요한복음 15장 Swahili
Swahili · 스와힐리어 · 요한복음 (John) · 27절 · 대역: King James Version
| 절 | Swahili | King James Version |
|---|---|---|
| 1 | "Mimi ni mzabibu wa kweli, na Baba yangu ndiye mkulima. | I am the true vine, and my Father is the husbandman. |
| 2 | Yeye huliondoa ndani yangu kila tawi lisilozaa matunda, na kila tawi lizaalo hulisafisha lipate kuzaa zaidi. | Every branch in me that beareth not fruit he taketh away: and every branch that beareth fruit, he purgeth it, that it may bring forth more fruit. |
| 3 | Ninyi mmekwisha kuwa safi kwa sababu ya ule ujumbe niliowaambieni. | Now ye are clean through the word which I have spoken unto you. |
| 4 | Kaeni ndani yangu, nami nikae ndani yenu. Tawi haliwezi peke yake kuzaa matunda lisipokaa katika mzabibu hali kadhalika nanyi hamwezi kuzaa matunda msipokaa ndani yangu. | Abide in me, and I in you. As the branch cannot bear fruit of itself, except it abide in the vine; no more can ye, except ye abide in me. |
| 5 | "Mimi ni mzabibu, nanyi ni matawi yake. Akaaye ndani yangu, nami ndani yake, huyo atazaa matunda mengi, maana bila mimi hamwezi kufanya chochote. | I am the vine, ye are the branches: He that abideth in me, and I in him, the same bringeth forth much fruit: for without me ye can do nothing. |
| 6 | Mtu yeyote asipokaa ndani yangu hutupwa nje kama tawi litupwalo nje hata likakauka. Watu huliokota tawi la namna hiyo na kulitupa motoni liungue. | If a man abide not in me, he is cast forth as a branch, and is withered; and men gather them, and cast them into the fire, and they are burned. |
| 7 | Mkikaa ndani yangu na maneno yangu yakikaa ndani yenu, basi, ombeni chochote mtakacho nanyi mtapewa. | If ye abide in me, and my words abide in you, ye shall ask what ye will, and it shall be done unto you. |
| 8 | Baba yangu hutukuzwa kama mkizaa matunda mengi na kuwa wanafunzi wangu. | Herein is my Father glorified, that ye bear much fruit; so shall ye be my disciples. |
| 9 | Mimi nimewapenda ninyi kama vile Baba alivyonipenda mimi. Kaeni katika pendo langu. | As the Father hath loved me, so have I loved you: continue ye in my love. |
| 10 | Mkizishika amri zangu mtakaa katika pendo langu, kama vile nami nilivyozishika amri za Baba yangu na kukaa katika pendo lake. | If ye keep my commandments, ye shall abide in my love; even as I have kept my Father’s commandments, and abide in his love. |
| 11 | Nimewaambieni mambo haya ili furaha yangu ikae ndani yenu, na furaha yenu ikamilike. | These things have I spoken unto you, that my joy might remain in you, and that your joy might be full. |
| 12 | Hii ndiyo amri yangu: pendaneni; pendaneni kama nilivyowapenda ninyi. | This is my commandment, That ye love one another, as I have loved you. |
| 13 | Hakuna upendo mkuu zaidi kuliko upendo wa mtu atoaye uhai wake kwa ajili ya rafiki zake. | Greater love hath no man than this, that a man lay down his life for his friends. |
| 14 | Ninyi ni rafiki zangu mkifanya ninayowaamuru. | Ye are my friends, if ye do whatsoever I command you. |
| 15 | Ninyi siwaiti tena watumishi, maana mtumishi hajui anachofanya bwana wake. Lakini mimi nimewaita ninyi rafiki, kwa sababu nimewajulisha yote ambayo nimeyasikia kutoka kwa Baba yangu. | Henceforth I call you not servants; for the servant knoweth not what his lord doeth: but I have called you friends; for all things that I have heard of my Father I have made known unto you. |
| 16 | Ninyi hamkunichagua mimi; mimi niliwachagueni na kuwatuma mwende mkazae matunda, matunda yadumuyo, naye Baba apate kuwapa ninyi chochote mumwombacho kwa jina langu. | Ye have not chosen me, but I have chosen you, and ordained you, that ye should go and bring forth fruit, and that your fruit should remain: that whatsoever ye shall ask of the Father in my name, he may give it you. |
| 17 | Basi, amri yangu kwenu ndiyo hii: pendaneni. | These things I command you, that ye love one another. |
| 18 | "Kama ulimwengu ukiwachukia ninyi, kumbukeni kwamba umenichukia mimi kabla haujawachukia ninyi. | If the world hate you, ye know that it hated me before it hated you. |
| 19 | Kama mngalikuwa watu wa ulimwengu, ulimwengu ungaliwapenda ninyi kama watu wake. Lakini kwa vile ninyi si wa ulimwengu, ila mimi nimewachagueni kutoka ulimwenguni, kwa sababu hiyo ulimwengu unawachukieni. | If ye were of the world, the world would love his own: but because ye are not of the world, but I have chosen you out of the world, therefore the world hateth you. |
| 20 | Kumbukeni niliyowaambieni: mtumishi si mkuu zaidi kuliko bwana wake. Ikiwa wamenitesa mimi, watawatesa na ninyi pia; kama wameshika neno langu, watalishika na lenu pia. | Remember the word that I said unto you, The servant is not greater than his lord. If they have persecuted me, they will also persecute you; if they have kept my saying, they will keep yours also. |
| 21 | Lakini hayo yote watawatendeeni ninyi kwa sababu ya jina langu, kwani hawamjui yeye aliyenituma. | But all these things will they do unto you for my name’s sake, because they know not him that sent me. |
| 22 | Kama nisingalikuja na kusema nao wasingalikuwa na hatia; lakini sasa hawawezi kujitetea kwamba hawana dhambi. | If I had not come and spoken unto them, they had not had sin: but now they have no cloke for their sin. |
| 23 | Anayenichukia mimi, anamchukia na Baba yangu pia. | He that hateth me hateth my Father also. |
| 24 | Kama nisingalifanya kwao mambo ambayo hakuna mtu mwingine amekwisha yafanya wasingalikuwa na hatia; lakini sasa wameona niliyoyafanya wakinichukia mimi, wakamchukia na Baba yangu pia. | If I had not done among them the works which none other man did, they had not had sin: but now have they both seen and hated both me and my Father. |
| 25 | Na hivi ni lazima yatimie yale yaliyoandikwa katika Sheria yao: Wamenichukia bure! | But this cometh to pass, that the word might be fulfilled that is written in their law, They hated me without a cause. |
| 26 | "Atakapokuja huyo Msaidizi nitakayemtuma kwenu kutoka kwa Baba, huyo Roho wa kweli atokaye kwa Baba, yeye atanishuhudia mimi. | But when the Comforter is come, whom I will send unto you from the Father, even the Spirit of truth, which proceedeth from the Father, he shall testify of me: |
| 27 | Nanyi pia mtanishuhudia kwa kuwa mmekuwa nami tangu mwanzo. | And ye also shall bear witness, because ye have been with me from the beginning. |
Swahili — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain)
King James Version — getbible.net(CrossWire SWORD 모듈)에서 가져옴 · 라이선스: GPL