시편 76편 King Jems Pisin Baibel
King Jems Pisin Baibel · 톡피신어 · 시편 (Psalms) · 12절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Long Juda ol i save long God. Nem bilong Em i stap bikpela long Israel. | In Judah is God known: his name is great in Israel. |
| 2 | Na tu haus sel bilong Em i stap long Salem. Na ples Em i save stap long en em i stap long Saion. | In Salem also is his tabernacle, and his dwelling place in Zion. |
| 3 | Long dispela hap, Em i bin brukim ol spia bilong banara, na hap plang, na bainat, na pait. Sela. | There brake he the arrows of the bow, the shield, and the sword, and the battle. Selah. |
| 4 | Glori na namba bilong Yu i winim ol maunten bilong ol prais ol i kisim long pait. | Thou art more glorious and excellent than the mountains of prey. |
| 5 | Ol i bin kisim ol samting bilong ol man i gat strongpela bel, ol dispela man i bin slip bilong slip bilong ol. Na i no gat wanpela namel long ol strongpela man i bin painim pinis ol han bilong ol. | The stouthearted are spoiled, they have slept their sleep: and none of the men of might have found their hands. |
| 6 | O God bilong Jekop, taim Yu hatim ol, Yu mekim karis bilong pait wantaim hos i slip i dai tru. | At thy rebuke, O God of Jacob, both the chariot and horse are cast into a dead sleep. |
| 7 | ¶ Ol man i mas pret long Yu, yes Yu. Na husat inap sanap long ai bilong Yu taim Yu belhat? | Thou, even thou, art to be feared: and who may stand in thy sight when once thou art angry? |
| 8 | Yu bin mekim ol i harim stretpela kot i kam long heven. Dispela graun i bin pret na stap isi, | Thou didst cause judgment to be heard from heaven; the earth feared, and was still, |
| 9 | Taim God i bin kirap bilong wokim kot, na bilong kisim bek olgeta manmeri bilong dispela graun i bihainim pasin isi. Sela. | When God arose to judgment, to save all the meek of the earth. Selah. |
| 10 | Tru tumas belhat tru bilong man bai litimapim nem bilong Yu. Na bai Yu pasim belhat tru i stap yet. | Surely the wrath of man shall praise thee: the remainder of wrath shalt thou restrain. |
| 11 | Mekim strongpela promis long God BIKPELA bilong yupela, na baim dispela. Larim olgeta man i stap nabaut long Em ol i mas bringim ol presen i kam long Man ol man i mas pret long Em. | Vow, and pay unto the Lord your God: let all that be round about him bring presents unto him that ought to be feared. |
| 12 | Bai Em i rausim spirit bilong ol hetman. Em i stap Man ol king bilong dispela graun i mas pret long Em. | He shall cut off the spirit of princes: he is terrible to the kings of the earth. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL