이사야 20장 King Jems Pisin Baibel
King Jems Pisin Baibel · 톡피신어 · 이사야 (Isaiah) · 6절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Long yia Tartan i bin kam long Asdot, (taim Sargon, king bilong Asiria, i salim em i go) na em i pait birua long Asdot na em i winim em. | In the year that Tartan came unto Ashdod, (when Sargon the king of Assyria sent him,) and fought against Ashdod, and took it; |
| 2 | Long dispela taim tu BIKPELA i bin toktok long Aisea, pikinini man bilong Emos, na tok, Go na lusim klos i soim sori long bel bilong yu na rausim su bilong yu long lek bilong yu. Na Em i mekim olsem na wokabaut skin nating na i no gat su. | At the same time spake the Lord by Isaiah the son of Amoz, saying, Go and loose the sackcloth from off thy loins, and put off thy shoe from thy foot. And he did so, walking naked and barefoot. |
| 3 | Na BIKPELA i tok, Olsem wokboi bilong Mi Aisea i bin wokabaut skin nating na i no gat su tripela yia bilong kirapim wanpela mak na samting i winim tingting i go long Isip na i go long Itiopia, | And the Lord said, Like as my servant Isaiah hath walked naked and barefoot three years for a sign and wonder upon Egypt and upon Ethiopia; |
| 4 | Olsem tasol king bilong Asiria bai kisim i go ol Isip i stap kalabus na ol Itiopia i stap kalabus, ol yangpela na lapun, ol bai stap skin nating na i no gat su, yes inap long as bilong ol i no gat klos, bilong givim sem long Isip. | So shall the king of Assyria lead away the Egyptians prisoners, and the Ethiopians captives, young and old, naked and barefoot, even with their buttocks uncovered, to the shame of Egypt. |
| 5 | Na ol bai pret na kisim sem long Itiopia lain ol i ting bai helpim ol, na long Isip glori bilong ol. | And they shall be afraid and ashamed of Ethiopia their expectation, and of Egypt their glory. |
| 6 | Na lain i stap long dispela ailan bai tok long dispela de olsem, Lukim, dispela em i lain yumi bin ting ol bai helpim yumi. Bai yumi ranawe i go we bilong kisim helpim long yumi no stap aninit long king bilong Asiria? Na bai yumi ranawe olsem wanem? | And the inhabitant of this isle shall say in that day, Behold, such is our expectation, whither we flee for help to be delivered from the king of Assyria: and how shall we escape? |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL