시편 47편 King Jems Pisin Baibel
King Jems Pisin Baibel · 톡피신어 · 시편 (Psalms) · 9절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O yupela olgeta manmeri, yupela i mas paitim ol han bilong yupela. Yupela i mas bikmaus long God long nek bilong soim yupela i win. | O clap your hands, all ye people; shout unto God with the voice of triumph. |
| 2 | Long wanem BIKPELA i antap olgeta i stap man bilong mekim pret. Em i bikpela king antap long olgeta hap bilong dispela graun. | For the Lord most high is terrible; he is a great King over all the earth. |
| 3 | Bai Em i daunim ol manmeri aninit long yumi, na ol kantri aninit long ol lek bilong yumi. | He shall subdue the people under us, and the nations under our feet. |
| 4 | Bai Em i makim samting yumi bai kisim long papa bilong helpim yumi, em nambawan samting bilong Jekop, man Em i bin laikim tru. Sela. | He shall choose our inheritance for us, the excellency of Jacob whom he loved. Selah. |
| 5 | ¶ God i bin go antap wantaim bikmaus. BIKPELA i bin go antap wantaim krai bilong biugel. | God is gone up with a shout, the Lord with the sound of a trumpet. |
| 6 | Yupela i mas singim ol song i litimapim God. Yupela i mas singim ol song i litimapim nem bilong God. Yupela i mas singim ol song i litimapim nem bilong King bilong yumi. Yupela i mas singim ol song i litimapim Em. | Sing praises to God, sing praises: sing praises unto our King, sing praises. |
| 7 | Long wanem God i stap King bilong olgeta hap bilong dispela graun. Yupela i mas i gat gutpela save na singim ol song i litimapim nem bilong Em. | For God is the King of all the earth: sing ye praises with understanding. |
| 8 | God i bosim kingdom antap long ol haiden. God i sindaun i stap long sia king bilong pasin holi bilong En. | God reigneth over the heathen: God sitteth upon the throne of his holiness. |
| 9 | Ol hetman bilong ol manmeri i bin bung wantaim, yes ol manmeri bilong God bilong Ebraham. Long wanem ol hap plang bilong dispela graun ol i bilong God. Em i stap antap tru. | The princes of the people are gathered together, even the people of the God of Abraham: for the shields of the earth belong unto God: he is greatly exalted. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL