잠언 1장 Ndebele Bible
Ndebele Bible · 은데벨레어 · 잠언 (Proverbs) · 33절 · 대역: King James Version
| 절 | Ndebele Bible | King James Version |
|---|---|---|
| 1 | Izaga zikaSolomoni, indodana kaDavida, inkosi yakoIsrayeli; | The proverbs of Solomon the son of David, king of Israel; |
| 2 | ukwazi inhlakanipho lokulaywa, ukuqedisisa amazwi okuqedisisa, | To know wisdom and instruction; to perceive the words of understanding; |
| 3 | ukwemukela ukulaya kwenhlakanipho, ukulunga, lesahlulelo, lokuqonda; | To receive the instruction of wisdom, justice, and judgment, and equity; |
| 4 | ukunika abangelalwazi inhlakanipho, ijaha ulwazi lengqondo. | To give subtilty to the simple, to the young man knowledge and discretion. |
| 5 | Ohlakaniphileyo uzakuzwa, andise ukufunda, loqedisisayo uzazuza izeluleko, | A wise man will hear, and will increase learning; and a man of understanding shall attain unto wise counsels: |
| 6 | ukuqedisisa isaga lomzekeliso, amazwi abahlakaniphileyo, lamalibho abo. | To understand a proverb, and the interpretation; the words of the wise, and their dark sayings. |
| 7 | Ukwesaba iNkosi kuyikuqala kolwazi; izithutha ziyadelela inhlakanipho lokulaywa. | The fear of the Lord is the beginning of knowledge: but fools despise wisdom and instruction. |
| 8 | Ndodana yami, zwana ukulaya kukayihlo, ungawudeli umlayo kanyoko; | My son, hear the instruction of thy father, and forsake not the law of thy mother: |
| 9 | ngoba kuzakuba ngumqhele womusa ekhanda lakho, lemigaxo entanyeni yakho. | For they shall be an ornament of grace unto thy head, and chains about thy neck. |
| 10 | Ndodana yami, uba izoni zikuhuga, ungavumi. | My son, if sinners entice thee, consent thou not. |
| 11 | Uba zisithi: Hamba lathi, siyecathamela igazi, sicatshele ongelacala kungelasizatho; | If they say, Come with us, let us lay wait for blood, let us lurk privily for the innocent without cause: |
| 12 | sibaginye bephila njengengcwaba, yebo, ngokupheleleyo, njengabehlela egodini. | Let us swallow them up alive as the grave; and whole, as those that go down into the pit: |
| 13 | Sizathola yonke impahla eligugu, sigcwalise izindlu zethu ngempango. | We shall find all precious substance, we shall fill our houses with spoil: |
| 14 | Phosela inkatho yakho phakathi kwethu; sonke sibe lesikhwama semali sinye. | Cast in thy lot among us; let us all have one purse: |
| 15 | Ndodana yami, ungahambi lazo endleleni; unqande unyawo lwakho emkhondweni wazo. | My son, walk not thou in the way with them; refrain thy foot from their path: |
| 16 | Ngoba inyawo zazo zigijimela ebubini, ziphangisa ukuchitha igazi. | For their feet run to evil, and make haste to shed blood. |
| 17 | Isibili, imbule lendlalelwa ize phambi kwamehlo aloba yiyiphi inyoni. | Surely in vain the net is spread in the sight of any bird. |
| 18 | Lalaba bacathamela igazi labo, bacatshele imiphefumulo yabo. | And they lay wait for their own blood; they lurk privily for their own lives. |
| 19 | Zinjalo indlela zakhe wonke ozuza inzuzo ngokuphanga; ithatha impilo yabaniniyo. | So are the ways of every one that is greedy of gain; which taketh away the life of the owners thereof. |
| 20 | UkuHlakanipha kuyamemeza ngaphandle, kukhupha ilizwi lakho emidangeni. | Wisdom crieth without; she uttereth her voice in the streets: |
| 21 | Kuyamemeza endaweni eqakathekileyo yokuxokozela, ekungeneni kwamasango; emzini kutsho amazwi akho, | She crieth in the chief place of concourse, in the openings of the gates: in the city she uttereth her words, saying, |
| 22 | kusithi: Koze kube nini, lina elingelalwazi, lithanda ukungabi lalwazi, labaklolodayo bezifisela ukukloloda, leziphukuphuku zizonda ulwazi? | How long, ye simple ones, will ye love simplicity? and the scorners delight in their scorning, and fools hate knowledge? |
| 23 | Phendukelani ekukhuzeni kwami; khangelani, ngizathululela umoya wami kini, ngilazise amazwi ami. | Turn you at my reproof: behold, I will pour out my spirit unto you, I will make known my words unto you. |
| 24 | Ngoba ngibizile, kodwa lala; ngelulile isandla sami, kodwa kakho onanzayo; | Because I have called, and ye refused; I have stretched out my hand, and no man regarded; |
| 25 | ladelela sonke iseluleko sami, kalivumanga ukukhuza kwami; | But ye have set at nought all my counsel, and would none of my reproof: |
| 26 | mina-ke ngizahleka ukuchitheka kwenu, ngiklolode ekufikeni kokwesaba kwenu, | I also will laugh at your calamity; I will mock when your fear cometh; |
| 27 | ekufikeni kokwesaba kwenu njengesiphepho, lokuchitheka kwenu kufika njengesivunguzane, lapho ubuhlungu losizi kulehlela. | When your fear cometh as desolation, and your destruction cometh as a whirlwind; when distress and anguish cometh upon you. |
| 28 | Khona bazangibiza, kodwa kangiyikusabela; bazangidingisisa, kodwa kabayikungithola. | Then shall they call upon me, but I will not answer; they shall seek me early, but they shall not find me: |
| 29 | Ngenxa yokuthi babezonda ulwazi, bengakhethanga ukwesaba iNkosi. | For that they hated knowledge, and did not choose the fear of the Lord: |
| 30 | Kabavumanga iseluleko sami, bedelela konke ukukhuza kwami. | They would none of my counsel: they despised all my reproof. |
| 31 | Ngakho bazakudla okwesithelo sendlela yabo, basuthiswe ngamacebo abo. | Therefore shall they eat of the fruit of their own way, and be filled with their own devices. |
| 32 | Ngoba ukuhlehla kwabangelalwazi kuzababulala, lokonwaba kweziphukuphuku kuzababhubhisa. | For the turning away of the simple shall slay them, and the prosperity of fools shall destroy them. |
| 33 | Kodwa ongilalelayo uzahlala evikelekile, onwabe ekwesabeni okubi. | But whoso hearkeneth unto me shall dwell safely, and shall be quiet from fear of evil. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL