시편 10편 King Jems Pisin Baibel
King Jems Pisin Baibel · 톡피신어 · 시편 (Psalms) · 18절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O BIKPELA, bilong wanem Yu sanap i stap longwe? Bilong wanem Yu haitim Yu yet long ol taim bilong hevi? | Why standest thou afar off, O Lord? why hidest thou thyself in times of trouble? |
| 2 | Long hambak pasin bilong en, man i nogut tru i givim hevi long ol rabisman. Larim ol samting ol i bin tingting long wokim i ken pasim ol. | The wicked in his pride doth persecute the poor: let them be taken in the devices that they have imagined. |
| 3 | Long wanem, man i nogut tru em i mekim hambak tok long laik bilong bel bilong en. Na em i blesim man i mangal, em man God i no laikim tru. | For the wicked boasteth of his heart’s desire, and blesseth the covetous, whom the Lord abhorreth. |
| 4 | Man i nogut tru, long hambak pasin bilong pes bilong em, bai em i no wok long bihainim God. God i no stap long olgeta tingting bilong em. | The wicked, through the pride of his countenance, will not seek after God: God is not in all his thoughts. |
| 5 | Ol pasin bilong em i givim pen olgeta taim. Ol tok bilong pe bilong kot bilong Yu i stap antap tru, longwe long ai bilong em. Na em i save tok bilas long olgeta birua bilong en. | His ways are always grievous; thy judgments are far above out of his sight: as for all his enemies, he puffeth at them. |
| 6 | Long bel bilong en, em i bin tok, Ol i no inap surikim mi. Long wanem i no gat wanpela taim bai mi stap long hevi. | He hath said in his heart, I shall not be moved: for I shall never be in adversity. |
| 7 | Maus bilong em i pulap long tok nogut na tok giaman na tok bilong trikim narapela bilong stilim samting bilong em. Pasin bilong toktok nating na raskol pasin i stap aninit long tang bilong em. | His mouth is full of cursing and deceit and fraud: under his tongue is mischief and vanity. |
| 8 | Em i save sindaun long ol ples hait bilong ol ples. Long ol ples hait em i save kilim i dai man i no bin mekim rong. Long ples hait, ai bilong em i lukim rabisman bilong birua long em. | He sitteth in the lurking places of the villages: in the secret places doth he murder the innocent: his eyes are privily set against the poor. |
| 9 | Em i slipim bodi bilong em long wet long ples hait, olsem wanpela laion long haus bilong em. Em i slipim bodi bilong em long wet long kalabusim rabisman. Taim em i pulim rabisman i kam insait long umben bilong en, orait em i kalabusim em. | He lieth in wait secretly as a lion in his den: he lieth in wait to catch the poor: he doth catch the poor, when he draweth him into his net. |
| 10 | Em i save brukim bodi na daunim em yet, bai ol rabisman i ken pundaun long han bilong ol strongpela man bilong en. | He croucheth, and humbleth himself, that the poor may fall by his strong ones. |
| 11 | Long bel bilong en, em i bin tok, God i bin lusim tingting. Em i haitim pes bilong Em. Bai Em i no lukim dispela, nogat. | He hath said in his heart, God hath forgotten: he hideth his face; he will never see it. |
| 12 | ¶ O BIKPELA, Yu mas kirap. O God, Yu mas litimapim han bilong Yu. Yu no ken lusim tingting long man i save bihainim pasin bilong daunim em yet. | Arise, O Lord; O God, lift up thine hand: forget not the humble. |
| 13 | Bilong wanem man i nogut tru i save tingim God i man nating? Long bel bilong en, em i bin tok, Bai Yu no gat askim long dispela. | Wherefore doth the wicked contemn God? he hath said in his heart, Thou wilt not require it. |
| 14 | Yu bin lukim dispela. Long wanem Yu save lukim raskol pasin na pasin birua, bai Yu ken bekim pe long han bilong Yu. Rabisman i save putim em yet long han bilong Yu. Yu stap helpim bilong ol pikinini i no gat papa. | Thou hast seen it; for thou beholdest mischief and spite, to requite it with thy hand: the poor committeth himself unto thee; thou art the helper of the fatherless. |
| 15 | Yu mas brukim han bilong man i nogut tru na i mekim pasin I nogut. Yu mas wok long painimaut ol pasin i nogut tru bilong em, inap long Yu no lukim wanpela i stap moa. | Break thou the arm of the wicked and the evil man: seek out his wickedness till thou find none. |
| 16 | BIKPELA i stap King oltaim oltaim. Ol haiden i lus na ol i no stap moa long graun bilong Em. | The Lord is King for ever and ever: the heathen are perished out of his land. |
| 17 | BIKPELA, Yu bin harim laik bilong man i save bihainim pasin bilong daunim em yet. Yu bai redim bel bilong ol. Yu bai mekim ia bilong Yu i harim. | Lord, thou hast heard the desire of the humble: thou wilt prepare their heart, thou wilt cause thine ear to hear: |
| 18 | Bai Yu ken skelim pikinini i no gat papa na man ol i givim hevi long em, bai man bilong dispela graun i no ken givim hevi moa. | To judge the fatherless and the oppressed, that the man of the earth may no more oppress. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL