갈라디아서 6장 King Jems Pisin Baibel
King Jems Pisin Baibel · 톡피신어 · 갈라디아서 (Galatians) · 18절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Ol brata, sapos wanpela asua i kamap long wanpela man, yupela husat i strong long sait bilong spirit, stretim bek kain man olsem wantaim spirit bilong pasin bilong stap isi, taim yu tingim na skelim yu yet, nogut yu tu i kisim traim. | Brethren, if a man be overtaken in a fault, ye which are spiritual, restore such an one in the spirit of meekness; considering thyself, lest thou also be tempted. |
| 2 | Yupela i mas karim ol hevi wanpela bilong narapela, na inapim lo bilong Kraist olsem. | Bear ye one another’s burdens, and so fulfil the law of Christ. |
| 3 | Long wanem, sapos wanpela man i tingim em yet olsem em i stap wanpela bikpela samting, taim em i samting nating, em i giamanim em yet. | For if a man think himself to be something, when he is nothing, he deceiveth himself. |
| 4 | Tasol larim olgeta wan wan man pruvim wok bilong em yet, na nau bai em i gat pasin bilong wokim amamas tru insait long em yet wanpela, na i no long narapela. | But let every man prove his own work, and then shall he have rejoicing in himself alone, and not in another. |
| 5 | Long wanem, olgeta wan wan man bai karim hevi bilong em yet. | For every man shall bear his own burden. |
| 6 | Larim em husat ol i skulim long tok givim samting bilong helpim long em husat i skulim em long olgeta gutpela samting. | Let him that is taught in the word communicate unto him that teacheth in all good things. |
| 7 | No ken bilipim giaman. I no gat man i ken wokim pani long daunim God. Long wanem, wanem samting man i planim, dispela bai em i kamautim tu. | Be not deceived; God is not mocked: for whatsoever a man soweth, that shall he also reap. |
| 8 | Long wanem, em husat i planim long olpela bel bilong em bai kamautim pasin bilong bagarap long olpela bel. Tasol em husat i planim long Spirit bai kamautim long Spirit laip i stap gut oltaim oltaim. | For he that soweth to his flesh shall of the flesh reap corruption; but he that soweth to the Spirit shall of the Spirit reap life everlasting. |
| 9 | Na yumi no ken pilim les tru long mekim gutpela pasin. Long wanem, long taim stret bilong en yumi bai kamautim, sapos yumi no hap i dai. | And let us not be weary in well doing: for in due season we shall reap, if we faint not. |
| 10 | Olsem na olsem yumi gat sans, larim yumi mekim gut long olgeta man, na moa yet long ol husat i stap long hauslain bilong bilip tru. | As we have therefore opportunity, let us do good unto all men, especially unto them who are of the household of faith. |
| 11 | ¶ Yupela i luksave long mi bin raitim wanpela pas i traipela moa long yupela wantaim han bilong mi yet. | Ye see how large a letter I have written unto you with mine own hand. |
| 12 | Hamas man i gat laik long wokim wanpela naispela soim long bodi sait, ol i pulim yupela strong long katim skin. Tasol as tingting bilong ol em nogut ol i mas karim hevi long diwai kros bilong Kraist. | As many as desire to make a fair shew in the flesh, they constrain you to be circumcised; only lest they should suffer persecution for the cross of Christ. |
| 13 | Long wanem, ol ol yet husat i katim skin i no bihainim lo. Tasol ol i gat laik long yupela i ken katim skin, inap long ol i ken glori long bodi bilong yupela. | For neither they themselves who are circumcised keep the law; but desire to have you circumcised, that they may glory in your flesh. |
| 14 | Tasol i no ken tru long mi ken glori, long diwai kros tasol bilong Bikpela bilong yumi Jisas Kraist, long wok bilong husat em i nilim dispela graun long diwai kros na i dai long mi, na mi long dispela graun. | But God forbid that I should glory, save in the cross of our Lord Jesus Christ, by whom the world is crucified unto me, and I unto the world. |
| 15 | Long wanem, insait long Kraist Jisas pasin bilong katim skin i no helpim wanpela samting, o pasin bilong i no katim skin, tasol wanpela nupela samting God i wokim. | For in Christ Jesus neither circumcision availeth any thing, nor uncircumcision, but a new creature. |
| 16 | Na hamas man i wokabaut bilong bihainim dispela strongpela toktok, bel isi i ken stap antap long ol, na sori, na antap long Isrel bilong God. | And as many as walk according to this rule, peace be on them, and mercy, and upon the Israel of God. |
| 17 | I stat long nau i go no ken larim wanpela man i givim hevi long mi. Long wanem, mi karim long bodi bilong mi ol mak bilong Bikpela Jisas. | From henceforth let no man trouble me: for I bear in my body the marks of the Lord Jesus. |
| 18 | Ol brata, marimari bilong Bikpela bilong yumi Jisas Kraist i ken stap wantaim spirit bilong yupela. Amen. | Brethren, the grace of our Lord Jesus Christ be with your spirit. Amen. Unto the Galatians written from Rome. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL