시편 89편 King Jems Pisin Baibel
King Jems Pisin Baibel · 톡피신어 · 시편 (Psalms) · 52절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Bai mi singim song oltaim oltaim long ol marimari bilong BIKPELA. Long maus bilong mi, bai mi mekim olgeta lain i kamap bihain i save long pasin bilong Yu long i stap Man ol inap bilip long Em. | I will sing of the mercies of the Lord for ever: with my mouth will I make known thy faithfulness to all generations. |
| 2 | Long wanem mi bin tok, Bai Yu sanapim marimari oltaim oltaim. Bai Yu strongim pasin bilong Yu long i stap Man ol inap bilip long Em long ol heven yet. | For I have said, Mercy shall be built up for ever: thy faithfulness shalt thou establish in the very heavens. |
| 3 | Mi bin wokim kontrak wantaim man Mi bin makim. Mi bin tok tru antap i go long Devit, wokboi bilong Mi olsem, | I have made a covenant with my chosen, I have sworn unto David my servant, |
| 4 | Bai Mi strongim ol tumbuna pikinini bilong yu oltaim oltaim. Na bai Mi sanapim sia king bilong Yu inap long olgeta lain i kamap bihain. Sela. | Thy seed will I establish for ever, and build up thy throne to all generations. Selah. |
| 5 | ¶ Na ol heven bai litimapim nem bilong ol wok bilong Yu i winim tingting, O BIKPELA. Na long bung bilong ol seint bai ol i litimapim pasin bilong Yu long i stap Man ol i inap bilip long Yu. | And the heavens shall praise thy wonders, O Lord: thy faithfulness also in the congregation of the saints. |
| 6 | Long wanem husat i stap long heven na ol i ken skelim em wantaim BIKPELA? Husat namel long ol pikinini man bilong ol strongpela man em i ken stap wankain olsem BIKPELA? | For who in the heaven can be compared unto the Lord? who among the sons of the mighty can be likened unto the Lord? |
| 7 | Long bung bilong ol seint ol i mas pret planti long God. Na olgeta man i stap nabaut long Em ol i mas pret na givim biknem long Em. | God is greatly to be feared in the assembly of the saints, and to be had in reverence of all them that are about him. |
| 8 | O God BIKPELA bilong ol ami, husat em i strongpela BIKPELA olsem Yu? Na tu husat nabaut long Yu i holim pasin olsem pasin bilong Yu long i stap Man ol inap bilip long Yu? | O Lord God of hosts, who is a strong Lord like unto thee? or to thy faithfulness round about thee? |
| 9 | Yu save bosim solwara taim em i biksi tru. Taim ol si i kirap, Yu save daunim ol. | Thou rulest the raging of the sea: when the waves thereof arise, thou stillest them. |
| 10 | Yu bin brukim Rehap long ol liklik hap, olsem man ol i bin kilim i dai. Long strongpela han bilong Yu, Yu bin rausim nabaut ol birua bilong Yu. | Thou hast broken Rahab in pieces, as one that is slain; thou hast scattered thine enemies with thy strong arm. |
| 11 | Ol heven i bilong Yu. Na dispela graun tu i bilong Yu. Na bilong dispela graun wantaim ol samting i pulap long em, Yu bin kamapim ol. | The heavens are thine, the earth also is thine: as for the world and the fulness thereof, thou hast founded them. |
| 12 | Yu bin kamapim long nating not na saut. Tebor na Hermon bai i amamas tru long nem bilong Yu. | The north and the south thou hast created them: Tabor and Hermon shall rejoice in thy name. |
| 13 | Yu gat strongpela han. Han bilong Yu i strong, na han sut bilong Yu i antap. | Thou hast a mighty arm: strong is thy hand, and high is thy right hand. |
| 14 | Stretpela pasin na stretpela kot i stap long ples bilong sia king bilong Yu. Marimari na tok tru bai go na stap long pes bilong Yu. | Justice and judgment are the habitation of thy throne: mercy and truth shall go before thy face. |
| 15 | ¶ Blesing i stap long ol manmeri i save long nois i pulap long amamas tru. O BIKPELA, bai ol i wokabaut long lait bilong pes bilong Yu. | Blessed is the people that know the joyful sound: they shall walk, O Lord, in the light of thy countenance. |
| 16 | Long nem bilong Yu bai ol i amamas tru long olgeta hap bilong de. Na long stretpela pasin bilong Yu, bai Yu litimapim ol. | In thy name shall they rejoice all the day: and in thy righteousness shall they be exalted. |
| 17 | Long wanem Yu stap glori bilong strong bilong ol. Na long marimari bilong Yu, bai Yu litimapim kom bilong mipela. | For thou art the glory of their strength: and in thy favour our horn shall be exalted. |
| 18 | Long wanem BIKPELA i stap sambai bilong helpim yumi. Na dispela Wanpela i Holi bilong Israel em king bilong mipela. | For the Lord is our defence; and the Holy One of Israel is our king. |
| 19 | ¶ Orait long driman samting Yu bin toktok long man holi bilong Yu, na Yu tok, Mi bin putim helpim long man i stap strong. Mi bin litimapim man Mi bin makim namel long ol manmeri. | Then thou spakest in vision to thy holy one, and saidst, I have laid help upon one that is mighty; I have exalted one chosen out of the people. |
| 20 | Mi painim pinis Devit, wokboi bilong Mi. Mi bin welim em long wel holi bilong Mi. | I have found David my servant; with my holy oil have I anointed him: |
| 21 | Han bilong Mi bai i stap strong wantaim em. Han bilong Mi bai i strongim em tu. | With whom my hand shall be established: mine arm also shall strengthen him. |
| 22 | Bai birua i no bai strong long kisim samting bilong em. Na tu bai pikinini man bilong pasin i nogut tru i no daunim em. | The enemy shall not exact upon him; nor the son of wickedness afflict him. |
| 23 | Na long pes bilong em bai Mi paitim bilong daunim ol birua bilong em. Na bai Mi bagarapim ol man i no laikim tru em. | And I will beat down his foes before his face, and plague them that hate him. |
| 24 | Tasol pasin bilong Mi stap Man yu inap bilip long Em na marimari bilong Mi bai stap wantaim em. Na long nem bilong Mi, bai Mi litimapim kom bilong em. | But my faithfulness and my mercy shall be with him: and in my name shall his horn be exalted. |
| 25 | Bai Mi putim han bilong em long solwara tu, na han sut bilong em long ol bikwara. | I will set his hand also in the sea, and his right hand in the rivers. |
| 26 | Bai em i singaut olsem long Mi, Yu papa bilong mi, na God bilong mi, na bikpela ston bilong kisim bek bilong mi. | He shall cry unto me, Thou art my father, my God, and the rock of my salvation. |
| 27 | Na tu bai Mi mekim em i kamap namba wan pikinini bilong Mi. Bai em i stap antap moa long ol king bilong dispela graun. | Also I will make him my firstborn, higher than the kings of the earth. |
| 28 | Bai Mi holimpas marimari bilong Mi bilong helpim em oltaim oltaim. Na kontrak bilong Mi bai i sanap strong wantaim em. | My mercy will I keep for him for evermore, and my covenant shall stand fast with him. |
| 29 | Bai Mi mekim ol tumbuna pikinini bilong em i stap oltaim oltaim tu. Na sia king bilong em bai i stap olsem ol de bilong heven. | His seed also will I make to endure for ever, and his throne as the days of heaven. |
| 30 | Sapos ol pikinini bilong em i givim baksait long lo bilong Mi, na ol i no wokabaut long ol tok bilong pe bilong kot bilong Mi, | If his children forsake my law, and walk not in my judgments; |
| 31 | Sapos ol i brukim ol lo bilong Mi ol i raitim, na ol i no holimpas ol strongpela tok bilong Mi, | If they break my statutes, and keep not my commandments; |
| 32 | Orait bai Mi kisim kanda bilong bekim pasin bilong ol long kalapim lo, na bai Mi paitim ol bilong bekim sin nogut bilong ol. | Then will I visit their transgression with the rod, and their iniquity with stripes. |
| 33 | Tasol bai Mi no tekewe olgeta long em pasin bilong Mi long laikim tru em na mekim gut long em. Na pasin bilong Mi long i stap Man yu inap bilip long en bai Mi no larim dispela i dai. | Nevertheless my lovingkindness will I not utterly take from him, nor suffer my faithfulness to fail. |
| 34 | Bai Mi no brukim kontrak bilong Mi. Na bai Mi no senisim samting i bin go ausait long maus bilong Mi. | My covenant will I not break, nor alter the thing that is gone out of my lips. |
| 35 | Long pasin holi bilong Mi, wanpela taim Mi bin tok tru antap olsem, Bai Mi no tok giaman long Devit. | Once have I sworn by my holiness that I will not lie unto David. |
| 36 | Tumbuna pikinini bilong em bai i stap oltaim oltaim. Na sia king bilong em bai i stap olsem san long pes bilong Mi. | His seed shall endure for ever, and his throne as the sun before me. |
| 37 | Dispela bai i stap strong oltaim oltaim olsem mun, na olsem witnes yu inap bilip long em long heven. Sela. | It shall be established for ever as the moon, and as a faithful witness in heaven. Selah. |
| 38 | ¶ Tasol Yu bin rausim em na tingim em i sting tru. Yu bin stap belhat tru long man Yu bin makim. | But thou hast cast off and abhorred, thou hast been wroth with thine anointed. |
| 39 | Yu bin mekim kontrak bilong wokboi nating bilong Yu i stap nating. Yu bin mekim hat king bilong em i kamap doti taim Yu bin tromoi dispela i go long graun. | Thou hast made void the covenant of thy servant: thou hast profaned his crown by casting it to the ground. |
| 40 | Yu bin brukim i go daun olgeta banis bilong em. Yu bin bagarapim ol strongpela haus bilong pait wataim ol banis bilong em. | Thou hast broken down all his hedges; thou hast brought his strong holds to ruin. |
| 41 | Olgeta man i wokabaut klostu na go long dispela rot ol i kisim ol samting bilong em olsem birua i kisim. Long ol man i stap klostu long em, em i samting i gat sem. | All that pass by the way spoil him: he is a reproach to his neighbours. |
| 42 | Yu bin sanapim han sut bilong ol man i mekim pasin birua long em. Yu bin mekim olgeta birua bilong em i amamas tru. | Thou hast set up the right hand of his adversaries; thou hast made all his enemies to rejoice. |
| 43 | Yu bin tanim arere bilong bainat bilong em tu, na Yu no bin mekim em i sanap long pait. | Thou hast also turned the edge of his sword, and hast not made him to stand in the battle. |
| 44 | Yu bin mekim glori bilong em i pinis, na Yu bin tromoi sia king bilong em i go daun long graun. | Thou hast made his glory to cease, and cast his throne down to the ground. |
| 45 | Yu bin mekim ol de bilong em long i stap yangpela ol i no planti. Yu bin karamapim em long sem. Sela. | The days of his youth hast thou shortened: thou hast covered him with shame. Selah. |
| 46 | BIKPELA, hamas taim? Ating bai Yu haitim Yu yet oltaim oltaim? Ating belhat tru bilong Yu bai i lait olsem paia? | How long, Lord? wilt thou hide thyself for ever? shall thy wrath burn like fire? |
| 47 | Yu mas tingim gen taim bilong mi i sotpela. Bilong wanem Yu bin wokim nating olgeta man? | Remember how short my time is: wherefore hast thou made all men in vain? |
| 48 | Wanem man em man i stap laip na bai i no lukim i dai pinis? Ating bai em i tekewe tewel bilong em long han bilong matmat, a? Sela. | What man is he that liveth, and shall not see death? shall he deliver his soul from the hand of the grave? Selah. |
| 49 | Bikpela, ol pasin bilong Yu bilong bipo long laikim tru man na mekim gut long em ol i stap we? Long tok tru bilong Yu, Yu bin tok tru antap long dispela long Devit. | Lord, where are thy former lovingkindnesses, which thou swarest unto David in thy truth? |
| 50 | Bikpela, Yu mas tingim gen sem bilong ol wokboi bilong Yu. Long bros bilong mi, mi karim sem bilong olgeta strongpela manmeri. | Remember, Lord, the reproach of thy servants; how I do bear in my bosom the reproach of all the mighty people; |
| 51 | O BIKPELA, long dispela ol birua bilong Yu i bin givim sem. Long dispela ol i bin givim sem long wokabaut bilong man Yu bin makim. | Wherewith thine enemies have reproached, O Lord; wherewith they have reproached the footsteps of thine anointed. |
| 52 | Blesing i stap long BIKPELA oltaim oltaim. Amen na Amen. | Blessed be the Lord for evermore. Amen, and Amen. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL