요한복음 2장 Shona Bible
Shona Bible · 쇼나어 · 요한복음 (John) · 25절 · 대역: King James Version
| 절 | Shona Bible | King James Version |
|---|---|---|
| 1 | Zvino nezuva retatu kwakava nemuchato muKana yeGarirea; namai vaJesu vakange varipo. | And the third day there was a marriage in Cana of Galilee; and the mother of Jesus was there: |
| 2 | NaJesuwo wakange akokwa pamwe nevadzidzi vake kumuchato. | And both Jesus was called, and his disciples, to the marriage. |
| 3 | Waini yakati ichishaikwa, mai vaJesu vakati kwaari: Havana waini. | And when they wanted wine, the mother of Jesus saith unto him, They have no wine. |
| 4 | Jesu akati kwavari: Mukadzi, ndinei newe? Nguva yangu haisati yasvika. | Jesus saith unto her, Woman, what have I to do with thee? mine hour is not yet come. |
| 5 | Mai vake vakati kuvaranda: Chipi nechipi chaanokuudzai, itai. | His mother saith unto the servants, Whatsoever he saith unto you, do it. |
| 6 | Zvino kwakange kwakaiswapo zvirongo zvitanhatu zvemabwe semachenuriro emaJudha, chimwe nechimwe chaipinda zviyero zviviri kana zvitatu. | And there were set there six waterpots of stone, after the manner of the purifying of the Jews, containing two or three firkins apiece. |
| 7 | Jesu akati kwavari: Zadzai zvirongo nemvura. Vakazvizadza kusvikira pamuromo. | Jesus saith unto them, Fill the waterpots with water. And they filled them up to the brim. |
| 8 | Ndokubva ati kwavari: Cherai ikozvino, mutakurire kumubati wekudya. Vakazvitakura. | And he saith unto them, Draw out now, and bear unto the governor of the feast. And they bare it. |
| 9 | Mubati wekudya wakati aravira mvura ikava waini, asingazivi kwainobva (asi varanda vakange vachera mvura vaiziva), mubati wekudya akadana muwani, | When the ruler of the feast had tasted the water that was made wine, and knew not whence it was: (but the servants which drew the water knew;) the governor of the feast called the bridegroom, |
| 10 | ndokuti kwaari: Munhu umwe neumwe pakutanga anoisa waini yakanaka, kana vanyatsonwa, isina kunyatsonaka; iwe wachengeta waini yakanaka kusvikira zvino. | And saith unto him, Every man at the beginning doth set forth good wine; and when men have well drunk, then that which is worse: but thou hast kept the good wine until now. |
| 11 | Uku kutanga kwezviratidzo kwakaita Jesu paKana yeGarirea, akaratidza kubwinya kwake; vadzidzi vake vakatenda kwaari. | This beginning of miracles did Jesus in Cana of Galilee, and manifested forth his glory; and his disciples believed on him. |
| 12 | Shure kweizvozvo wakaburukira kuKapenaume, iye, namai vake, nevanin'ina vake, nevadzidzi vake; vakagarako mazuva asiri mazvinji. | After this he went down to Capernaum, he, and his mother, and his brethren, and his disciples: and they continued there not many days. |
| 13 | Zvino pasika yeVaJudha yakange yaswedera, Jesu ndokukwira kuJerusarema. | And the Jews’ passover was at hand, and Jesus went up to Jerusalem, |
| 14 | Akawanawo mutembere avo vanotengesa nzombe nemakwai nenjiva, nevatsinhanisi vemari vagere. | And found in the temple those that sold oxen and sheep and doves, and the changers of money sitting: |
| 15 | Zvino wakati aita tyava yerwonzi, akavadzinga vese mutembere, nemakwai nenzombe; akateura mari yevatsinhanisi, ndokupidigura matafura. | And when he had made a scourge of small cords, he drove them all out of the temple, and the sheep, and the oxen; and poured out the changers’ money, and overthrew the tables; |
| 16 | Akati kune vaitengesa njiva: Bvisai zvinhu izvi pano; musaita imba yaBaba vangu imba yekutengeserana. | And said unto them that sold doves, Take these things hence; make not my Father’s house an house of merchandise. |
| 17 | Vadzidzi vake ndokurangarira kuti kwakanyorwa kuchinzi: Kushingairira imba yenyu kwandidya kukandipedza. | And his disciples remembered that it was written, The zeal of thine house hath eaten me up. |
| 18 | Naizvozvo VaJudha vakapindura, vakati kwaari: Unotiratidza chiratidzo chei, chekuti unoita zvinhu izvi? | Then answered the Jews and said unto him, What sign shewest thou unto us, seeing that thou doest these things? |
| 19 | Jesu akapindura akati kwavari: Pazai tembere iyi, uye mumazuva matatu ndichaimutsa. | Jesus answered and said unto them, Destroy this temple, and in three days I will raise it up. |
| 20 | Naizvozvo VaJudha vakati: Makore makumi mana nematanhatu tembere iyi ichivakwa, zvino iwe ungaimutsa nemazuva matatu here? | Then said the Jews, Forty and six years was this temple in building, and wilt thou rear it up in three days? |
| 21 | Asi iye waireva zvetembere yemuviri wake. | But he spake of the temple of his body. |
| 22 | Naizvozvo wakati amuka kubva kuvakafa, vadzidzi vake vakarangarira kuti wakange areva izvi kwavari; ndokutenda rugwaro, neshoko Jesu raakange areva. | When therefore he was risen from the dead, his disciples remembered that he had said this unto them; and they believed the scripture, and the word which Jesus had said. |
| 23 | Zvino wakati ava muJerusarema papasika, pamutambo, vazhinji vakatenda kuzita rake pavakaona zviratidzo zvaaiita. | Now when he was in Jerusalem at the passover, in the feast day, many believed in his name, when they saw the miracles which he did. |
| 24 | Asi Jesu pachake haana kuzvikumikidza kwavari, nokuti wakange achivaziva vese. | But Jesus did not commit himself unto them, because he knew all men, |
| 25 | Uye nokuti wakange asingatsvaki kuti ani nani apupure zvemunhu; nokuti wakange achiziva pachake zvakange zviri mumunhu. | And needed not that any should testify of man: for he knew what was in man. |
Shona Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL