시편 114편 John Wycliffe Bible (c.1395)
John Wycliffe Bible (c.1395) · 중세 영어 · 시편 (Psalms) · 9절
- 1 The titil of the hundrid and fourtenthe salm. Alleluia. I louede `the Lord; for the Lord schal here the vois of my preier.
- 2 For he bowide doun his eere to me; and Y schal inwardli clepe in my daies.
- 3 The sorewis of deth cumpassiden me; and the perelis of helle founden me.
- 4 I foond tribulacioun and sorewe; and Y clepide inwardli the name of the Lord. Thou, Lord, delyuere my soule;
- 5 the Lord is merciful, and iust; and oure God doith merci.
- 6 And the Lord kepith litle children; Y was mekid, and he delyuerede me.
- 7 Mi soule, turne thou in to thi reste; for the Lord hath do wel to thee.
- 8 For he hath delyuered my soule fro deth; myn iyen fro wepingis, my feet fro fallyng doun.
- 9 I schal plese the Lord; in the cuntrei of hem that lyuen.
- 📚 John Wycliffe Bible (c.1395) 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
John Wycliffe Bible (c.1395) — getbible.net(CrossWire SWORD 모듈)에서 가져옴 · 라이선스: CC BY-SA 4.0 (Creative Commons: BY-SA 4.0) · 출처 ↗