시편 104편 King Jems Pisin Baibel
King Jems Pisin Baibel · 톡피신어 · 시편 (Psalms) · 35절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O tewel bilong mi, yu mas blesim BIKPELA. O BIKPELA, em God bilong mi, Yu stap bikpela tru. Yu pasim ona na pasin bilong king olsem klos. | Bless the Lord, O my soul. O Lord my God, thou art very great; thou art clothed with honour and majesty. |
| 2 | Yu karamapim Yu yet long lait olsem klos. Yu pulim i go bikpela moa ol heven olsem laplap bilong windo. | Who coverest thyself with light as with a garment: who stretchest out the heavens like a curtain: |
| 3 | Em i slipim ol pos bilong ol rum bilong En long ol wara. Em i mekim ol klaut i stap karis bilong pait bilong En. Em i save wokabaut antap long ol wing bilong win. | Who layeth the beams of his chambers in the waters: who maketh the clouds his chariot: who walketh upon the wings of the wind: |
| 4 | Em i mekim ol ensel bilong En i kamap ol spirit, na ol wokman bilong en i kamap paia i kirap. | Who maketh his angels spirits; his ministers a flaming fire: |
| 5 | Em i bin slipim ol as ston bilong dispela graun, bai dispela i no ken surik oltaim oltaim. | Who laid the foundations of the earth, that it should not be removed for ever. |
| 6 | Yu bin karamapim graun long bikpela solwara olsem klos. Ol wara i bin stap antap long ol maunten. | Thou coveredst it with the deep as with a garment: the waters stood above the mountains. |
| 7 | Taim Yu bin krosim ol, ol i bin ranawe i go. Long nek bilong klaut bilong Yu i pairap ol i bin hariap i go. | At thy rebuke they fled; at the voice of thy thunder they hasted away. |
| 8 | Ol i go antap klostu long ol maunten. Ol i go daun long ol ples namel long tupela maunten long ples Yu bin wokim bilong ol. | They go up by the mountains; they go down by the valleys unto the place which thou hast founded for them. |
| 9 | Yu bin putim mak bilong graun bai ol i no ken kalapim em. Olsem na ol i no ken tanim gen bilong karamapim dispela graun. | Thou hast set a bound that they may not pass over; that they turn not again to cover the earth. |
| 10 | ¶ Em i salim ol as wara i go long ol ples namel long tupela maunten. Ol i ran i go namel long ol liklik maunten. | He sendeth the springs into the valleys, which run among the hills. |
| 11 | Ol i givim wara bilong dring long olgeta wan wan wel animal bilong ples kunai. Ol wel donki i dring na nek bilong ol i no drai moa. | They give drink to every beast of the field: the wild asses quench their thirst. |
| 12 | Ol pisin bilong heven bai i sindaun klostu long ol. Ol i save singim song namel long ol han bilong diwai. | By them shall the fowls of the heaven have their habitation, which sing among the branches. |
| 13 | Em i salim wara i lusim ol rum bilong En na i pundaun long ol liklik maunten. Dispela graun i pilim inap long kaikai bilong ol wok bilong Yu. | He watereth the hills from his chambers: the earth is satisfied with the fruit of thy works. |
| 14 | Em i mekim gras i kamap bikpela bilong ol bulmakau samting, na sayor bilong helpim man, bai Em i ken mekim kaikai i kamap long dispela graun, | He causeth the grass to grow for the cattle, and herb for the service of man: that he may bring forth food out of the earth; |
| 15 | Na Em i ken givim wain bilong mekim bel bilong man i belgut, na wel bilong mekim pes bilong em i lait, na bret bilong strongim bel bilong man. | And wine that maketh glad the heart of man, and oil to make his face to shine, and bread which strengtheneth man’s heart. |
| 16 | Ol diwai bilong BIKPELA i pulap long blut bilong ol, em ol sida bilong Lebanon, Em i bin planim ol. | The trees of the Lord are full of sap; the cedars of Lebanon, which he hath planted; |
| 17 | Ol pisin i wokim ol haus bilong ol long ol. Na bilong pisin stork, ol diwai i olsem yar i stap haus bilong en. | Where the birds make their nests: as for the stork, the fir trees are her house. |
| 18 | Ol liklik maunten i antap i stap ples ol wel meme i stap gut long en. Na ol bikpela ston i bilong ol abus koni. | The high hills are a refuge for the wild goats; and the rocks for the conies. |
| 19 | ¶ Em i bin makim mun bilong makim ol taim. San i save long taim bilong em i go daun. | He appointed the moon for seasons: the sun knoweth his going down. |
| 20 | Yu wokim tudak, na nait i stap. Long dispela taim, olgeta animal bilong bus i save wokabaut i kam. | Thou makest darkness, and it is night: wherein all the beasts of the forest do creep forth. |
| 21 | Ol yangpela laion i krai long samting ol i ranim, na ol i wok long painim kaikai bilong ol long han bilong God. | The young lions roar after their prey, and seek their meat from God. |
| 22 | San i kamap. Ol i bungim ol yet wantaim, na ol i slip long ol haus bilong ol. | The sun ariseth, they gather themselves together, and lay them down in their dens. |
| 23 | Man i save go long wok bilong en na long hatwok bilong en inap long apinun tru. | Man goeth forth unto his work and to his labour until the evening. |
| 24 | O BIKPELA, ol wok bilong Yu i planti tru! Long save tru Yu bin wokim ol olgeta. Dispela graun i pulap long ol gutpela samting bilong Yu. | O Lord, how manifold are thy works! in wisdom hast thou made them all: the earth is full of thy riches. |
| 25 | Dispela bikpela na braitpela solwara i stap olsem. Man i no inap kaunim ol samting i raun long en, ol liklik animal wantaim ol bikpela animal. | So is this great and wide sea, wherein are things creeping innumerable, both small and great beasts. |
| 26 | Ol sip i save go long dispela hap. Dispela levaiatan i stap long dispela hap , Yu bin wokim em bilong em i pilai long en. | There go the ships: there is that leviathan, whom thou hast made to play therein. |
| 27 | Olgeta bilong ol i save wet long Yu, bai Yu ken givim kaikai bilong ol long ol long stretpela taim. | These wait all upon thee; that thou mayest give them their meat in due season. |
| 28 | Samting Yu givim ol, ol i save bungim. Yu opim han bilong Yu, na ol i pulap long ol gutpela samting. | That thou givest them they gather: thou openest thine hand, they are filled with good. |
| 29 | Yu haitim pes bilong Yu, na ol i pret. Yu tekewe win bilong ol, na ol i dai, na ol i go bek long das bilong ol. | Thou hidest thy face, they are troubled: thou takest away their breath, they die, and return to their dust. |
| 30 | Yu salim Spirit bilong Yu i go, na ol i kamap long nating. Na Yu mekim pes bilong graun i kamap nupela gen. | Thou sendest forth thy spirit, they are created: and thou renewest the face of the earth. |
| 31 | ¶ Glori bilong BIKPELA bai stap oltaim oltaim. BIKPELA bai amamas long ol wok bilong En. | The glory of the Lord shall endure for ever: the Lord shall rejoice in his works. |
| 32 | Em i save lukluk long dispela graun, na graun i guria. Em i save putim han long ol liklik maunten na smok i kam antap long ol. | He looketh on the earth, and it trembleth: he toucheth the hills, and they smoke. |
| 33 | Bai mi singim song long BIKPELA, taim mi stap laip. Bai mi singim song i litimapim nem bilong God bilong mi, taim mi gat laip i stap. | I will sing unto the Lord as long as I live: I will sing praise to my God while I have my being. |
| 34 | Wok bilong mi long tingting long Em em i swit. Bai mi belgut insait long BIKPELA. | My meditation of him shall be sweet: I will be glad in the Lord. |
| 35 | Ol sinman i ken bagarap na lusim dispela graun. Na ol man i nogut tru i no ken stap moa. O tewel bilong mi, yu mas blesim BIKPELA. Yupela i mas litimapim nem bilong BIKPELA. | Let the sinners be consumed out of the earth, and let the wicked be no more. Bless thou the Lord, O my soul. Praise ye the Lord. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL