시편 88편 King Jems Pisin Baibel
King Jems Pisin Baibel · 톡피신어 · 시편 (Psalms) · 18절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O God BIKPELA bilong kisim bek bilong mi, long san na long nait mi bin singaut long pes bilong Yu. | O Lord God of my salvation, I have cried day and night before thee: |
| 2 | Larim prea bilong mi i kamap long pes bilong Yu. Yu mas putim ia i go daun long harim singaut bilong mi. | Let my prayer come before thee: incline thine ear unto my cry; |
| 3 | Long wanem, tewel bilong mi i pulap long ol hevi. Na laip bilong mi i wok long i kam klostu long matmat. | For my soul is full of troubles: and my life draweth nigh unto the grave. |
| 4 | Ol i kaunim mi wantaim ol man i go daun insait long bikpela hul. Mi stap olsem man i no gat strong. | I am counted with them that go down into the pit: I am as a man that hath no strength: |
| 5 | Mi stap fri namel long ol daiman, olsem ol man ol i bin kilim i dai na ol i slip long matmat. Yu no save tingim gen ol. Na Yu bin rausim ol long han bilong Yu. | Free among the dead, like the slain that lie in the grave, whom thou rememberest no more: and they are cut off from thy hand. |
| 6 | Yu bin slipim mi long bikpela hul i daunbilo tru, long ples tudak, long ol ples daunbilo. | Thou hast laid me in the lowest pit, in darkness, in the deeps. |
| 7 | Belhat tru bilong Yu i stap strong antap long mi. Na Yu bin daunim mi long olgeta si bilong Yu. Sela. | Thy wrath lieth hard upon me, and thou hast afflicted me with all thy waves. Selah. |
| 8 | Man mi save long em Yu bin putim i go longwe long mi. Yu bin mekim mi i kamap samting i sting tru long ol. Mi stap kalabus, na mi no inap kam ausait. | Thou hast put away mine acquaintance far from me; thou hast made me an abomination unto them: I am shut up, and I cannot come forth. |
| 9 | Ai bilong mi i krai sori, long wanem mi karim hevi. BIKPELA, olgeta wan wan de mi bin singaut long Yu. Mi bin stretim ol han bilong mi i go long Yu. | Mine eye mourneth by reason of affliction: Lord, I have called daily upon thee, I have stretched out my hands unto thee. |
| 10 | ¶ Ating bai Yu soim ol samting i winim tingting long ol daiman? Ating ol daiman bai kirap na litimapim Yu? Sela. | Wilt thou shew wonders to the dead? shall the dead arise and praise thee? Selah. |
| 11 | Ating pasin bilong Yu long laikim tru man na mekim gut long em bai ol i tokaut long dispela long matmat? O long ples bilong bagarap bai ol i tokaut long pasin bilong Yu long i stap man ol inap bilip long Yu? | Shall thy lovingkindness be declared in the grave? or thy faithfulness in destruction? |
| 12 | Ating long ples tudak bai ol i save long ol samting bilong Yu ol i winim tingting? Na long hap graun bilong lusim tingting bai ol i save long stretpela pasin bilong Yu? | Shall thy wonders be known in the dark? and thy righteousness in the land of forgetfulness? |
| 13 | Tasol O BIKPELA, mi bin singaut long Yu. Na long moningtaim prea bilong mi bai i go pas long Yu. | But unto thee have I cried, O Lord; and in the morning shall my prayer prevent thee. |
| 14 | BIKPELA, bilong wanem Yu rausim tewel bilong mi? Bilong wanem Yu haitim pes bilong Yu long mi? | Lord, why castest thou off my soul? why hidest thou thy face from me? |
| 15 | I stat long taim mi yangpela na i kam inap nau, mi karim hevi na mi redi long i dai pinis. Taim mi karim hevi long ol samting bilong Yu long pretim man, mi no tingting stret. | I am afflicted and ready to die from my youth up: while I suffer thy terrors I am distracted. |
| 16 | Belhat tru bilong Yu i paia na em i karamapim mi. Ol samting bilong Yu long pretim man ol i bin bagarapim mi. | Thy fierce wrath goeth over me; thy terrors have cut me off. |
| 17 | Olgeta wan wan de ol i bin raunim mi nabaut olsem wara. Ol i bin raunim mi nabaut wantaim. | They came round about me daily like water; they compassed me about together. |
| 18 | Yu bin putim i stap longwe long mi wanpela i laikim tru mi na i pren bilong mi. Na man mi save long em Yu bin putim long tudak. | Lover and friend hast thou put far from me, and mine acquaintance into darkness. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL