마태복음 15장 Shona Bible
Shona Bible · 쇼나어 · 마태복음 (Matthew) · 39절 · 대역: King James Version
| 절 | Shona Bible | King James Version |
|---|---|---|
| 1 | Ipapo kwakauya kuna Jesu vanyori neVaFarisi vachibva kuJerusarema vachiti: | Then came to Jesus scribes and Pharisees, which were of Jerusalem, saying, |
| 2 | Sei vadzidzi venyu vachidarika tsika yevakuru? Nokuti havashambi maoko avo kana vachidya chingwa. | Why do thy disciples transgress the tradition of the elders? for they wash not their hands when they eat bread. |
| 3 | Asi akapindura akati kwavari: Nemhaka yei imwiwo muchidarika murairo waMwari nekuda kwetsika yenyu? | But he answered and said unto them, Why do ye also transgress the commandment of God by your tradition? |
| 4 | Nokuti Mwari wakaraira achiti: Kudza baba namai vako; uye kuti: Anotuka baba kana mai, anofanira kufa rufu. | For God commanded, saying, Honour thy father and mother: and, He that curseth father or mother, let him die the death. |
| 5 | Asi imwi munoti: Ani nani anoti kuna baba kana kuna mai: Chipi nechipi chaungabatsirwa neni chibairo, | But ye say, Whosoever shall say to his father or his mother, It is a gift, by whatsoever thou mightest be profited by me; |
| 6 | naizvozvo haatongokudzi baba vake kana mai vake; naizvozvo mashayisa murairo waMwari maturo netsika yenyu. | And honour not his father or his mother, he shall be free. Thus have ye made the commandment of God of none effect by your tradition. |
| 7 | Vanyepedzeri, Isaya wakaporofita zvakanaka pamusoro penyu achiti: | Ye hypocrites, well did Esaias prophesy of you, saying, |
| 8 | Vanhu ava vanoswedera kwandiri nemuromo wavo, vachindikudza nemiromo; asi moyo wavo uri kure neni. | This people draweth nigh unto me with their mouth, and honoureth me with their lips; but their heart is far from me. |
| 9 | Asi vanondinamata pasina, vachidzidzisa dzidziso dziri mirairo yevanhu. | But in vain they do worship me, teaching for doctrines the commandments of men. |
| 10 | Zvino akadanira chaunga kwaari, akati kwavari: Teererai munzwisise. | And he called the multitude, and said unto them, Hear, and understand: |
| 11 | Hazvisi zvinopinda mumuromo zvinosvibisa munhu; asi izvo zvinobuda mumuromo, ndizvo zvinosvibisa munhu. | Not that which goeth into the mouth defileth a man; but that which cometh out of the mouth, this defileth a man. |
| 12 | Zvino vadzidzi vake vakaswedera vakati kwaari: Munoziva kuti VaFarisi vakati vachinzwa shoko iri vakagumbuka here? | Then came his disciples, and said unto him, Knowest thou that the Pharisees were offended, after they heard this saying? |
| 13 | Asi wakapindura akati: Chinomera chimwe nechimwe Baba vangu vekudenga chavasina kudzvara chichadzurwa. | But he answered and said, Every plant, which my heavenly Father hath not planted, shall be rooted up. |
| 14 | Varegei; vatungamiriri vakapofumara vemapofu. Zvino kana bofu richitungamirira bofu, achawira mugomba ari maviri. | Let them alone: they be blind leaders of the blind. And if the blind lead the blind, both shall fall into the ditch. |
| 15 | Petro akapindura akati kwaari: Tidudzirei mufananidzo uyu. | Then answered Peter and said unto him, Declare unto us this parable. |
| 16 | Zvino Jesu akati: Imwiwo muchiri vasinganzwisisi nhai? | And Jesus said, Are ye also yet without understanding? |
| 17 | Nazvino hamunzwisisi here, kuti zvese zvinopinda mumuromo zvinoenda mudumbu, uye zvinoraswa kunze? | Do not ye yet understand, that whatsoever entereth in at the mouth goeth into the belly, and is cast out into the draught? |
| 18 | Asi zvinhu zvinobuda mumuromo zvinobva mumoyo; izvo zvinosvibisa munhu. | But those things which proceed out of the mouth come forth from the heart; and they defile the man. |
| 19 | Nokuti mumoyo munobuda ndangariro dzakaipa, umhondi, ufeve, upombwe, umbavha, uchapupu hwenhema, kunyomba. | For out of the heart proceed evil thoughts, murders, adulteries, fornications, thefts, false witness, blasphemies: |
| 20 | Izvi ndizvo zvinosvibisa munhu; asi kudya nemaoko asina kushambwa hazvisvibisi munhu. | These are the things which defile a man: but to eat with unwashen hands defileth not a man. |
| 21 | Zvino Jesu wakabvapo akaenda kumiganhu yeTire neSidhoni. | Then Jesus went thence, and departed into the coasts of Tyre and Sidon. |
| 22 | Zvino tarira, mukadzi muKenani wakabva kumiganhu iyo akadanidzira kwaari achiti: Ndinzwirei tsitsi, Ishe, Mwanakomana waDhavhidhi; mukunda wangu wakabatwa zvakaipa nedhimoni. | And, behold, a woman of Canaan came out of the same coasts, and cried unto him, saying, Have mercy on me, O Lord, thou Son of David; my daughter is grievously vexed with a devil. |
| 23 | Asi haana kumupindura shoko. Vadzidzi vake ndokuuya kwaari vakamukumbirisa vachiti: Muindisei, nokuti anodanidzira shure kwedu. | But he answered her not a word. And his disciples came and besought him, saying, Send her away; for she crieth after us. |
| 24 | Asi wakapindura akati: Handina kutumwa zvimwe, kunze kwekumakwai akarasika eimba yaIsraeri. | But he answered and said, I am not sent but unto the lost sheep of the house of Israel. |
| 25 | Zvino akauya akamunamata achiti: Ishe, ndibatsirei. | Then came she and worshipped him, saying, Lord, help me. |
| 26 | Asi wakapindura akati: Hazvina kunaka kutora chingwa chevana ndokukandira imbwanana. | But he answered and said, It is not meet to take the children’s bread, and to cast it to dogs. |
| 27 | Asi iye akati: Hongu, Ishe, asi nembwanana dzinodya zvezvimedu zvinowa patafura yavatenzi vadzo. | And she said, Truth, Lord: yet the dogs eat of the crumbs which fall from their masters’ table. |
| 28 | Zvino Jesu akapindura akati kwaari: Haiwa mukadzi, rutendo rwako rukuru! Ngazvive kwauri sezvaunoda. Mukunda wake akaporeswa kubva panguva iyo. | Then Jesus answered and said unto her, O woman, great is thy faith: be it unto thee even as thou wilt. And her daughter was made whole from that very hour. |
| 29 | Jesu ndokubva ipapo akauya parutivi rwegungwa reGarirea; akakwira mugomo, akagara ipapo. | And Jesus departed from thence, and came nigh unto the sea of Galilee; and went up into a mountain, and sat down there. |
| 30 | Zvino zvaunga zvikuru zvakauya kwaari zvine mhetamakumbo, mapofu, zvimumumu, zvirema, nevamwe vazhinji, vakavakanda patsoka dzaJesu; akavaporesa; | And great multitudes came unto him, having with them those that were lame, blind, dumb, maimed, and many others, and cast them down at Jesus’ feet; and he healed them: |
| 31 | zvekuti zvaunga zvakashamisika zvichiona zvimumumu zvichitaura, zvirema zvakagwinya, vanokamhina vachifamba, nemapofu achiona; vakarumbidza Mwari waIsraeri. | Insomuch that the multitude wondered, when they saw the dumb to speak, the maimed to be whole, the lame to walk, and the blind to see: and they glorified the God of Israel. |
| 32 | Jesu ndokudanira vadzidzi vake kwaari akati: Ndinonzwa tsitsi nechaunga, nokuti vakagara neni zvino mazuva matatu vasina chinhu chekudya, uye handidi kuvaindisa vasina kudya, zvimwe vangaziya panzira. | Then Jesus called his disciples unto him, and said, I have compassion on the multitude, because they continue with me now three days, and have nothing to eat: and I will not send them away fasting, lest they faint in the way. |
| 33 | Vadzidzi vake ndokuti kwaari: Tichawanepi zvingwa zvakawanda zvakadaro murenje, kuti tigutise chaunga chikuru chakadai? | And his disciples say unto him, Whence should we have so much bread in the wilderness, as to fill so great a multitude? |
| 34 | Jesu ndokuti kwavari: Mune zvingwa zvingani? Vakati: Zvinomwe, nehove diki shomanene. | And Jesus saith unto them, How many loaves have ye? And they said, Seven, and a few little fishes. |
| 35 | Ndokuraira zvaunga kuti zvigare pasi pavhu. | And he commanded the multitude to sit down on the ground. |
| 36 | Akatora zvingwa zvinomwe nehove, akavonga, akamedura, ndokupa vadzidzi vake, vadzidzi vakapa chaunga. | And he took the seven loaves and the fishes, and gave thanks, and brake them, and gave to his disciples, and the disciples to the multitude. |
| 37 | Vakadya vese vakaguta; vakanonga zvimedu zvakasara, matengu manomwe azere. | And they did all eat, and were filled: and they took up of the broken meat that was left seven baskets full. |
| 38 | Zvino avo vakadya vakange vari varume zvuru zvina pasina vakadzi nevana. | And they that did eat were four thousand men, beside women and children. |
| 39 | Zvino wakati aregera zvaunga zvichienda, akapinda muchikepe, akasvika kumiganhu yeMagidhara. | And he sent away the multitude, and took ship, and came into the coasts of Magdala. |
Shona Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL