스가랴 7장 King Jems Pisin Baibel
King Jems Pisin Baibel · 톡피신어 · 스가랴 (Zechariah) · 14절
- 1 ¶ Na em i kamap olsem long namba foa yia bilong king Darias, long tok bilong BIKPELA i kam long Sekaraia long namba foa de bilong namba nain mun, yes, long Kisleu.
- 2 Taim ol i bin salim i go long haus bilong God Sereser na Regem-melek, na ol man bilong ol, bilong beten long ai bilong BIKPELA,
- 3 Na bilong toktok i go long ol pris husat i stap insait long haus bilong BIKPELA bilong ol ami, na long ol profet, i spik, Ating mi mas krai tru long namba faiv mun, na brukim mi yet long ol, olsem mi bin mekim ol dispela planti yia?
- 4 Nau tok bilong BIKPELA bilong ol ami i kam long mi, i spik,
- 5 Toktok i go long olgeta lain manmeri bilong dispela hap, na long ol pris, i spik, Taim yupela i tambuim kaikai na soim sori long namba faiv na namba seven mun, yes, dispela 70 yia, ating yupela bin tambuim kaikai liklik i kam long Mi, yes, long Mi?
- 6 Na taim yupela i bin kaikai, na taim yupela i bin dring, ating i yes long yupela i bin kaikai bilong tingim yupela yet, na dring bilong tingim yupela yet?
- 7 Ating i yes long yupela i mas harim ol dispela toktok BIKPELA i bin singaut long maus bilong ol profet bipo, taim Jerusalem i gat ol man i stap na i stap gutpela, na ol biktaun bilong en raun nabaut long en, taim ol man i stap long hap saut na long ples stret?
- 8 ¶ Na tok bilong BIKPELA i kam long Sekaraia, i spik,
- 9 BIKPELA bilong ol ami i toktok olsem, i spik, Mekim kot tru tru, na soim marimari na ol pasin sori, olgeta wan wan man, long brata bilong em.
- 10 Na yupela i no ken mekim meri man bilong em i dai pinis long kisim taim, o pikinini i no gat papa, ausait man, o rabisman. Na no ken larim wanpela bilong yupela tingting nating nogut i birua long brata bilong em insait long bel bilong yupela.
- 11 Tasol ol i tok nogat long harim, na ol i pulim i go sol bilong han, na pasim ol ia bilong ol, inap long ol i no ken harim.
- 12 Yes, ol i mekim ol bel bilong ol olsem wanpela ston adamant, nogut ol i ken harim lo, na ol dispela toktok BIKPELA bilong ol ami i bin salim insait long Spirit bilong Em long maus bilong ol profet bipo. Olsem na wanpela bikpela belhat tru i kam long BIKPELA bilong ol ami.
- 13 Olsem na em i kamap olsem, long olsem Em i singaut, na ol i no gat laik long harim, olsem tasol ol i singaut, na Mi no gat laik long harim, BIKPELA bilong ol ami i tok.
- 14 Tasol Mi brukim ol nabaut wantaim wanpela raunwin namel long olgeta kantri husat ol i no save. Olsem tasol dispela hap em i stap nating bihain long ol, inap long i no gat man i wokabaut namel o go bek. Long wanem, ol i mekim dispela gutpela hap i stap nating.
- 📚 King Jems Pisin Baibel 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗