시편 18편 King Jems Pisin Baibel
King Jems Pisin Baibel · 톡피신어 · 시편 (Psalms) · 50절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O BIKPELA, Yu stap strong bilong mi, bai mi laikim tru Yu. | I will love thee, O Lord, my strength. |
| 2 | BIKPELA i stap bikpela ston bilong mi, na strongpela haus bilong pait bilong mi, na Man bilong tekewe mi long han bilong birua. Em i God bilong mi. Em i strong bilong mi. Bai mi putim bilip bilong mi long Em. Em i liklik hap plang bilong mi, na kom bilong kisim bek bilong mi, na taua bilong mi i antap. | The Lord is my rock, and my fortress, and my deliverer; my God, my strength, in whom I will trust; my buckler, and the horn of my salvation, and my high tower. |
| 3 | Bai mi singaut long BIKPELA, Em i gat namba inap long ol man i mas litimapim nem bilong Em. Olsem na bai Em i kisim bek mi long han bilong ol birua bilong mi. | I will call upon the Lord, who is worthy to be praised: so shall I be saved from mine enemies. |
| 4 | Ol bel sori bilong i dai pinis i bin raunim mi. Na ol man i no bihainim pasin nogut ol i kam olsem ol wara tait, na ol i pretim mi. | The sorrows of death compassed me, and the floods of ungodly men made me afraid. |
| 5 | Ol bel sori bilong hel i bin raunim mi nabaut. Ol umben bilong i dai i go pas long mi. | The sorrows of hell compassed me about: the snares of death prevented me. |
| 6 | Long hevi bilong mi, mi bin singaut long BIKPELA, na mi bin singaut strong long God bilong mi. Em i harim nek bilong mi i kamaut long tempel bilong En. Na singaut bilong mi i kamap long pes bilong Em, yes, insait long ol ia bilong Em. | In my distress I called upon the Lord, and cried unto my God: he heard my voice out of his temple, and my cry came before him, even into his ears. |
| 7 | Long dispela taim dispela graun i seksek na guria. Na tu ol as bilong ol liklik maunten i bin surik na seksek. Long wanem Em i stap belhat tru. | Then the earth shook and trembled; the foundations also of the hills moved and were shaken, because he was wroth. |
| 8 | Smok i lusim nus bilong Em na i go antap. Na paia i bin lusim maus bilong Em na bagarapim ol samting. Dispela paia i mekim ol hap diwai i paia. | There went up a smoke out of his nostrils, and fire out of his mouth devoured: coals were kindled by it. |
| 9 | Na tu Em i krungutim i go bikpela moa ol heven na Em i kam daun. Na tudak i stap aninit long tupela lek bilong Em. | He bowed the heavens also, and came down: and darkness was under his feet. |
| 10 | Na Em i sindaun antap long wanpela ensel serup na em i flai i go. Yes, Em i flai long ol arere tru bilong win. | And he rode upon a cherub, and did fly: yea, he did fly upon the wings of the wind. |
| 11 | Em i mekim tudak i kamap ples hait bilong En. Ol wara i tudak na ol strongpela klaut bilong ol skai i haus sel bilong Em i stap nabaut long Em. | He made darkness his secret place; his pavilion round about him were dark waters and thick clouds of the skies. |
| 12 | Bikpela lait i stap long pes bilong Em i mekim ol strongpela klaut bilong Em i go pas. Ol ston ais na ol hatpela hap diwai bilong paia. | At the brightness that was before him his thick clouds passed, hail stones and coals of fire. |
| 13 | Na tu BIKPELA i pairap olsem ol klaut long ol heven. Na Man i Antap Tru i givim nek bilong Em. Ol ston ais na ol hatpela hap diwai bilong paia. | The Lord also thundered in the heavens, and the Highest gave his voice; hail stones and coals of fire. |
| 14 | Yes, Em i salim i go ol spia bilong En na mekim ol i go nabaut. Na Em i sutim ol lait bilong klaut i go, na Em i bagarapim ol. | Yea, he sent out his arrows, and scattered them; and he shot out lightnings, and discomfited them. |
| 15 | O BIKPELA, long dispela taim ol rot bilong ol wara i kamap ples klia, na ol as ston bilong dispela graun i kamap ples klia, taim Yu hatim ol, taim win bilong nus bilong Yu i winim strong ol . | Then the channels of waters were seen, and the foundations of the world were discovered at thy rebuke, O Lord, at the blast of the breath of thy nostrils. |
| 16 | Em i bin salim helpim i kam daun long antap. Em i bin kisim mi. Em i kisim mi na mi lusim planti wara na kam antap. | He sent from above, he took me, he drew me out of many waters. |
| 17 | Em i tekewe mi long han bilong strongpela birua bilong mi na long han bilong ol man i no laikim mi tru. Long wanem ol i strongpela tumas na winim mi. | He delivered me from my strong enemy, and from them which hated me: for they were too strong for me. |
| 18 | Ol i go pas long mi long de bilong bagarap bilong mi. Tasol BIKPELA i stap Man i lukautim mi. | They prevented me in the day of my calamity: but the Lord was my stay. |
| 19 | Em i bin bringim mi i kam insait long bikpela ples tu. Em i bin kisim bek mi, long wanem Em i amamas long mi. | He brought me forth also into a large place; he delivered me, because he delighted in me. |
| 20 | ¶ BIKPELA i bin givim pe long mi bilong bihainim stretpela pasin bilong mi. Bilong bihainim klinpela pasin bilong tupela han bilong mi, Em i bin bekim pe long mi. | The Lord rewarded me according to my righteousness; according to the cleanness of my hands hath he recompensed me. |
| 21 | Long wanem mi bin holimpas long ol pasin bilong BIKPELA. Na mi no mekim pasin i nogut tru na lusim God bilong mi. | For I have kept the ways of the Lord, and have not wickedly departed from my God. |
| 22 | Long wanem olgeta tok bilong pe bilong kot bilong Em, em i stap long ai bilong mi. Na mi no bin putim ol lo bilong Em ol i raitim i stap longwe long mi. | For all his judgments were before me, and I did not put away his statutes from me. |
| 23 | Na tu mi stap stretpela long ai bilong Em. Na mi bin pasim mi yet long mekim sin nogut bilong mi. | I was also upright before him, and I kept myself from mine iniquity. |
| 24 | Olsem na BIKPELA i bin bekim pe long mi bilong bihainim stretpela pasin bilong mi, bilong bihainim klinpela pasin bilong tupela han bilong mi long ai bilong En. | Therefore hath the Lord recompensed me according to my righteousness, according to the cleanness of my hands in his eyesight. |
| 25 | Long man i pulap long pasin sori, bai Yu soim Yu yet i Man i pulap long pasin sori. Long stretpela man, bai Yu soim Yu yet i stretpela. | With the merciful thou wilt shew thyself merciful; with an upright man thou wilt shew thyself upright; |
| 26 | Long man i klin olgeta, bai Yu soim Yu yet i klin olgeta. Na long man i no laik stretim, bai Yu soim Yu yet i no laik stretim. | With the pure thou wilt shew thyself pure; and with the froward thou wilt shew thyself froward. |
| 27 | Long wanem bai Yu kisim bek ol manmeri i karim hevi. Tasol bai Yu daunim ol man i litimapim ol yet. | For thou wilt save the afflicted people; but wilt bring down high looks. |
| 28 | Long wanem bai Yu laitim kandel bilong mi. God BIKPELA bilong mi bai givim lait long tudak bilong mi. | For thou wilt light my candle: the Lord my God will enlighten my darkness. |
| 29 | ¶ Long wanem long strong bilong Yu mi bin ran i go namel long lain bilong ami. Na long strong bilong God bilong mi, mi kalapim banis. | For by thee I have run through a troop; and by my God have I leaped over a wall. |
| 30 | Na bilong God, pasin bilong God em inap tru. Tok bilong BIKPELA i klinpela tru. BIKPELA em i liklik hap plang bilong olgeta manmeri i bilip long Em. | As for God, his way is perfect: the word of the Lord is tried: he is a buckler to all those that trust in him. |
| 31 | Long wanem God i husat? Em BIKPELA tasol. Bikpela ston i husat? Em God bilong yumi tasol. | For who is God save the Lord? or who is a rock save our God? |
| 32 | God e m i man i pasim strong long mi olsem let. Na Em i mekim pasin bilong mi inap tru. | It is God that girdeth me with strength, and maketh my way perfect. |
| 33 | Em i mekim lek bilong mi i olsem ol lek bilong abus dia meri. Na Em i putim mi antap long ol ples antap bilong mi. | He maketh my feet like hinds’ feet, and setteth me upon my high places. |
| 34 | Em i skulim ol han bilong mi long mekim bikpela pait. Olsem na han bilong mi i brukim banara ain. | He teacheth my hands to war, so that a bow of steel is broken by mine arms. |
| 35 | Na tu Yu bin givim mi hap plang bilong dispela kisim bek bilong Yu. Na han sut bilong Yu i holim mi na mi sanap. Na pasin isi bilong Yu i bin mekim mi i kamap bikpela man. | Thou hast also given me the shield of thy salvation: and thy right hand hath holden me up, and thy gentleness hath made me great. |
| 36 | Yu bin mekim ol rot i stap aninit long mi ol i kamap bikpela, olsem na lek bilong mi i no wel na pundaun. | Thou hast enlarged my steps under me, that my feet did not slip. |
| 37 | Mi bin ranim ol birua bilong mi na winim ol. Na tu mi no bin tanim gen, inap long ol i bagarap olgeta. | I have pursued mine enemies, and overtaken them: neither did I turn again till they were consumed. |
| 38 | Mi bin bagarapim ol, olsem na ol i no inap kirap. Ol i pundaun aninit long lek bilong mi. | I have wounded them that they were not able to rise: they are fallen under my feet. |
| 39 | Long wanem Yu bin pasim strong long i go long pait long mi, olsem man i pasim let. Yu bin daunim aninit long mi ol man i bin kirap na birua long mi. | For thou hast girded me with strength unto the battle: thou hast subdued under me those that rose up against me. |
| 40 | Na tu Yu bin givim mi ol nek bilong ol birua bilong mi, bai mi ken bagarapim ol man i no laikim tru mi. | Thou hast also given me the necks of mine enemies; that I might destroy them that hate me. |
| 41 | Ol i bin singaut, tasol i no gat wanpela man bilong kisim bek ol. Yes, ol i singaut long BIKPELA, tasol Em i no bekim tok long ol. | They cried, but there was none to save them: even unto the Lord, but he answered them not. |
| 42 | Orait, mi bin paitim paitim ol, na ol i kamap liklik olsem das long pes bilong win. Mi bin rausim ol, olsem graun i stap long ol rot. | Then did I beat them small as the dust before the wind: I did cast them out as the dirt in the streets. |
| 43 | Yu bin tekewe mi long ol pait bilong ol manmeri. Na Yu bin mekim mi i kamap het bilong ol haiden. Lain manmeri mi no bin save long ol, ol bai i stap wokboi bilong mi. | Thou hast delivered me from the strivings of the people; and thou hast made me the head of the heathen: a people whom I have not known shall serve me. |
| 44 | Taim ol i harim tok long mi, kwiktaim bai ol i bihainim tok bilong mi. Ol man bilong longwe ples bai putim ol yet aninit long mi. | As soon as they hear of me, they shall obey me: the strangers shall submit themselves unto me. |
| 45 | Ol man bilong longwe ples bai laik i dai. Na bai ol i pret na lusim ol banis bilong ol. | The strangers shall fade away, and be afraid out of their close places. |
| 46 | BIKPELA i stap laip. Na blesing i ken i stap long bikpela ston bilong mi. Na ol man i ken litimapim God bilong dispela kisim bek bilong mi. | The Lord liveth; and blessed be my rock; and let the God of my salvation be exalted. |
| 47 | Em i God husat i bekim rong i kam long mi. Na Em i daunim ol manmeri na ol i aninit long mi. | It is God that avengeth me, and subdueth the people under me. |
| 48 | Em i kisim bek mi long han bilong ol birua bilong mi. Yes, Yu litimapim mi antap long man i kirap na birua long mi. Yu bin kisim bek mi long han bilong man i laik bagarapim arapela. | He delivereth me from mine enemies: yea, thou liftest me up above those that rise up against me: thou hast delivered me from the violent man. |
| 49 | Olsem na, O BIKPELA, bai mi tok tenkyu long Yu namel long ol haiden. Na bai mi singim ol song i litimapim nem bilong Yu. | Therefore will I give thanks unto thee, O Lord, among the heathen, and sing praises unto thy name. |
| 50 | Em i save helpim tru king bilong En. Na Em i soim sori long man Em i bin makim, long Devit na long ol tumbuna pikinini bilong em oltaim oltaim. | Great deliverance giveth he to his king; and sheweth mercy to his anointed, to David, and to his seed for evermore. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL