마태복음 25장 King Jems Pisin Baibel
King Jems Pisin Baibel · 톡피신어 · 마태복음 (Matthew) · 46절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Nau bai kingdom bilong heven i stap olsem tenpela meri i no bin slip wantaim man, husat i kisim ol lam bilong ol, na go ausait long bungim man i laik marit. | Then shall the kingdom of heaven be likened unto ten virgins, which took their lamps, and went forth to meet the bridegroom. |
| 2 | Na faipela bilong ol i savemeri, na faipela i krankimeri. | And five of them were wise, and five were foolish. |
| 3 | Ol husat i krankimeri i kisim ol lam bilong ol, na ol i no kisim wel i go wantaim ol. | They that were foolish took their lamps, and took no oil with them: |
| 4 | Tasol ol savemeri i kisim wel insait long ol jak bilong ol wantaim ol lam bilong ol. | But the wise took oil in their vessels with their lamps. |
| 5 | Taim man i laik marit i stap yet, ol olgeta i hap slip na slip. | While the bridegroom tarried, they all slumbered and slept. |
| 6 | Na long belo biknait ol i wokim wanpela singaut, Lukim, man i laik marit i kam. Yupela i go ausait long bungim em. | And at midnight there was a cry made, Behold, the bridegroom cometh; go ye out to meet him. |
| 7 | Nau olgeta dispela meri i no bin slip wantaim man i kirap, na stretim gut ol lam bilong ol. | Then all those virgins arose, and trimmed their lamps. |
| 8 | Na ol krankimeri i tokim ol savemeri, Givim mipela long wel bilong yupela. Long wanem, ol lam bilong mipela i dai pinis. | And the foolish said unto the wise, Give us of your oil; for our lamps are gone out. |
| 9 | Tasol ol savemeri i bekim, i spik, I no olsem. Nogut i no gat inap i stap bilong mipela na yupela. Tasol mobeta yupela i go long ol husat i salim, na baim bilong yupela yet. | But the wise answered, saying, Not so; lest there be not enough for us and you: but go ye rather to them that sell, and buy for yourselves. |
| 10 | Na taim ol i go long baim, man i laik marit i kam. Na ol husat i redi i go insait wantaim em long dispela marit. Na ol i pasim dua. | And while they went to buy, the bridegroom came; and they that were ready went in with him to the marriage: and the door was shut. |
| 11 | Bihain long en tu ol arapela meri i no bin slip wantaim man i kam, i spik, Bikman, Bikman, opim dua long mipela. | Afterward came also the other virgins, saying, Lord, Lord, open to us. |
| 12 | Tasol em i bekim na tok, Tru tumas, mi tokim yupela, mi no save long yupela. | But he answered and said, Verily I say unto you, I know you not. |
| 13 | Olsem na was, long wanem, yupela i no save long de o aua we Pikinini Man bilong man bai kam long en. | Watch therefore, for ye know neither the day nor the hour wherein the Son of man cometh. |
| 14 | ¶ Long wanem, kingdom bilong heven em i olsem wanpela man i wokim wokabaut i go long wanpela longwe kantri, husat i singautim ol wokboi bilong em yet, na givim long ol ol kago bilong em. | For the kingdom of heaven is as a man travelling into a far country, who called his own servants, and delivered unto them his goods. |
| 15 | Na long wanpela em i givim faipela talen, long narapela tupela, na long narapela wanpela, long olgeta wan wan man bilong bihainim kain kain strong bilong em. Na kwiktaim em i go long wokabaut bilong em. | And unto one he gave five talents, to another two, and to another one; to every man according to his several ability; and straightway took his journey. |
| 16 | Nau em husat i bin kisim faipela talen i go na wokim bisnis wantaim dispela stret, na mekim ol i kamap arapela faipela talen. | Then he that had received the five talents went and traded with the same, and made them other five talents. |
| 17 | Na wankain olsem em husat i bin kisim tupela, em tu i winim arapela tupela. | And likewise he that had received two, he also gained other two. |
| 18 | Tasol em husat i bin kisim wanpela i go na digim insait long graun, na haitim mani bilong bikman bilong em. | But he that had received one went and digged in the earth, and hid his lord’s money. |
| 19 | Bihain long longpela taim bikman bilong ol dispela wokboi i kam, na kaunim wantaim ol. | After a long time the lord of those servants cometh, and reckoneth with them. |
| 20 | Na olsem tasol em husat i bin kisim faipela talen i kam na bringim arapela faipela talen, i spik, Bikman, yu givim faipela talen long mi. Lukim, mi bin winim, i no kaunim ol dispela, faipela talen moa. | And so he that had received five talents came and brought other five talents, saying, Lord, thou deliveredst unto me five talents: behold, I have gained beside them five talents more. |
| 21 | Bikman bilong em i tokim em, Gutpela wok, yu gutpela wokboi na man yu inap bilip long em. Yu bin stap man yu inap bilip long em long bosim ol liklik samting, mi bai mekim yu kamap hetman long bosim planti samting. Go insait long amamas tru bilong bikman bilong yu. | His lord said unto him, Well done, thou good and faithful servant: thou hast been faithful over a few things, I will make thee ruler over many things: enter thou into the joy of thy lord. |
| 22 | Em tu husat i bin kisim tupela talen i kam na tok, Bikman, yu givim tupela talen long mi. Lukim, mi bin winim tupela arapela talen, dispela i no kaunim tupela. | He also that had received two talents came and said, Lord, thou deliveredst unto me two talents: behold, I have gained two other talents beside them. |
| 23 | Na bikman bilong em i tokim em, Gutpela wok, gutpela wokboi na man yu inap bilip long em. Yu bin stap man yu inap bilip long em long bosim ol liklik samting, mi bai mekim yu kamap hetman long bosim planti samting. Yu go insait long amamas tru bilong bikman bilong yu. | His lord said unto him, Well done, good and faithful servant; thou hast been faithful over a few things, I will make thee ruler over many things: enter thou into the joy of thy lord. |
| 24 | Nau em husat i bin kisim wanpela talen i kam na tok, Bikman, mi save long yu stap wanpela hatpela man, taim yu kamautim we yu no bin planim, na taim yu bungim we yu no bin tromoi nabaut. | Then he which had received the one talent came and said, Lord, I knew thee that thou art an hard man, reaping where thou hast not sown, and gathering where thou hast not strawed: |
| 25 | Na mi pret, na mi go na haitim talen bilong yu insait long graun. Harim, long dispela hap yu gat dispela i bilong yu. | And I was afraid, and went and hid thy talent in the earth: lo, there thou hast that is thine. |
| 26 | Bikman bilong em i bekim na tokim em, Yu wokboi nogut na lesman, yu save long mi kamautim we mi no bin planim, na bungim we mi no bin tromoi nabaut. | His lord answered and said unto him, Thou wicked and slothful servant, thou knewest that I reap where I sowed not, and gather where I have not strawed: |
| 27 | Olsem na i gutpela moa long yu bin putim mani bilong mi long han bilong ol man bilong senisim mani, na nau long taim mi kam mi ken kisim bilong mi yet wantaim winmani. | Thou oughtest therefore to have put my money to the exchangers, and then at my coming I should have received mine own with usury. |
| 28 | Olsem na tekewe dispela talen long em, na givim dispela long em husat i gat tenpela talen. | Take therefore the talent from him, and give it unto him which hath ten talents. |
| 29 | Long wanem, long olgeta wan wan husat i gat bai ol i givim, na em bai gat planti moa yet. Tasol long em husat i no gat bai ol i tekewe, yes, dispela samting em i gat. | For unto every one that hath shall be given, and he shall have abundance: but from him that hath not shall be taken away even that which he hath. |
| 30 | Na yupela tromoi dispela wokboi i no gutpela bilong helpim i go long tudak ausait. Long dispela hap bai i gat pasin bilong krai tru na pasin bilong kaikaim ol tit. | And cast ye the unprofitable servant into outer darkness: there shall be weeping and gnashing of teeth. |
| 31 | ¶ Taim Pikinini Man bilong man bai kam long glori bilong em, na olgeta ensel holi wantaim em, nau bai em i sindaun long sia king bilong glori bilong em. | When the Son of man shall come in his glory, and all the holy angels with him, then shall he sit upon the throne of his glory: |
| 32 | Na long ai bilong em bai olgeta kantri i bung. Na em bai brukim ol wanpela long narapela, olsem wasman bilong sipsip i brukim ol sipsip bilong em long ol meme. | And before him shall be gathered all nations: and he shall separate them one from another, as a shepherd divideth his sheep from the goats: |
| 33 | Na em bai putim ol sipsip long han sut sait bilong em, na ol meme long han kais sait. | And he shall set the sheep on his right hand, but the goats on the left. |
| 34 | Nau bai King i tokim ol long han sut sait bilong em, Kam, yupela i gat blesing bilong Papa bilong mi, kisim olsem samting papa i givim pikinini dispela kingdom em i redim bilong yupela long stat bilong ol as ston bilong dispela graun. | Then shall the King say unto them on his right hand, Come, ye blessed of my Father, inherit the kingdom prepared for you from the foundation of the world: |
| 35 | Long wanem, mi stap hangre, na yupela i givim mi kaikai. Mi stap nekdrai, na yupela i givim mi dring. Mi stap wanpela ausait man, na yupela i kisim mi i kam insait. | For I was an hungred, and ye gave me meat: I was thirsty, and ye gave me drink: I was a stranger, and ye took me in: |
| 36 | Mi stap skin nating, na yupela i givim mi klos. Mi stap sik, na yupela i kam lukim mi. Mi stap long kalabus, na yupela i kam long mi. | Naked, and ye clothed me: I was sick, and ye visited me: I was in prison, and ye came unto me. |
| 37 | Nau bai ol stretpela man i bekim em, i spik, Bikpela, wanem taim mipela i lukim yu hangre, na givim kaikai long yu, o nekdrai, na givim dring long yu? | Then shall the righteous answer him, saying, Lord, when saw we thee an hungred, and fed thee? or thirsty, and gave thee drink? |
| 38 | Wanem taim mipela i lukim yu wanpela ausait man, na kisim yu i go insait, o skin nating, na givim klos long yu? | When saw we thee a stranger, and took thee in? or naked, and clothed thee? |
| 39 | O wanem taim mipela i lukim yu sik, o long kalabus, na i kam long yu? | Or when saw we thee sick, or in prison, and came unto thee? |
| 40 | Na King bai bekim na tokim ol, Tru tumas, mi tokim yupela, Bikos yupela i bin mekim dispela long wanpela bilong ol las bilong ol dispela ol brata bilong mi, yupela i bin mekim dispela long mi. | And the King shall answer and say unto them, Verily I say unto you, Inasmuch as ye have done it unto one of the least of these my brethren, ye have done it unto me. |
| 41 | Nau em bai tokim ol tu long han kais sait, Lusim mi, yupela lain i lus olgeta, i go long paia bilong oltaim oltaim, dispela mi redim long Seten na ol ensel bilong em. | Then shall he say also unto them on the left hand, Depart from me, ye cursed, into everlasting fire, prepared for the devil and his angels: |
| 42 | Long wanem, mi stap hangre, na yupela i no givim kaikai long mi. Mi stap nekdrai, na yupela i no givim dring long mi. | For I was an hungred, and ye gave me no meat: I was thirsty, and ye gave me no drink: |
| 43 | Mi stap wanpela ausait man, na yupela i no kisim mi i go insait, mi stap skin nating, na yupela i no putim klos long mi. Mi stap sik, na long kalabus, na yupela i no kam lukim mi. | I was a stranger, and ye took me not in: naked, and ye clothed me not: sick, and in prison, and ye visited me not. |
| 44 | Nau bai ol tu i bekim em, i spik, Bikpela, wanem taim mipela i lukim yu hangre, o nekdrai, o wanpela ausait man, o skin nating, o sik, o insait long kalabus, na mipela i no bin wokim wok long yu? | Then shall they also answer him, saying, Lord, when saw we thee an hungred, or athirst, or a stranger, or naked, or sick, or in prison, and did not minister unto thee? |
| 45 | Nau bai em i bekim ol, i spik, Tru tumas, mi tokim yupela, Bikos yupela i no mekim dispela long wanpela bilong ol las bilong ol dispela, yupela i no mekim dispela long mi. | Then shall he answer them, saying, Verily I say unto you, Inasmuch as ye did it not to one of the least of these, ye did it not to me. |
| 46 | Na ol dispela bai i go insait long mekim save bilong oltaim oltaim. Tasol ol stretpela man bai go insait long laip i stap gut oltaim oltaim. | And these shall go away into everlasting punishment: but the righteous into life eternal. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL