마태복음 21장 Shona Bible
Shona Bible · 쇼나어 · 마태복음 (Matthew) · 46절 · 대역: King James Version
| 절 | Shona Bible | King James Version |
|---|---|---|
| 1 | Vakati vachiswedera kuJerusarema, vasvika kuBhetifage pagomo reMiorivhi, ipapo Jesu akatuma vadzidzi vaviri, | And when they drew nigh unto Jerusalem, and were come to Bethphage, unto the mount of Olives, then sent Jesus two disciples, |
| 2 | achiti kwavari: Endai kumusha wakatarisana nemwi, pakarepo muchawana mbongoro yakasungirwa, nedhongwana rinayo; sunungurai, muuyise kwandiri. | Saying unto them, Go into the village over against you, and straightway ye shall find an ass tied, and a colt with her: loose them, and bring them unto me. |
| 3 | Kana ani nani achitaura chinhu kwamuri, muchati: Ishe anozvida; pakarepo achazvitumira. | And if any man say ought unto you, ye shall say, The Lord hath need of them; and straightway he will send them. |
| 4 | Izvozvi zvese zvakaitika, kuti zvizadziswe zvakataurwa nemuporofita, achiti: | All this was done, that it might be fulfilled which was spoken by the prophet, saying, |
| 5 | Udzai mukunda weZiyoni: Tarira Mambo wako anouya kwauri, ari munyoro, akatasva mbongoro, nedhongwana, mwana wechipfuwo chemutoro. | Tell ye the daughter of Sion, Behold, thy King cometh unto thee, meek, and sitting upon an ass, and a colt the foal of an ass. |
| 6 | Vadzidzi vakaenda, vakaita Jesu sezvaakavaraira, | And the disciples went, and did as Jesus commanded them, |
| 7 | vakauisa mbongoro nedhongwana, vakaisa nguvo dzavo pamusoro pazvo; vakamugadza pamusoro pazvo. | And brought the ass, and the colt, and put on them their clothes, and they set him thereon. |
| 8 | Chaunga chikuru kwazvo chikawarira nguvo dzacho munzira; vamwe vakatema matavi pamiti vakawarira munzira. | And a very great multitude spread their garments in the way; others cut down branches from the trees, and strawed them in the way. |
| 9 | Zvaunga zvakange zvakamutungamirira nevakange vachitevera vakadanidzira, vachiti: Hosana* kuMwanakomana waDavhidhi! Wakaropafadzwa iye anouya muzita raIshe! Hosana kumusoro-soro! | And the multitudes that went before, and that followed, cried, saying, Hosanna to the Son of David: Blessed is he that cometh in the name of the Lord; Hosanna in the highest. |
| 10 | Wakati apinda muJerusarema, guta rese rikazungunuswa, richiti: Ndiani uyu? | And when he was come into Jerusalem, all the city was moved, saying, Who is this? |
| 11 | Zvaunga zvikati: Uyu ndiJesu muporofita weNazareta reGarirea. | And the multitude said, This is Jesus the prophet of Nazareth of Galilee. |
| 12 | Zvino Jesu wakapinda mutembere yaMwari, akadzingira vese vaitengesa nevaitenga mutembere, akapidigura matafura evaitsinhanha mari, nezvigaro zvevaitengesa njiva. | And Jesus went into the temple of God, and cast out all them that sold and bought in the temple, and overthrew the tables of the moneychangers, and the seats of them that sold doves, |
| 13 | Akati kwavari: Kwakanyorwa kuchinzi: Imba yangu ichanzi imba yemunyengetero; asi imwi munoiita bako remakororo. | And said unto them, It is written, My house shall be called the house of prayer; but ye have made it a den of thieves. |
| 14 | Zvino kwakauya kwaari mapofu nevaikamhina mutembere; akavaporesa. | And the blind and the lame came to him in the temple; and he healed them. |
| 15 | Asi vapristi vakuru nevanyori vakati vachiona zvinhu zvinoshamisa zvaakange achiita, nevana vachidanidzira mutembere vachiti: Hosana kuMwanakomana waDhavhidhi! vakatsamwa, | And when the chief priests and scribes saw the wonderful things that he did, and the children crying in the temple, and saying, Hosanna to the Son of David; they were sore displeased, |
| 16 | vakati kwaari: Unonzwa zvavanotaura ivava here? Jesu akati kwavari: Hongu, hamuna kutongoverenga here, kuti: Mumuromo mavacheche nevanoyamwa makapedzeredza rumbidzo? | And said unto him, Hearest thou what these say? And Jesus saith unto them, Yea; have ye never read, Out of the mouth of babes and sucklings thou hast perfected praise? |
| 17 | Akavasiya, akabuda panze peguta, achienda Bhetaniya, ndokurarapo. | And he left them, and went out of the city into Bethany; and he lodged there. |
| 18 | Kuzoti mangwanani-ngwanani wakati achidzokera kuguta, akanzwa nzara. | Now in the morning as he returned into the city, he hungered. |
| 19 | Zvino wakati achiona umwe muonde panzira, akaenda kwauri, akasawana chinhu kwauri, asi mashizha chete; akati kwauri: Ngakurege kuva nezvibereko kwauri kusvikira narinhi. Pakarepo muonde ukasvava. | And when he saw a fig tree in the way, he came to it, and found nothing thereon, but leaves only, and said unto it, Let no fruit grow on thee henceforward for ever. And presently the fig tree withered away. |
| 20 | Vadzidzi vakati vachiona, vakashamisika, vachiti: Muonde wasvava pakarepo sei? | And when the disciples saw it, they marvelled, saying, How soon is the fig tree withered away! |
| 21 | Jesu akapindura akati kwavari: Zvirokwazvo ndinoti kwamuri: Dai maiva nerutendo, musiri vasina chokwadi, hamungaiti izvi kumuonde chete, asi kunyange kana mukati kugomo iri: Simudzwa ukandirwe mugungwa; zvichaitwa. | Jesus answered and said unto them, Verily I say unto you, If ye have faith, and doubt not, ye shall not only do this which is done to the fig tree, but also if ye shall say unto this mountain, Be thou removed, and be thou cast into the sea; it shall be done. |
| 22 | Nezvese zvipi nezvipi zvamunokumbira mumunyengetero, kana muchitenda, muchazvigamuchira. | And all things, whatsoever ye shall ask in prayer, believing, ye shall receive. |
| 23 | Wakati apinda mutembere, vapristi vakuru nevakuru vevanhu vakauya kwaari achidzidzisa, vakati: Munoita zvinhu izvozvi nesimba ripi? Ndiani akakupai simba iri? | And when he was come into the temple, the chief priests and the elders of the people came unto him as he was teaching, and said, By what authority doest thou these things? and who gave thee this authority? |
| 24 | Jesu akapindura akati kwavari: Neni ndichakubvunzai shoko rimwe; kana mukandiudza iro, neni ndichakuudzai kuti ndinoita izvi nesimba ripi. | And Jesus answered and said unto them, I also will ask you one thing, which if ye tell me, I in like wise will tell you by what authority I do these things. |
| 25 | Rubhabhatidzo rwaJohwani rwakabvepi? Kudenga here kana kuvanhu? Zvino vakataurirana pakati pavo vachiti: Kana tikati: Kudenga; uchati kwatiri: Saka sei musina kumutenda? | The baptism of John, whence was it? from heaven, or of men? And they reasoned with themselves, saying, If we shall say, From heaven; he will say unto us, Why did ye not then believe him? |
| 26 | Asi kana tikati: Kuvanhu; tinotya chaunga; nokuti vese vakatora Johwani semuporofita. | But if we shall say, Of men; we fear the people; for all hold John as a prophet. |
| 27 | Vakapindura Jesu vakati: Hatizivi. Iye ndokuti kwavari: Neni handingakuudziyi simba randinoita naro izvi. | And they answered Jesus, and said, We cannot tell. And he said unto them, Neither tell I you by what authority I do these things. |
| 28 | Zvino munofungei? Munhu waiva nevanakomana vaviri; akauya kune wekutanga, akati: Mwana, enda nhasi unobata mumunda wangu wemizambiringa. | But what think ye? A certain man had two sons; and he came to the first, and said, Son, go work to day in my vineyard. |
| 29 | Iye akapindura akati: Handidi; asi pashure akatendeuka akaenda. | He answered and said, I will not: but afterward he repented, and went. |
| 30 | Akaenda kune wechipiri akataura saizvozvo. Iye akapindura akati: Ndinoenda, ishe; akasaenda. | And he came to the second, and said likewise. And he answered and said, I go, sir: and went not. |
| 31 | Ndeupi pavaviri akaita kuda kwababa? Vakati kwaari: Wekutanga. Jesu akati kwavari: Zvirokwazvo ndinoti kwamuri: Vateresi nezvifeve vanokutangirai kupinda muushe hwaMwari. | Whether of them twain did the will of his father? They say unto him, The first. Jesus saith unto them, Verily I say unto you, That the publicans and the harlots go into the kingdom of God before you. |
| 32 | Nokuti Johwani akauya kwamuri nenzira yekururama, mukasamutenda; asi vateresi nezvifeve vakamutenda, asi imwi makati muchiona, hamuna kutendeuka shure kwaizvozvi kuti mumutende. | For John came unto you in the way of righteousness, and ye believed him not: but the publicans and the harlots believed him: and ye, when ye had seen it, repented not afterward, that ye might believe him. |
| 33 | Inzwai umwe mufananidzo. Kwaiva neumwe munhu, mwene weimba, wakasima munda wemizambiringa, akaisa ruzhowa rwakaukomberedza, akachera pekusvinira waini mauri, akavaka shongwe, akauhaisa* kuvarimi, akaenda kunze kwenyika. | Hear another parable: There was a certain householder, which planted a vineyard, and hedged it round about, and digged a winepress in it, and built a tower, and let it out to husbandmen, and went into a far country: |
| 34 | Kuzoti nguva yezvibereko yaswedera, akatuma varanda vake kuvarimi kuti vagamuchire zvibereko zvake. | And when the time of the fruit drew near, he sent his servants to the husbandmen, that they might receive the fruits of it. |
| 35 | Asi varimi vakabata varanda vake, umwe vakarova, umwe vakauraya, umwe vakataka nemabwe. | And the husbandmen took his servants, and beat one, and killed another, and stoned another. |
| 36 | Akatumazve vamwe varanda vazhinji kune vekutanga; vakavaitira saizvozvo. | Again, he sent other servants more than the first: and they did unto them likewise. |
| 37 | Asi pakupedzisira akatuma mwanakomana wake kwavari, achiti: Vacharemekedza mwanakomana wangu. | But last of all he sent unto them his son, saying, They will reverence my son. |
| 38 | Asi varimi vakati vachiona mwanakomana, vakataurirana, vachiti: Uyu ndiye mugari wenhaka; uyai, ngatimuurayeyi tibate nhaka yake. | But when the husbandmen saw the son, they said among themselves, This is the heir; come, let us kill him, and let us seize on his inheritance. |
| 39 | Zvino vakamubata vakaposhera panze kunze kwemunda wemizambiringa vakamuuraya. | And they caught him, and cast him out of the vineyard, and slew him. |
| 40 | Naizvozvo kana mwene wemunda wemizambiringa achisvika, uchaitei kuvarimi avo? | When the lord therefore of the vineyard cometh, what will he do unto those husbandmen? |
| 41 | Vakati kwaari: Achaparadza zvakaipa ava vakaipa, akahaisa vamwe varimi munda wemizambiringa, vachamupa zvibereko nenguva dzazvo. | They say unto him, He will miserably destroy those wicked men, and will let out his vineyard unto other husbandmen, which shall render him the fruits in their seasons. |
| 42 | Jesu akati kwavari: Hamuna kutongoverenga here pamagwaro panoti: Ibwe vavaki ravakaramba, ndiro rakava musoro wekona; kubva kuna Ishe izvi zvaitika zvinoshamisa pameso edu? | Jesus saith unto them, Did ye never read in the scriptures, The stone which the builders rejected, the same is become the head of the corner: this is the Lord’s doing, and it is marvellous in our eyes? |
| 43 | Naizvozvo ndinoti kwamuri: Ushe hwaMwari huchatorwa kubva kwamuri, hukapiwa kurudzi rwunobereka zvibereko zvahwo. | Therefore say I unto you, The kingdom of God shall be taken from you, and given to a nation bringing forth the fruits thereof. |
| 44 | Uye anowira pamusoro pebwe iri, achavhunikanya; asi pane upi neupi warinowira richamukuya. | And whosoever shall fall on this stone shall be broken: but on whomsoever it shall fall, it will grind him to powder. |
| 45 | Vapristi vakuru neVaFarisi vakati vachinzwa mifananidzo yake, vakaziva kuti anotaura nezvavo. | And when the chief priests and Pharisees had heard his parables, they perceived that he spake of them. |
| 46 | Zvino vakati vachitsvaka kumubata vakatya zvaunga nokuti vaimutora semuporofita. | But when they sought to lay hands on him, they feared the multitude, because they took him for a prophet. |
Shona Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL