시편 114편 Vulgata Clementina
Vulgata Clementina · 라틴어 · 시편 (Psalms) · 9절
- 1 Alleluja. Dilexi, quoniam exaudiet Dominus vocem orationis meæ.
- 2 Quia inclinavit aurem suam mihi, et in diebus meis invocabo.
- 3 Circumdederunt me dolores mortis ; et pericula inferni invenerunt me. Tribulationem et dolorem inveni,
- 4 et nomen Domini invocavi : o Domine, libera animam meam.
- 5 Misericors Dominus et justus, et Deus noster miseretur.
- 6 Custodiens parvulos Dominus ; humiliatus sum, et liberavit me.
- 7 Convertere, anima mea, in requiem tuam, quia Dominus benefecit tibi :
- 8 quia eripuit animam meam de morte, oculos meos a lacrimis, pedes meos a lapsu.
- 9 Placebo Domino in regione vivorum.
- 📚 Vulgata Clementina 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
Vulgata Clementina — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗