고린도후서 11장 Shona Bible
Shona Bible · 쇼나어 · 고린도후서 (2 Corinthians) · 33절 · 대역: King James Version
| 절 | Shona Bible | King James Version |
|---|---|---|
| 1 | Dai muchindiitira moyo murefu zvishoma paupenzi hwangu; asiwo munondiitira moyo murefu. | Would to God ye could bear with me a little in my folly: and indeed bear with me. |
| 2 | Nokuti ndine godo nemwi negodo raMwari; nokuti ndakakuwanisai kumurume umwe, kuti ndikukumikidzeimuri mhandara yakachena kuna Kristu. | For I am jealous over you with godly jealousy: for I have espoused you to one husband, that I may present you as a chaste virgin to Christ. |
| 3 | Asi ndinotya kuti zvimwe nyoka sezvayakanyengera Evha nemano ayo, saizvozvo ndangariro dzenyu dzingatsauswa pauchokwadi huri muna Kristu. | But I fear, lest by any means, as the serpent beguiled Eve through his subtilty, so your minds should be corrupted from the simplicity that is in Christ. |
| 4 | Nokuti kana anosvika achiparidza umwe Jesu watisina kuparidza, kana zvimwe muchigamuchira umwe mweya wamusina kugamuchira, kana imwe evhangeri yamusina kugamuchira, zvakanaka kuti muzviitire moyo murefu. | For if he that cometh preacheth another Jesus, whom we have not preached, or if ye receive another spirit, which ye have not received, or another gospel, which ye have not accepted, ye might well bear with him. |
| 5 | Nokuti ndinoona ndisingasariri nepadiki kuvaapositori vakurusa. | For I suppose I was not a whit behind the very chiefest apostles. |
| 6 | Kanawo kunyange ndisina kudzidza pashoko, asi kwete paruzivo; asi pachinhu chese takaratidzwa kwamuri muzvinhu zvese. | But though I be rude in speech, yet not in knowledge; but we have been throughly made manifest among you in all things. |
| 7 | Kana ndakaita chivi here pakuzvininipisa kuti imwi mukudzwe, nokuti ndakaparidza kwamuri evhangeri yaMwari pasina muripo? | Have I committed an offence in abasing myself that ye might be exalted, because I have preached to you the gospel of God freely? |
| 8 | Ndakapamba amwe makereke, ndichitora muripo kuti ndikushandirei. | I robbed other churches, taking wages of them, to do you service. |
| 9 | Uye pandakange ndiripo kwamuri ndichishaiwa handina kuremedza munhu; nokuti zvandaishaiwa, hama dzaibva Makedhonia dzakapa; uye pazvese ndakazvichengeta kuti ndirege kuva mutoro kwamuri, uye ndichazvichengeta. | And when I was present with you, and wanted, I was chargeable to no man: for that which was lacking to me the brethren which came from Macedonia supplied: and in all things I have kept myself from being burdensome unto you, and so will I keep myself. |
| 10 | Chokwadi chaKristu chiri mandiri, kuti kuzvikudza uku hakungamiswi mandiri kumatunhu eAkaya. | As the truth of Christ is in me, no man shall stop me of this boasting in the regions of Achaia. |
| 11 | Nemhaka yei? Nokuti handikudii here? Mwari anoziva. | Wherefore? because I love you not? God knoweth. |
| 12 | Asi chandinoita, ndichaitawo, kuti ndigure mukana kune vanoshuva mukana; kuti pane zvavanozvikudza nazvo vawanikwe vakaita sesuwo. | But what I do, that I will do, that I may cut off occasion from them which desire occasion; that wherein they glory, they may be found even as we. |
| 13 | Nokuti vakadaro vaapositori venhema, vabati vanonyengera, vanozvishandura kuva vaapositori vaKristu. | For such are false apostles, deceitful workers, transforming themselves into the apostles of Christ. |
| 14 | Hazvishamisiwo; nokuti Satani amene anozvishandura kuva mutumwa wechiedza. | And no marvel; for Satan himself is transformed into an angel of light. |
| 15 | Naizvozvo hachisi chinhu chikuru kana nevashumiri vake vachizvishandura kuita sevashumiri vekururama; kuguma kwavo kuchava semabasa avo. | Therefore it is no great thing if his ministers also be transformed as the ministers of righteousness; whose end shall be according to their works. |
| 16 | Ndinotizve: Ngakurege kuva nemunhu anofunga kuti ndiri benzi; asi kana zvisakadaro, sebenziwo ndigamuchirei, kuti neni ndizvikudze zvishoma. | I say again, Let no man think me a fool; if otherwise, yet as a fool receive me, that I may boast myself a little. |
| 17 | Zvandinotaura, handitauri sekuna Ishe, asi sepaupenzi, pachivimbo ichi chekuzvikudza. | That which I speak, I speak it not after the Lord, but as it were foolishly, in this confidence of boasting. |
| 18 | Sezvo vazhinji vachizvikudza panyama, iniwo ndichazvikudza. | Seeing that many glory after the flesh, I will glory also. |
| 19 | Nokuti munoitira mapenzi moyo murefu nemufaro muri vakachenjera. | For ye suffer fools gladly, seeing ye yourselves are wise. |
| 20 | Nokuti munoita moyo murefu, kana munhu achikuisai muuranda, kana munhu achikudyai kupedza, kana munhu achikutapai, kana munhu achizvikudza, kana munhu achikurovai kumeso. | For ye suffer, if a man bring you into bondage, if a man devour you, if a man take of you, if a man exalt himself, if a man smite you on the face. |
| 21 | Ndinoreva sechinyadzo, senge kuti isu takange tine utera. Asi pane chipi nechipi umwe paane ushingi (ndinotaura paupenzi), ini ndine ushingiwo. | I speak as concerning reproach, as though we had been weak. Howbeit whereinsoever any is bold, (I speak foolishly,) I am bold also. |
| 22 | VaHebheru here? Neniwo. VaIsraeri here? Neniwo. Imbeu yaAbhurahama here? Neniwo. | Are they Hebrews? so am I. Are they Israelites? so am I. Are they the seed of Abraham? so am I. |
| 23 | Vashumiri vaKristu here? (Ndinotaura semupengo), ndinovapfuura, zvikurusa pamabasa anorema, pamavanga kupfuura chipimo, mumajere zvikurusa, pandufu kazhinji. | Are they ministers of Christ? (I speak as a fool) I am more; in labours more abundant, in stripes above measure, in prisons more frequent, in deaths oft. |
| 24 | KuVaJudha ndakagamuchira kashanu shamhu dzine makumi mana kusiya imwe. | Of the Jews five times received I forty stripes save one. |
| 25 | Katatu ndakarohwa netsvimbo, kamwe ndakatakwa nemabwe, katatu ndakaputsikirwa nechikepe, usiku humwe nemasikati ndakange ndiri muudziku hwegungwa; | Thrice was I beaten with rods, once was I stoned, thrice I suffered shipwreck, a night and a day I have been in the deep; |
| 26 | panzendo kazhinji, panjodzi dzenzizi, panjodzi dzemakororo, panjodzi nevekwangu, panjodzi nevahedheni, panjodzi muguta, panjodzi murenje, panjodzi mugungwa, panjodzi pakati pehama dzenhema; | In journeyings often, in perils of waters, in perils of robbers, in perils by mine own countrymen, in perils by the heathen, in perils in the city, in perils in the wilderness, in perils in the sea, in perils among false brethren; |
| 27 | pakutambudzika nepakuremerwa, pakusarara kazhinji, panzara nenyota, pakutsanya kazhinji, pachando nepakushama. | In weariness and painfulness, in watchings often, in hunger and thirst, in fastings often, in cold and nakedness. |
| 28 | Kunze kwezvinhu izvi zviri panze, kurangarira makereke ese kunondimanikidza zuva rimwe nerimwe. | Beside those things that are without, that which cometh upon me daily, the care of all the churches. |
| 29 | Ndiani anoshaiwa simba, neni ndikasashaiwa simba? Ndiani anogumburwa, neni ndikasatsva? | Who is weak, and I am not weak? who is offended, and I burn not? |
| 30 | Kana zvakafanira kuzvikudza, ndichazvikudza nezvinhu zveutera hwangu. | If I must needs glory, I will glory of the things which concern mine infirmities. |
| 31 | Mwari naBaba vaIshe wedu Jesu Kristu, anorumbidzwa kusvikira rinhi narinhi, anoziva kuti handirevi nhema. | The God and Father of our Lord Jesus Christ, which is blessed for evermore, knoweth that I lie not. |
| 32 | PaDhamasiko mutungamiriri wamambo Areta wakarinda guta reveDhamasiko achida kundibata; | In Damascus the governor under Aretas the king kept the city of the Damascenes with a garrison, desirous to apprehend me: |
| 33 | uye ndakaburuswa nepawindo ndiri mudengu nepamudhuri, ndikapukunyuka pamaoko ake. | And through a window in a basket was I let down by the wall, and escaped his hands. |
Shona Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL