에베소서 1장 Shona Bible
Shona Bible · 쇼나어 · 에베소서 (Ephesians) · 23절 · 대역: King James Version
| 절 | Shona Bible | King James Version |
|---|---|---|
| 1 | Pauro, muapositori waJesu Kristu nechido chaMwari, kuvatsvene vari muEfeso, nekune vakatendeka muna Kristu Jesu: | Paul, an apostle of Jesus Christ by the will of God, to the saints which are at Ephesus, and to the faithful in Christ Jesus: |
| 2 | Nyasha kwamuri nerugare rwunobva kuna Mwari Baba vedu uye Ishe Jesu Kristu. | Grace be to you, and peace, from God our Father, and from the Lord Jesus Christ. |
| 3 | Ngaarumbidzwe Mwari uye Baba vaIshe wedu Jesu Kristu, wakatiropafadza neropafadzo yese yemweya pazvinhu zvekudenga muna Kristu; | Blessed be the God and Father of our Lord Jesus Christ, who hath blessed us with all spiritual blessings in heavenly places in Christ: |
| 4 | sezvaakatisarudza maari pasati pava nekuvambwa kwenyika, kuti tive vatsvene, uye vasingamhuriki pamberi pake murudo, | According as he hath chosen us in him before the foundation of the world, that we should be holy and without blame before him in love: |
| 5 | agara atitemera mukuitwa vana kwaari kubudikidza naJesu Kristu, sekuda kwakanaka kwechido chake, | Having predestinated us unto the adoption of children by Jesus Christ to himself, according to the good pleasure of his will, |
| 6 | kuve rumbidzo yekubwinya yenyasha dzake, madziri wakatiropafadza muMudikanwi; | To the praise of the glory of his grace, wherein he hath made us accepted in the beloved. |
| 7 | watine dzikunuro maari neropa rake, iyo kanganwiro yekudarika, zvichienderana nefuma yenyasha dzake, | In whom we have redemption through his blood, the forgiveness of sins, according to the riches of his grace; |
| 8 | dzaakawanza kwatiri mukuchenjera kwese neungwaru, | Wherein he hath abounded toward us in all wisdom and prudence; |
| 9 | azivisa kwatiri chakavanzika chechido chake, sekushuva kwakanaka kwake kwaakaronga pachake; | Having made known unto us the mystery of his will, according to his good pleasure which he hath purposed in himself: |
| 10 | kuti pakubata kwekuzara kwenguva, aunganidze pamwe zvinhu zvese muna Kristu, zvese zviri kumatenga nezviri panyika; | That in the dispensation of the fulness of times he might gather together in one all things in Christ, both which are in heaven, and which are on earth; even in him: |
| 11 | imo maari, muna iye matakawanawo nhaka, yatakagara tatemerwa zvichienderana nechiga chaiye anoita zvinhu zvese zvichienderana nezano rechido chake, | In whom also we have obtained an inheritance, being predestinated according to the purpose of him who worketh all things after the counsel of his own will: |
| 12 | kuti tive rumbidzo yekubwinya kwake, isu takatanga kuvimba kuna Kristu; | That we should be to the praise of his glory, who first trusted in Christ. |
| 13 | nemwi muna iye, manzwa shoko rechokwadi, evhangeri yeruponeso rwenyu; kuna iyewo matenda kwaari makapiwa mucherechedzo neMweya Mutsvene wechivimbiso, | In whom ye also trusted, after that ye heard the word of truth, the gospel of your salvation: in whom also after that ye believed, ye were sealed with that holy Spirit of promise, |
| 14 | ari rubatso rwenhaka yedu, rwuve rudzikunuro rwezvakawanikwa, kurumbidzo yekubwinya kwake. | Which is the earnest of our inheritance until the redemption of the purchased possession, unto the praise of his glory. |
| 15 | Naizvozvo iniwo ndakati ndanzwa zverutendo rwenyu muna Ishe Jesu nerudo kuvatsvene vese, | Wherefore I also, after I heard of your faith in the Lord Jesus, and love unto all the saints, |
| 16 | handiregi kukuvongerai, ndichikurangarirai paminyengetero yangu; | Cease not to give thanks for you, making mention of you in my prayers; |
| 17 | kuti Mwari waIshe wedu Jesu Kristu, Baba vekubwinya, akupei mweya wekuchenjera newechakazarurwa paruzivo pamusoro pake; | That the God of our Lord Jesus Christ, the Father of glory, may give unto you the spirit of wisdom and revelation in the knowledge of him: |
| 18 | meso efungwa dzenyu avhenekerwa kuti muzive kuti tariro yekudana kwake chii, uye fuma yekubwinya kwenhaka yake pavatsvene chii, | The eyes of your understanding being enlightened; that ye may know what is the hope of his calling, and what the riches of the glory of his inheritance in the saints, |
| 19 | uye kuti ukuru hwakapfuvurisa hwesimba rake kwatiri isu tinotenda chii, maererano nekubata kweusamasimba hwesimba rake, | And what is the exceeding greatness of his power to us-ward who believe, according to the working of his mighty power, |
| 20 | raakashandisa muna Kristu, achimumutsa kubva kuvakafa, nokumugarisa kuruoko rwake rwerudyi panzvimbo dzekudenga, | Which he wrought in Christ, when he raised him from the dead, and set him at his own right hand in the heavenly places, |
| 21 | kumusoro-soro kweutongi hwese, nesimba, neukuru, neushe, nezita rega-rega rinodanwa, kwete kwenguva ino chete, asi kune inouyawo; | Far above all principality, and power, and might, and dominion, and every name that is named, not only in this world, but also in that which is to come: |
| 22 | akaisawo zvese pasi petsoka dzake, akamupa kuva musoro pamusoro pezvese kukereke, | And hath put all things under his feet, and gave him to be the head over all things to the church, |
| 23 | ndiwo muviri wake, kuzara kwaiye anozadzisa zvese mune zvese. | Which is his body, the fulness of him that filleth all in all. |
Shona Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL