고린도후서 4장 King Jems Pisin Baibel
King Jems Pisin Baibel · 톡피신어 · 고린도후서 (2 Corinthians) · 18절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Olsem na taim mipela i bin luksave long mipela i gat dispela wok, olsem mipela bin kisim sori, mipela i no hap i dai. | Therefore seeing we have this ministry, as we have received mercy, we faint not; |
| 2 | Tasol mipela i bin givim baksait long ol samting hait bilong samting i gat giaman, na mipela i no wokabaut long trik pasin, o yusim tok bilong God wantaim pasin giaman. Tasol long wok bilong mekim tok tru i kamap ples klia mipela i soim wok bilong mipela yet long mausbel bilong olgeta wan wan man long ai bilong God. | But have renounced the hidden things of dishonesty, not walking in craftiness, nor handling the word of God deceitfully; but by manifestation of the truth commending ourselves to every man’s conscience in the sight of God. |
| 3 | Tasol sapos gutnius bilong mipela i stap hait, em i stap hait long ol husat i lus. | But if our gospel be hid, it is hid to them that are lost: |
| 4 | Long husat god bilong dispela graun i bin aipasim ol tingting bilong ol husat i no bilip, nogut lait bilong gutnius i pulap long glori bilong Kraist, husat i piksa tru bilong God, i ken lait tru i go long ol. | In whom the god of this world hath blinded the minds of them which believe not, lest the light of the glorious gospel of Christ, who is the image of God, should shine unto them. |
| 5 | Long wanem, mipela i no autim tok long mipela yet, tasol long Kraist Jisas, Bikpela, na mipela yet ol wokboi bilong yupela long tingim Jisas. | For we preach not ourselves, but Christ Jesus the Lord; and ourselves your servants for Jesus’ sake. |
| 6 | Long wanem God, husat i tok strong long lait long lait tru ausait long tudak, i bin lait insait long ol bel bilong mipela, long givim lait bilong save bilong glori bilong God long pes bilong Jisas Kraist. | For God, who commanded the light to shine out of darkness, hath shined in our hearts, to give the light of the knowledge of the glory of God in the face of Jesus Christ. |
| 7 | Tasol mipela i gat dispela samting i dia tru long ol sospen graun, inap long pawa i gutpela olgeta i ken stap bilong God, na i no bilong mipela. | But we have this treasure in earthen vessels, that the excellency of the power may be of God, and not of us. |
| 8 | ¶ Mipela i gat trabel long olgeta wan wan sait, tasol mipela i no pilim bikpela wari. Mipela i stap paul, tasol mipela i no lusim hop. | We are troubled on every side, yet not distressed; we are perplexed, but not in despair; |
| 9 | Ol man i givim hevi, tasol God i no givim baksait long mipela. Mipela i pilim hevi, tasol mipela i no bagarap olgeta. | Persecuted, but not forsaken; cast down, but not destroyed; |
| 10 | Olgeta taim mipela i karim nabaut insait long bodi dai bilong Bikpela Jisas, inap long laip tu bilong Jisas i ken kamap ples klia insait long bodi bilong mipela. | Always bearing about in the body the dying of the Lord Jesus, that the life also of Jesus might be made manifest in our body. |
| 11 | Long wanem, mipela husat i stap laip olgeta taim ol i givim long dai long tingim Jisas, inap long laip tu bilong Jisas i ken kamap ples klia long bodi bilong mipela i ken dai. | For we which live are alway delivered unto death for Jesus’ sake, that the life also of Jesus might be made manifest in our mortal flesh. |
| 12 | Olsem nau dai i wok insait long mipela, tasol laip insait long yupela. | So then death worketh in us, but life in you. |
| 13 | Mipela i gat wankain spirit bilong bilip tru, bilong bihainim olsem rait i stap pinis, Mi bin bilip, na olsem na mi bin toktok. Mipela tu i bilip, na olsem na mipela i toktok, | We having the same spirit of faith, according as it is written, I believed, and therefore have I spoken; we also believe, and therefore speak; |
| 14 | Taim mipela i save long em husat i kirapim Bikpela Jisas bai kirapim mipela tu long wok bilong Jisas, na bai bringim mipela wantaim yupela. | Knowing that he which raised up the Lord Jesus shall raise up us also by Jesus, and shall present us with you. |
| 15 | Long wanem, olgeta samting i bilong tingim yupela, inap long marimari i planti moa yet i ken, long wok bilong tok tenkyu bilong planti, go bek long givim glori long God. | For all things are for your sakes, that the abundant grace might through the thanksgiving of many redound to the glory of God. |
| 16 | Long dispela as mipela i no hap i dai. Tasol maski ausait man bilong mipela i dai olgeta, yet dispela insait man i kamap nupela olgeta wan wan de. | For which cause we faint not; but though our outward man perish, yet the inward man is renewed day by day. |
| 17 | Long wanem, liklik hevi bilong mipela, dispela i stap long wanpela liklik hap taim tasol, i wok long sait bilong mipela wanpela strongpela glori bilong oltaim oltaim i planti moa yet tru, | For our light affliction, which is but for a moment, worketh for us a far more exceeding and eternal weight of glory; |
| 18 | Taim mipela i no lukluk long ol dispela samting ai i ken lukim, tasol long ol dispela samting ai i no inap long lukim. Long wanem, ol dispela samting ai i ken lukim i bilong nau tasol. Tasol ol dispela samting ai i no inap long lukim i bilong oltaim oltaim. | While we look not at the things which are seen, but at the things which are not seen: for the things which are seen are temporal; but the things which are not seen are eternal. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL