시편 9편 King Jems Pisin Baibel
King Jems Pisin Baibel · 톡피신어 · 시편 (Psalms) · 20절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O BIKPELA, long olgeta hap bilong bel bilong mi bai mi litimapim nem bilong Yu. Bai mi telimautim olgeta bikpela wok bilong Yu i mekim mi tingting planti. | I will praise thee, O Lord, with my whole heart; I will shew forth all thy marvellous works. |
| 2 | Bai mi belgut na amamas tru long Yu. Bai mi singim song bilong litimapim nem bilong Yu, O Yu i Antap olgeta. | I will be glad and rejoice in thee: I will sing praise to thy name, O thou most High. |
| 3 | Taim ol birua bilong mi i tanim na i go bek, bai ol i pundaun na dai pinis long pes bilong Yu. | When mine enemies are turned back, they shall fall and perish at thy presence. |
| 4 | Long wanem Yu bin lukautim stretpela pasin bilong mi na wanem samting mi laikim. Yu bin sindaun long sia king na jasim long stretpela pasin. | For thou hast maintained my right and my cause; thou satest in the throne judging right. |
| 5 | Yu bin hatim ol haiden. Yu bin bagarapim olgeta ol manmeri i nogut tru. Yu bin rausim nem bilong ol inap long oltaim oltaim. | Thou hast rebuked the heathen, thou hast destroyed the wicked, thou hast put out their name for ever and ever. |
| 6 | O yu birua, ol wok bilong bagarapim samting em i pinis inap long oltaim oltaim. Na yu bin bagarapim olgeta ol biktaun. Mak bilong tingim ol, em i lus wantaim ol. | O thou enemy, destructions are come to a perpetual end: and thou hast destroyed cities; their memorial is perished with them. |
| 7 | Tasol BIKPELA bai i stap oltaim oltaim. Em i bin redim sia king bilong En bilong jasim ol manmeri. | But the Lord shall endure for ever: he hath prepared his throne for judgment. |
| 8 | Na long stretpela pasin Em bai jasim dispela graun. Long pasin i stret Em bai wokim kot long ol manmeri. | And he shall judge the world in righteousness, he shall minister judgment to the people in uprightness. |
| 9 | Na tu BIKPELA bai stap ples hait bilong ol manmeri i kisim hevi. Em i stap ples hait long ol taim bilong hevi. | The Lord also will be a refuge for the oppressed, a refuge in times of trouble. |
| 10 | Na ol man i save long nem bilong Yu, bai ol i putim bilip bilong ol long Yu. Long wanem Yu, BIKPELA, Yu no bin givim baksait long ol man i wok long painim Yu. | And they that know thy name will put their trust in thee: for thou, Lord, hast not forsaken them that seek thee. |
| 11 | ¶ Yupela mas singim ol song bilong litimapim nem bilong BIKPELA, Em i stap long Saion. Yupela i mas tokaut long ol wok bilong Em namel long ol manmeri. | Sing praises to the Lord, which dwelleth in Zion: declare among the people his doings. |
| 12 | Taim Em i mekim askim bilong blut, Em i save tingim ol. Em i no lusim tingting long singaut bilong ol man i save daunim ol yet. | When he maketh inquisition for blood, he remembereth them: he forgetteth not the cry of the humble. |
| 13 | O BIKPELA, sori long mi. Yu mas tingim na skelim hevi i kam long mi long ol man i no laikim tru mi. Yu man i litimapim mi long lusim ol dua bilong banis bilong i dai pinis. | Have mercy upon me, O Lord; consider my trouble which I suffer of them that hate me, thou that liftest me up from the gates of death: |
| 14 | Olsem na mi ken soim olgeta pasin bilong litimapim nem bilong Yu long ol dua bilong banis bilong pikinini meri bilong Saion. Bai mi amamas tru long wok bilong Yu long kisim bek mi. | That I may shew forth all thy praise in the gates of the daughter of Zion: I will rejoice in thy salvation. |
| 15 | Ol haiden i go daun pinis insait long bikpela hul ol i bin wokim. Umben ol i bin haitim em i kisim pinis lek bilong ol yet. | The heathen are sunk down in the pit that they made: in the net which they hid is their own foot taken. |
| 16 | BIKPELA i save tilim pe bilong kot, na long dispela ol man i save long Em. Man i nogut tru em i kalabus long wok bilong han bilong em yet. Higaion. Sela. | The Lord is known by the judgment which he executeth: the wicked is snared in the work of his own hands. Higgaion. Selah. |
| 17 | Ol man i nogut tru wantaim olgeta kantri i lusim tingting long God, God bai putim ol i go insait long hel. | The wicked shall be turned into hell, and all the nations that forget God. |
| 18 | Long wanem bai God i no lusim tingting oltaim long ol man i sot long samting. Samting ol rabisman i wetim, bai em i no lus inap long oltaim oltaim. | For the needy shall not alway be forgotten: the expectation of the poor shall not perish for ever. |
| 19 | O BIKPELA, Yu mas kirap. Yu no ken larim man i win. Larim ol haiden i kamap long kot long ai bilong Yu. | Arise, O Lord; let not man prevail: let the heathen be judged in thy sight. |
| 20 | O BIKPELA, Yu mas mekim ol i pret, bai ol kantri i ken save, ol yet i man tasol. Sela. | Put them in fear, O Lord: that the nations may know themselves to be but men. Selah. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL