요한계시록 4장 King Jems Pisin Baibel

King Jems Pisin Baibel · 톡피신어 · 요한계시록 (Revelation) · 11절

언어 판 책 장 대역 (나란히) 바로 가기

1 ¶ Bihain long dispela mi lukluk, na, lukim, ol i opim wanpela dua long heven. Na dispela namba wan nek mi harim i samting olsem em i bilong wanpela biugel i toktok wantaim mi, husat i tok, Kam antap long hia, na mi bai soim yu ol dispela samting i mas stap bihain long nau.
2 Na wantu mi stap long spirit. Na, lukim, wanpela sia king i sindaun long heven, na wanpela i sindaun antap long sia king.
3 Na em husat i sindaun, long lukluk bilong em, i olsem jaspa na sardin ston. Na i gat wanpela renbo raun nabaut long sia king, long lukluk bilong en i wankain olsem wanpela emeral.
4 Na raun nabaut long sia king i gat 24 sia. Na antap long ol sia mi lukim 24 lapun hetman i sindaun, ol i werim waitpela klos. Na ol i gat antap long ol het bilong ol ol hat king gol.
5 Na ausait long sia king ol lait bilong klaut na ol nois bilong klaut i pairap na ol nek i kam ausait. Na i gat sevenpela lam bilong paia i kuk long ai bilong sia king, dispela em dispela sevenpela Spirit bilong God.
6 Na long ai bilong sia king i gat wanpela biksi bilong glas i wankain olsem kristal. Na long namel bilong sia king, na raun nabaut long sia king, i gat fopela animal, pulap long ol ai long fran na long baksait.
7 Na namba wan animal i olsem wanpela laion, na namba tu animal i olsem wanpela pikinini bulmakau, na namba tri animal i gat pes olsem man, na namba foa animal i olsem igal i flai.
8 ¶ Na dispela fopela animal i gat, olgeta wan wan bilong ol, sikispela wing nabaut long em. Na ol i pulap long ol ai insait. Na ol i no malolo san na nait, i spik, Holi, holi, holi, God Bikpela i Gat Olgeta Strong, husat i bin stap, na husat i stap, na husat bai kam.
9 Na taim ol dispela animal i givim glori na ona na tok tenkyu long em husat i sindaun long sia king, husat i stap laip oltaim oltaim na oltaim,
10 Dispela 24 lapun hetman i pundaun long ai bilong em husat i sindaun long sia king, na lotuim em husat i stap laip oltaim oltaim na oltaim, na tromoi ol hat king bilong ol long ai bilong sia king, i spik,
11 Yu gat namba inap, O Bikpela, long kisim glori na ona na pawa. Long wanem, yu bin kamapim long nating olgeta samting, na bilong amamasim bel bilong yu ol i stap na yu bin kamapim ol long nating.

King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗