falleth into mischief: but a faithful ambassador is health. |
| 18 | ¶ Em husat i tok nogat long tok skul bai kamap rabisman na kisim sem. Tasol em husat i tingim gut strongpela tok bilong stretim bai kisim ona. | Poverty and shame shall be to him that refuseth instruction: but he that regardeth reproof shall be honoured. |
| 19 | ¶ Taim samting man i gat laik long kisim i kamap, em i swit long tewel. Tasol em i sting samting long ol krankiman long lusim pasin nogut. | The desire accomplished is sweet to the soul: but it is abomination to fools to depart from evil. |
| 20 | ¶ Em husat i wokabaut wantaim ol saveman bai stap saveman. Tasol poroman bilong ol krankiman bai bagarap olgeta. | He that walketh with wise men shall be wise: but a companion of fools shall be destroyed. |
| 21 | ¶ Pasin nogut i ran bihainim ol sinman. Tasol ol bai bekim pe wantaim gutpela pasin long ol stretpela man. | Evil pursueth sinners: but to the righteous good shall be repayed. |
| 22 | ¶ Gutpela man i lusim samting papa i givim pikinini long ol pikinini bilong ol pikinini bilong em. Na mani samting bilong sinman ol i putim i stap bilong ol stretpela man. | A good man leaveth an inheritance to his children’s children: and the wealth of the sinner is laid up for the just. |
| 23 | ¶ Planti kaikai i stap long gaden bilong rabisman. Tasol i gat ol samting i bagarap olgeta bikos man i sot long save bilong skelim. | Much food is in the tillage of the poor: but there is that is destroyed for want of judgment. |
| 24 | ¶ Em husat i no yusim stik bilong em i no laikim tru pikinini man bilong em. Tasol em husat i laikim em tru i stikim em hariap. | He that spareth his rod hateth his son: but he that loveth him chasteneth him betimes. |
| 25 | ¶ Stretpela man i kaikai na dispela i inapim tewel bilong em. Tasol bel bilong man nogut bai sot long kaikai. | The righteous eateth to the satisfying of his soul: but the belly of the wicked shall want. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL