잠언 10장 John Wycliffe Bible (c.1395)
John Wycliffe Bible (c.1395) · 중세 영어 · 잠언 (Proverbs) · 32절 · 대역: King James Version
| 절 | John Wycliffe Bible (c.1395) | King James Version |
|---|---|---|
| 1 | The parablis of Salomon. A wijs sone makith glad the fadir; but a fonned sone is the sorewe of his modir. | The proverbs of Solomon. A wise son maketh a glad father: but a foolish son is the heaviness of his mother. |
| 2 | Tresouris of wickidnesse schulen not profite; but riytfulnesse schal delyuere fro deth. | Treasures of wickedness profit nothing: but righteousness delivereth from death. |
| 3 | The Lord schal not turmente the soule of a iust man with hungur; and he schal distrie the tresouns of vnpitouse men. | The Lord will not suffer the soul of the righteous to famish: but he casteth away the substance of the wicked. |
| 4 | A slow hond hath wrouyt nedynesse; but the hond of stronge men makith redi richessis. Forsothe he that enforsith to gete `ony thing bi leesyngis, fedith the wyndis; sotheli the same man sueth briddis fleynge. | He becometh poor that dealeth with a slack hand: but the hand of the diligent maketh rich. |
| 5 | He that gaderith togidere in heruest, is a wijs sone; but he that slepith in sommer, is a sone of confusioun. | He that gathereth in summer is a wise son: but he that sleepeth in harvest is a son that causeth shame. |
| 6 | The blessing of God is ouer the heed of a iust man; but wickidnesse hilith the mouth of wickid men. | Blessings are upon the head of the just: but violence covereth the mouth of the wicked. |
| 7 | The mynde of a iust man schal be with preisingis; and the name of wickid men schal wexe rotun. | The memory of the just is blessed: but the name of the wicked shall rot. |
| 8 | A wijs man schal resseyue comaundementis with herte; a fool is betun with lippis. | The wise in heart will receive commandments: but a prating fool shall fall. |
| 9 | He that goith simpli, goith tristili; but he that makith schrewid hise weies, schal be opyn. | He that walketh uprightly walketh surely: but he that perverteth his ways shall be known. |
| 10 | He that bekeneth with the iye, schal yyue sorewe; a fool schal be betun with lippis. | He that winketh with the eye causeth sorrow: but a prating fool shall fall. |
| 11 | The veyne of lijf is the mouth of a iust man; but the mouth of wickid men hilith wickidnesse. | The mouth of a righteous man is a well of life: but violence covereth the mouth of the wicked. |
| 12 | Hatrede reisith chidingis; and charite hilith alle synnes. | Hatred stirreth up strifes: but love covereth all sins. |
| 13 | Wisdom is foundun in the lippis of a wise man; and a yerd in the bak of him that is nedi of herte. | In the lips of him that hath understanding wisdom is found: but a rod is for the back of him that is void of understanding. |
| 14 | Wise men hiden kunnyng; but the mouth of a fool is nexte to confusioun. | Wise men lay up knowledge: but the mouth of the foolish is near destruction. |
| 15 | The catel of a riche man is the citee of his strengthe; the drede of pore men is the nedynesse of hem. | The rich man’s wealth is his strong city: the destruction of the poor is their poverty. |
| 16 | The werk of a iust man is to lijf; but the fruyt of a wickid man is to synne. | The labour of the righteous tendeth to life: the fruit of the wicked to sin. |
| 17 | The weie of lijf is to him that kepith chastising; but he that forsakith blamyngis, errith. | He is in the way of life that keepeth instruction: but he that refuseth reproof erreth. |
| 18 | False lippis hiden hatrede; he that bringith forth dispisinge is vnwijs. | He that hideth hatred with lying lips, and he that uttereth a slander, is a fool. |
| 19 | Synne schal not faile in myche spekyng; but he that mesurith hise lippis, is moost prudent. | In the multitude of words there wanteth not sin: but he that refraineth his lips is wise. |
| 20 | Chosun siluer is the tunge of a iust man; the herte of wickid men is for nouyt. | The tongue of the just is as choice silver: the heart of the wicked is little worth. |
| 21 | The lippis of a iust man techen ful manye men; but thei that ben vnlerned, schulen die in nedinesse of herte. | The lips of the righteous feed many: but fools die for want of wisdom. |
| 22 | The blessing of the Lord makith riche men; and turment schal not be felowschipid to hem. | The blessing of the Lord, it maketh rich, and he addeth no sorrow with it. |
| 23 | A fool worchith wickidnesse as bi leiyyng; but `wisdom is prudence to a man. | It is as sport to a fool to do mischief: but a man of understanding hath wisdom. |
| 24 | That that a wickid man dredith, schal come on hym; the desire of iust men schalbe youun to hem. | The fear of the wicked, it shall come upon him: but the desire of the righteous shall be granted. |
| 25 | As a tempeste passynge, a wickid man schal not be; but a iust man schal be as an euerlastynge foundement. | As the whirlwind passeth, so is the wicked no more: but the righteous is an everlasting foundation. |
| 26 | As vynegre noieth the teeth, and smoke noieth the iyen; so a slow man noieth hem that senten hym in the weie. | As vinegar to the teeth, and as smoke to the eyes, so is the sluggard to them that send him. |
| 27 | The drede of the Lord encreesith daies; and the yeeris of wickid men schulen be maad schort. | The fear of the Lord prolongeth days: but the years of the wicked shall be shortened. |
| 28 | Abiding of iust men is gladnesse; but the hope of wickid men schal perische. | The hope of the righteous shall be gladness: but the expectation of the wicked shall perish. |
| 29 | The strengthe of a symple man is the weie of the Lord; and drede to hem that worchen yuel. | The way of the Lord is strength to the upright: but destruction shall be to the workers of iniquity. |
| 30 | A iust man schal not be moued with outen ende; but wickid men schulen not dwelle on the erthe. | The righteous shall never be removed: but the wicked shall not inhabit the earth. |
| 31 | The mouth of a iust man schal bringe forth wisdom; the tunge of schrewis schal perische. | The mouth of the just bringeth forth wisdom: but the froward tongue shall be cut out. |
| 32 | The lippis of a iust man biholden pleasaunt thingis; and the mouth of wickid men byholdith weiward thingis. | The lips of the righteous know what is acceptable: but the mouth of the wicked speaketh frowardness. |
- 📚 John Wycliffe Bible (c.1395) 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- 🌐 다른 언어·판
John Wycliffe Bible (c.1395) — getbible.net(CrossWire SWORD 모듈)에서 가져옴 · 라이선스: CC BY-SA 4.0 (Creative Commons: BY-SA 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL