시편 20편 King Jems Pisin Baibel
King Jems Pisin Baibel · 톡피신어 · 시편 (Psalms) · 9절
- 1 ¶ BIKPELA i ken harim yu long de bilong hevi. Nem bilong God bilong Jekop i ken lukautim yu.
- 2 Em i ken salim helpim i lusim ples holi i kam long yu. Na Em i ken salim strong i lusim Saion i kam long yu.
- 3 Em i ken tingim gen ol ofa bilong yu, na orait long sakrifais yu kukim. Sela.
- 4 Em i ken givim yu ol samting bilong bihainim bel bilong yu yet, na Em i ken inapim olgeta tok helpim bilong yu.
- 5 Bai mipela i amamas long kisim bek bilong Yu. Na bai mipela i sanapim ol plak bilong mipela long nem bilong God bilong mipela. BIKPELA i ken inapim olgeta askim bilong yu.
- 6 ¶ Nau mi save, BIKPELA i kisim bek man Em i bin makim. Em i stap long heven holi bilong En, na long strong bilong han sut bilong En bilong kisim bek, bai Em i harim em.
- 7 Sampela i putim bilip long ol karis bilong pait, na sampela i putim bilip long ol hos. Tasol yumi bai i tingim gen nem bilong BIKPELA na God bilong yumi.
- 8 Ol i daunim ol, na ol i pundaun pinis. Tasol yumi kirap pinis, na sanap stret.
- 9 BIKPELA, Yu mas kisim bek mi. Larim king i ken harim yumi taim yumi i singaut.
- 📚 King Jems Pisin Baibel 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗