이사야 66장 King Jems Pisin Baibel
King Jems Pisin Baibel · 톡피신어 · 이사야 (Isaiah) · 24절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ BIKPELA i tok olsem, Heven i stap sia king bilong Mi, na dispela graun i stap samting bilong putim tupela lek bilong Mi. Haus yupela i wokim long Mi i stap we? Na ples bilong Mi ken malolo i stap we? | Thus saith the Lord, The heaven is my throne, and the earth is my footstool: where is the house that ye build unto me? and where is the place of my rest? |
| 2 | BIKPELA i tok, Long wanem, han bilong Mi i bin wokim olgeta bilong ol dispela samting, na olgeta bilong ol dispela samting i bin stap. Tasol bai Mi lukluk i go long dispela man, yes long man i daunim em yet na spirit bilong em i pilim sori, na em i guria long tok bilong Mi. | For all those things hath mine hand made, and all those things have been, saith the Lord: but to this man will I look, even to him that is poor and of a contrite spirit, and trembleth at my word. |
| 3 | Man i kilim i dai wanpela bulmakau man i olsem em i kilim i dai wanpela man, na man i kilim i dai wanpela pikinini sipsip bilong mekim sakrifais i olsem em i katim na rausim nek bilong wanpela dok, na man i givim ofa i olsem em i ofaim blut bilong pik, na man i kukim smok smel i olsem em i blesim wanpela god giaman. Yes, ol i bin makim ol rot bilong ol yet, na tewel bilong ol i amamas long ol pasin i sting samting bilong ol. | He that killeth an ox is as if he slew a man; he that sacrificeth a lamb, as if he cut off a dog’s neck; he that offereth an oblation, as if he offered swine’s blood; he that burneth incense, as if he blessed an idol. Yea, they have chosen their own ways, and their soul delighteth in their abominations. |
| 4 | Na tu bai Mi makim wanem samting i giaman na i bosim tingting bilong ol na bai Mi bringim ol samting bilong pretim ol i kam long ol. Long wanem Mi bin singautim ol na i no gat wanpela i bekim, na taim Mi toktok ol i no bin harim. Tasol ol i mekim pasin nogut i kamap ples klia long ol ai bilong Mi, na ol i makim ol samting Mi no laikim. | I also will choose their delusions, and will bring their fears upon them; because when I called, none did answer; when I spake, they did not hear: but they did evil before mine eyes, and chose that in which I delighted not. |
| 5 | ¶ Yupela manmeri i guria long tok bilong Em, harim tok bilong BIKPELA, Ol brata bilong yupela husat i no laikim tru yupela na ol i rausim yupela, bilong yupela i karim nem bilong Mi, ol i tok, Larim BIKPELA i kisim glori. Tasol Em bai kamap ples klia long givim amamas tru long yupela, na ol bai kisim sem. | Hear the word of the Lord, ye that tremble at his word; Your brethren that hated you, that cast you out for my name’s sake, said, Let the Lord be glorified: but he shall appear to your joy, and they shall be ashamed. |
| 6 | Wanpela nek bilong bikpela nois i lusim dispela biktaun i kam, wanpela nek i lusim tempel i kam, wanpela nek bilong BIKPELA i bekim pe nogut long ol birua bilong Em. | A voice of noise from the city, a voice from the temple, a voice of the Lord that rendereth recompence to his enemies. |
| 7 | Pastaim long em i bin hatwok, em i karim, na pastaim long pen bilong em i kamap, em i karim wanpela pikinini man. | Before she travailed, she brought forth; before her pain came, she was delivered of a man child. |
| 8 | Husat i bin harim dispela kain samting? Husat i bin lukim ol dispela kain samting? Bai dispela graun i karim long wanpela de tasol? Bai wanpela kantri i kamap nupela wantu tasol? Long wanem, taim stret Saion i bin stat long hatwok, em i karim ol pikinini bilong em. | Who hath heard such a thing? who hath seen such things? Shall the earth be made to bring forth in one day? or shall a nation be born at once? for as soon as Zion travailed, she brought forth her children. |
| 9 | BIKPELA i tok, Bai Mi bringim em i kam klostu long karim, na Mi no mekim em i karim? God bilong yu i tok, Bai Mi mekim em i karim na pasim bel bilong em? | Shall I bring to the birth, and not cause to bring forth? saith the Lord: shall I cause to bring forth, and shut the womb? saith thy God. |
| 10 | Yupela mas amamas tru wantaim Jerusalem na stap belgut wantaim em, yupela olgeta i laikim tru em. Wokim amamas tru bilong soim amamas tru wantaim em, yupela olgeta i krai sori long em. | Rejoice ye with Jerusalem, and be glad with her, all ye that love her: rejoice for joy with her, all ye that mourn for her: |
| 11 | Bai yupela i ken kisim susu na tupela susu bilong ol gutpela tok bilong em i ken inapim yupela, bai yupela i ken kisim susu na stap amamas long planti glori bilong em. | That ye may suck, and be satisfied with the breasts of her consolations; that ye may milk out, and be delighted with the abundance of her glory. |
| 12 | Long wanem BIKPELA i tok olsem, Harim, bai Mi givim bel isi long em olsem wanpela wara riva, na glori bilong ol lain i no Ju olsem wanpela liklik wara i ran i kam. Long dispela taim bai yupela i pulim susu, na em bai karim yupela long ol arere bilong em, na em bai amamasim yupela long tupela lek bilong em. | For thus saith the Lord, Behold, I will extend peace to her like a river, and the glory of the Gentiles like a flowing stream: then shall ye suck, ye shall be borne upon her sides, and be dandled upon her knees. |
| 13 | Olsem wanpela mama bilong em i givim bel isi long em, olsem tasol bai Mi givim bel isi long yupela, na yupela bai kisim bel isi long Jerusalem. | As one whom his mother comforteth, so will I comfort you; and ye shall be comforted in Jerusalem. |
| 14 | Na taim yupela i lukim dispela, bel bilong yupela bai amamas tru, na ol bun bilong yupela bai stap gutpela olsem wanpela sayor. Na ol wokboi bilong Em bai save long han bilong BIKPELA i go long ol, na bel nogut bilong Em bai go long ol birua bilong Em. | And when ye see this, your heart shall rejoice, and your bones shall flourish like an herb: and the hand of the Lord shall be known toward his servants, and his indignation toward his enemies. |
| 15 | ¶ Long wanem, harim, BIKPELA bai kam wantaim paia na wantaim ol karis bilong pait bilong Em olsem wanpela raunwin long givim kros bilong Em long belhat nogut tru, na hatim bilong Em long ol lait bilong paia. | For, behold, the Lord will come with fire, and with his chariots like a whirlwind, to render his anger with fury, and his rebuke with flames of fire. |
| 16 | Long wanem BIKPELA bai kotim olgeta manmeri long paia na long bainat bilong Em. Na ol daiman BIKPELA i bin kilim i dai bai stap planti. | For by fire and by his sword will the Lord plead with all flesh: and the slain of the Lord shall be many. |
| 17 | BIKPELA i tok, Ol husat i makim ol yet i holi na makim ol yet i klinpela long ol gaden bihain long wanpela diwai i stap namel long ol, na ol i kaikai mit bilong pik na dispela sting samting na rat, ol wantaim bai stap bagarap olgeta. | They that sanctify themselves, and purify themselves in the gardens behind one tree in the midst, eating swine’s flesh, and the abomination, and the mouse, shall be consumed together, saith the Lord. |
| 18 | Long wanem Mi save long ol wok bilong ol na ol tingting bilong ol. Em bai kamap, long Mi bai bungim olgeta kantri na tok ples, na ol bai kam na lukim glori bilong Mi. | For I know their works and their thoughts: it shall come, that I will gather all nations and tongues; and they shall come, and see my glory. |
| 19 | Na bai Mi putim wanpela mak namel long ol na bai Mi salim ol husat i ranawe bilong ol na i go long ol kantri, long Tarsis na Pul na Lut, lain i taitim banara, long Tubal na Javan, long ol ailan i stap longwe tru, husat i no bin harim tok long biknem bilong Mi, o bin lukim glori bilong Mi, na ol bai tokaut long glori bilong Mi namel long ol lain i no Ju. | And I will set a sign among them, and I will send those that escape of them unto the nations, to Tarshish, Pul, and Lud, that draw the bow, to Tubal, and Javan, to the isles afar off, that have not heard my fame, neither have seen my glory; and they shall declare my glory among the Gentiles. |
| 20 | Na ol bai bringim olgeta brata bilong yupela bilong givim wanpela ofa i go long BIKPELA, na ol bai kam long olgeta kantri long ol hos, na long ol karis, na long ol karis man i karim, na long ol miul, na long ol animal i go hariap. BIKPELA i tok, Ol i go long maunten holi bilong Mi, em Jerusalem, olsem ol pikinini bilong Isrel i bringim wanpela ofa long haus bilong BIKPELA long sospen i klin. | And they shall bring all your brethren for an offering unto the Lord out of all nations upon horses, and in chariots, and in litters, and upon mules, and upon swift beasts, to my holy mountain Jerusalem, saith the Lord, as the children of Israel bring an offering in a clean vessel into the house of the Lord. |
| 21 | BIKPELA i tok, Na tu bai Mi kisim sampela bilong ol long i kamap ol pris na bilong i kamap ol Livai. | And I will also take of them for priests and for Levites, saith the Lord. |
| 22 | BIKPELA i tok, Long wanem bai Mi wokim ol nupela heven na nupela dispela graun na olsem ol dispela bai stap olgeta taim long pes bilong Mi, olsem tasol ol pikinini bilong yupela na nem bilong yupela bai stap olgeta taim. | For as the new heavens and the new earth, which I will make, shall remain before me, saith the Lord, so shall your seed and your name remain. |
| 23 | BIKPELA i tok, Na em bai kamap olsem, long wanpela nupela mun i go long narapela, na long wanpela sabat i go long narapela, olgeta manmeri bai kam long lotu long pes bilong Mi. | And it shall come to pass, that from one new moon to another, and from one sabbath to another, shall all flesh come to worship before me, saith the Lord. |
| 24 | Na ol bai go na lukluk long ol bodi bilong ol daiman husat i bin kalapim lo na birua long Mi. Long wanem bai liklik snek bilong ol i no dai pinis, na tu bai paia bilong ol i no kamap kol, na olgeta manmeri bai tingim ol samting i nogut tru. | And they shall go forth, and look upon the carcases of the men that have transgressed against me: for their worm shall not die, neither shall their fire be quenched; and they shall be an abhorring unto all flesh. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL