사사기 16장 King Jems Pisin Baibel

King Jems Pisin Baibel · 톡피신어 · 사사기 (Judges) · 31절 · 대역: King James Version

언어 판 책 장 대역 (나란히) 바로 가기

절	King Jems Pisin Baibel	King James Version
1	¶ Nau Samson i go long Gasa, na lukim long dispela hap wanpela pamuk meri, na em i go long em.	Then went Samson to Gaza, and saw there an harlot, and went in unto her.
2	Na ol i tokim ol lain Gasa, i spik, Samson i kam long hia. Na ol i raunim em nabaut insait, na wet hait long em olgeta hap long nait long dua bilong banis bilong biktaun, na ol i no wokim nois olgeta hap long nait, i spik, Long moning, taim em i san, yumi bai kilim em i dai.	And it was told the Gazites, saying, Samson is come hither. And they compassed him in, and laid wait for him all night in the gate of the city, and were quiet all the night, saying, In the morning, when it is day, we shall kill him.
3	Na Samson i slipim bodi inap long belo biknait, na kirap long belo biknait, na kisim ol dua bilong dua bilong banis bilong biktaun, na tupela pos, na kisim ol i go wantaim, ba na olgeta, na putim ol antap long tupela sol bilong han bilong em, na karim ol i go antap long antap bilong wanpela liklik maunten, dispela i stap long ai bilong Hebron.	And Samson lay till midnight, and arose at midnight, and took the doors of the gate of the city, and the two posts, and went away with them, bar and all, and put them upon his shoulders, and carried them up to the top of an hill that is before Hebron.
4	¶ Na em i kamap olsem bihain long en, long em i laikim tru wanpela meri bilong ples daun bilong Sorek, husat nem bilong em em Dilaila.	And it came to pass afterward, that he loved a woman in the valley of Sorek, whose name was Delilah.
5	Na ol bikman bilong ol Filistin i kam antap i go long em, na tokim em, Grisim em, na luksave long bikpela strong bilong em i stap insait long wanem samting, na long wanem rot long mipela ken winim em, inap long mipela i ken pasim em long givim hevi long em. Na mipela bai givim yu, olgeta wan wan bilong mipela, 1,100 hap silva.	And the lords of the Philistines came up unto her, and said unto her, Entice him, and see wherein his great strength lieth, and by what means we may prevail against him, that we may bind him to afflict him: and we will give thee every one of us eleven hundred pieces of silver.
6	Na Dilaila i tokim Samson, Tokim mi, mi askim yu plis, long bikpela strong bilong yu i stap insait long wanem samting, na wantaim wanem samting ol i ken pasim yu long givim hevi long yu.	And Delilah said to Samson, Tell me, I pray thee, wherein thy great strength lieth, and wherewith thou mightest be bound to afflict thee.
7	Na Samson i tokim em, Sapos ol i pasim mi wantaim sevenpela grinpela liklik han bilong diwai, dispela ol i no bin draim bipo, orait bai mi no gat strong olsem wanpela narapela man.	And Samson said unto her, If they bind me with seven green withs that were never dried, then shall I be weak, and be as another man.
8	Nau ol bikman bilong ol Filistin i bringim i kam antap long em sevenpela grinpela liklik han bilong diwai, dispela ol i no bin draim, na meri i pasim em wantaim ol.	Then the lords of the Philistines brought up to her seven green withs which had not been dried, and she bound him with them.
9	Nau i gat long dispela hap ol man i wet hait i stap wantaim meri long rum. Na meri i tokim em, Ol Filistin i kam antap long yu, Samson. Na em i brukim ol grinpela liklik han bilong diwai, olsem wanpela tret bilong samap bilong rop i bruk taim em i tasim paia. Olsem na ol i no kisim save long strong bilong em.	Now there were men lying in wait, abiding with her in the chamber. And she said unto him, The Philistines be upon thee, Samson. And he brake the withs, as a thread of tow is broken when it toucheth the fire. So his strength was not known.
10	Na Dilaila i tokim Samson, Lukim, yu bin wokim pani long daunim mi, na giamanim mi. Nau tokim mi, mi askim yu plis, wantaim wanem samting ol i ken pasim yu.	And Delilah said unto Samson, Behold, thou hast mocked me, and told me lies: now tell me, I pray thee, wherewith thou mightest be bound.
11	Na em i tokim em, Sapos ol i pasim mi strong wantaim ol dispela nupela rop ol i no bin yusim bipo, nau bai mi no gat strong, na mi bai stap olsem wanpela narapela man.	And he said unto her, If they bind me fast with new ropes that never were occupied, then shall I be weak, and be as another man.
12	Olsem na Dilaila i kisim ol nupela rop, na pasim em long ol, na tokim em, Ol Filistin i kam antap long yu, Samson. Na i gat long dispela hap ol man i wet hait i stap long rum. Na em i brukim ol long tupela han bilong em olsem wanpela tret bilong samap.	Delilah therefore took new ropes, and bound him therewith, and said unto him, The Philistines be upon thee, Samson. And there were liers in wait abiding in the chamber. And he brake them from off his arms like a thread.
13	Na Dilaila i tokim Samson, Inap long nau yu bin wokim pani long daunim mi, na giamanim mi. Tokim mi wantaim wanem samting ol i ken pasim yu. Na em i tokim em, Sapos yu sutim sevenpela hap gras bilong het bilong mi wantaim ol string bilong masin bilong wokim laplap.	And Delilah said unto Samson, Hitherto thou hast mocked me, and told me lies: tell me wherewith thou mightest be bound. And he said unto her, If thou weavest the seven locks of my head with the web.
14	Na em i pasim strong dispela wantaim nil, na tokim em, Ol Filistin i kam antap long yu, Samson. Na em i kirap long slip bilong em, na lusim hap i go wantaim nil bilong hap diwai, na wantaim ol string bilong masin bilong wokim laplap.	And she fastened it with the pin, and said unto him, The Philistines be upon thee, Samson. And he awaked out of his sleep, and went away with the pin of the beam, and with the web.
15	Na meri i tokim em, Olsem wanem yu ken tok, Mi laikim yu tru, taim bel bilong yu i no stap wantaim mi? Yu bin wokim pani long daunim mi dispela tripela taim, na yu no bin tokim mi long bikpela strong bilong yu i stap long wanem samting.	And she said unto him, How canst thou say, I love thee, when thine heart is not with me? thou hast mocked me these three times, and hast not told me wherein thy great strength lieth.
16	Na em i kamap olsem, taim meri i strong long em olgeta wan wan de wantaim ol toktok bilong em, na pulim em, inap long tewel bilong em i kisim hevi inap long i dai,	And it came to pass, when she pressed him daily with her words, and urged him, so that his soul was vexed unto death;
17	Long em i tokim em long olgeta bel bilong em, na tokim em, I no bin gat wanpela resa i kam antap long het bilong mi. Long wanem, mi bin stap wanpela Nasarait i go long God i stat long bel bilong mama bilong mi. Sapos ol i sevim gras bilong mi, orait strong bilong mi bai go lusim mi, na mi bai kamap man i no gat strong, na stap olsem wanpela arapela man.	That he told her all his heart, and said unto her, There hath not come a razor upon mine head; for I have been a Nazarite unto God from my mother’s womb: if I be shaven, then my strength will go from me, and I shall become weak, and be like any other man.
18	¶ Na taim Dilaila i luksave olsem em i bin tokim em long olgeta bel bilong em, em salim tok na singautim ol bikman bilong ol Filistin, i spik, Kam antap wantu, long wanem, em i bin soim mi olgeta bel bilong em. Nau ol bikman bilong ol Filistin i kam antap i go long em, na bringim mani long han bilong ol.	And when Delilah saw that he had told her all his heart, she sent and called for the lords of the Philistines, saying, Come up this once, for he hath shewed me all his heart. Then the lords of the Philistines came up unto her, and brought money in their hand.
19	Na em i mekim em slip antap long tupela skru bilong lek bilong em. Na em i singaut long wanpela man, na em i mekim em long sevim i go sevenpela hap gras bilong het bilong em. Na meri i stat long givim hevi long em, na strong bilong em i lusim em i go.	And she made him sleep upon her knees; and she called for a man, and she caused him to shave off the seven locks of his head; and she began to afflict him, and his strength went from him.
20	Na meri i tok, Ol Filistin i kam antap long yu, Samson. Na em i kirap long slip bilong em, na tok, Mi bai go ausait olsem ol arapela taim bipo, na seksekim mi yet. Na em i no save long BIKPELA i lusim em.	And she said, The Philistines be upon thee, Samson. And he awoke out of his sleep, and said, I will go out as at other times before, and shake myself. And he wist not that the Lord was departed from him.
21	Tasol ol Filistin i kisim em, na aipasim tupela ai bilong em, na bringim em i go daun long Gasa, na pasim em wantaim ol samting bilong pasim lek i bras. Na em i bin krungutim wit samting long haus kalabus.	But the Philistines took him, and put out his eyes, and brought him down to Gaza, and bound him with fetters of brass; and he did grind in the prison house.
22	¶ Tasol gras bilong het bilong em i stat long go longpela gen bihain long ol i sevim gras bilong em.	Howbeit the hair of his head began to grow again after he was shaven.
23	Nau ol bikman bilong ol Filistin i bungim ol yet wantaim bilong ofaim wanpela bikpela sakrifais i go long Degon, god bilong ol, na long wokim amamas tru. Long wanem, ol i tok, God bilong yumi i bin givim Samson, birua bilong yumi, i kam long han bilong yumi.	Then the lords of the Philistines gathered them together for to offer a great sacrifice unto Dagon their god, and to rejoice: for they said, Our god hath delivered Samson our enemy into our hand.
24	Na taim ol manmeri i lukim em, ol i litimapim nem bilong god bilong ol. Long wanem, ol i tok, God bilong yumi i bin givim birua bilong yumi long han bilong yumi, na man bilong bagarapim kantri bilong yumi olgeta, husat i kilim i dai planti bilong yumi.	And when the people saw him, they praised their god: for they said, Our god hath delivered into our hands our enemy, and the destroyer of our country, which slew many of us.
25	Na em i kamap olsem, taim ol bel bilong ol i amamas, long ol i tok, Singaut long Samson, inap long em i ken wokim pilai long yumi. Na ol i singaut long Samson bilong kam ausait long haus kalabus. Na em i wokim pilai long ol. Na ol i putim em namel long ol bikpela pos.	And it came to pass, when their hearts were merry, that they said, Call for Samson, that he may make us sport. And they called for Samson out of the prison house; and he made them sport: and they set him between the pillars.
26	Na Samson i tokim dispela manki husat i holim em long han, Oraitim mi long mi ken pilim ol bikpela pos, dispela we haus i sanap antap long ol, inap long mi ken lindaun long ol.	And Samson said unto the lad that held him by the hand, Suffer me that I may feel the pillars whereupon the house standeth, that I may lean upon them.
27	Na haus i pulap long ol man na meri. Na olgeta bikman bilong ol Filistin i stap long dispela hap. Na i gat i stap antap long rup klostu olsem 3,000 man na meri, husat i lukluk taim Samson i wokim pilai.	Now the house was full of men and women; and all the lords of the Philistines were there; and there were upon the roof about three thousand men and women, that beheld while Samson made sport.
28	Na Samson i singaut i go long BIKPELA, na tok, O GOD Bikpela, holim tingting long mi, mi askim yu plis, na strongim mi, mi askim yu plis, dispela wanpela taim tasol, O God, inap long Yu ken bekim pe nogut wantu bilong mi long ol Filistin long tingim tupela ai bilong mi.	And Samson called unto the Lord, and said, O Lord God, remember me, I pray thee, and strengthen me, I pray thee, only this once, O God, that I may be at once avenged of the Philistines for my two eyes.
29	Na Samson i holimpas dispela tupela namel stret bikpela pos haus i sanap antap long ol, na dispela i holim haus antap, wanpela wantaim han sut han bilong em, na arapela wantaim han kais bilong em.	And Samson took hold of the two middle pillars upon which the house stood, and on which it was borne up, of the one with his right hand, and of the other with his left.
30	Na Samson i tok, Larim mi dai wantaim ol Filistin. Na em i lindaunim em yet wantaim olgeta strong bilong em. Na haus i pundaun antap long ol bikman, na antap long olgeta manmeri husat i stap insait long en. Olsem na ol dispela daiman em i kilim i dai long taim dai bilong em, i moa long ol husat em i kilim i dai long taim laip bilong em.	And Samson said, Let me die with the Philistines. And he bowed himself with all his might; and the house fell upon the lords, and upon all the people that were therein. So the dead which he slew at his death were more than they which he slew in his life.
31	Nau ol brata bilong em na olgeta hauslain bilong papa bilong em i kam daun, na kisim em, na bringim em antap, na planim em namel long Sora na Esteol long ples matmat bilong Manoa, papa bilong em. Na em i jasim Isrel 20 yia.	Then his brethren and all the house of his father came down, and took him, and brought him up, and buried him between Zorah and Eshtaol in the buryingplace of Manoah his father. And he judged Israel twenty years.

King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL