시편 118편 1757 Church Slavonic Elizabeth Bible
1757 Church Slavonic Elizabeth Bible · 교회 슬라브어 · 시편 (Psalms) · 176절 · 대역: King James Version
| 절 | 1757 Church Slavonic Elizabeth Bible | King James Version |
|---|---|---|
| 1 | Блажени непорочнии в путь, ходящии в законе Господни. | O give thanks unto the Lord; for he is good: because his mercy endureth for ever. |
| 2 | Блажени испытающии свидения Его, всем сердцем взыщут Его. | Let Israel now say, that his mercy endureth for ever. |
| 3 | Не делающии бо беззакония в путех Его ходиша. | Let the house of Aaron now say, that his mercy endureth for ever. |
| 4 | Ты заповедал еси заповеди Твоя сохранити зело: | Let them now that fear the Lord say, that his mercy endureth for ever. |
| 5 | дабы исправилися путие мои, сохранити оправдания Твоя. | I called upon the Lord in distress: the Lord answered me, and set me in a large place. |
| 6 | Тогда не постыжуся, внегда призрети ми на вся заповеди Твоя. | The Lord is on my side; I will not fear: what can man do unto me? |
| 7 | Исповемся Тебе в правости сердца, внегда научитимися судбам правды Твоея. | The Lord taketh my part with them that help me: therefore shall I see my desire upon them that hate me. |
| 8 | Оправдания Твоя сохраню: не остави мене до зела. | It is better to trust in the Lord than to put confidence in man. |
| 9 | В чесом исправит юнейший путь свой? Внегда сохранити словеса Твоя. | It is better to trust in the Lord than to put confidence in princes. |
| 10 | Всем сердцем моим взысках Тебе: не отрини мене от заповедий Твоих. | All nations compassed me about: but in the name of the Lord will I destroy them. |
| 11 | В сердцы моем скрых словеса Твоя, яко да не согрешу Тебе. | They compassed me about; yea, they compassed me about: but in the name of the Lord I will destroy them. |
| 12 | Благословен еси, Господи: научи мя оправданием Твоим. | They compassed me about like bees; they are quenched as the fire of thorns: for in the name of the Lord I will destroy them. |
| 13 | Устнама моима возвестих вся судбы уст Твоих. | Thou hast thrust sore at me that I might fall: but the Lord helped me. |
| 14 | На пути свидений Твоих насладихся, яко о всяком богатстве. | The Lord is my strength and song, and is become my salvation. |
| 15 | В заповедех Твоих поглумлюся, и уразумею пути Твоя. | The voice of rejoicing and salvation is in the tabernacles of the righteous: the right hand of the Lord doeth valiantly. |
| 16 | Во оправданиих Твоих поучуся: не забуду словес Твоих. | The right hand of the Lord is exalted: the right hand of the Lord doeth valiantly. |
| 17 | Воздаждь рабу Твоему: живи мя, и сохраню словеса Твоя. | I shall not die, but live, and declare the works of the Lord. |
| 18 | Открый очи мои, и уразумею чудеса от закона Твоего. | The Lord hath chastened me sore: but he hath not given me over unto death. |
| 19 | Пришлец аз есмь на земли: не скрый от мене заповеди Твоя. | Open to me the gates of righteousness: I will go into them, and I will praise the Lord: |
| 20 | Возлюби душа моя возжелати судбы Твоя на всякое время. | This gate of the Lord, into which the righteous shall enter. |
| 21 | Запретил еси гордым: прокляти уклоняющиися от заповедий Твоих. | I will praise thee: for thou hast heard me, and art become my salvation. |
| 22 | Отими от мене понос и уничижение, яко свидений Твоих взысках. | The stone which the builders refused is become the head stone of the corner. |
| 23 | Ибо седоша князи и на мя клеветаху, раб же Твой глумляшеся во оправданиих Твоих: | This is the Lord’s doing; it is marvellous in our eyes. |
| 24 | ибо свидения Твоя поучение мое есть, и совети мои оправдания Твоя. | This is the day which the Lord hath made; we will rejoice and be glad in it. |
| 25 | Прильпе земли душа моя: живи мя по словеси Твоему. | Save now, I beseech thee, O Lord: O Lord, I beseech thee, send now prosperity. |
| 26 | Пути моя возвестих, и услышал мя еси: научи мя оправданием Твоим. | Blessed be he that cometh in the name of the Lord: we have blessed you out of the house of the Lord. |
| 27 | Путь оправданий Твоих вразуми ми, и поглумлюся в чудесех Твоих. | God is the Lord, which hath shewed us light: bind the sacrifice with cords, even unto the horns of the altar. |
| 28 | Воздрема душа моя от уныния: утверди мя в словесех Твоих. | Thou art my God, and I will praise thee: thou art my God, I will exalt thee. |
| 29 | Путь неправды отстави от мене и законом Твоим помилуй мя. | O give thanks unto the Lord; for he is good: for his mercy endureth for ever. |
| 30 | Путь истины изволих и судбы Твоя не забых. | — |
| 31 | Прилепихся свидением Твоим, Господи, не посрами мене. | — |
| 32 | Путь заповедий Твоих текох, егда разширил еси сердце мое. | — |
| 33 | Законоположи мне, Господи, путь оправданий Твоих, и взыщу и выну: | — |
| 34 | вразуми мя, и испытаю закон Твой и сохраню и всем сердцем моим. | — |
| 35 | Настави мя на стезю заповедий Твоих, яко тую восхотех. | — |
| 36 | Приклони сердце мое во свидения Твоя, а не в лихоимство. | — |
| 37 | Отврати очи мои еже не видети суеты: в пути Твоем живи мя. | — |
| 38 | Постави рабу Твоему слово Твое в страх Твой. | — |
| 39 | Отими поношение мое, еже непщевах: яко судбы Твоя благи. | — |
| 40 | Се, возжелах заповеди Твоя: в правде Твоей живи мя. | — |
| 41 | И да приидет на мя милость Твоя, Господи, спасение Твое по словеси Твоему: | — |
| 42 | и отвещаю поношающым ми слово, яко уповах на словеса Твоя. | — |
| 43 | И не отими от уст моих словесе истинна до зела, яко на судбы Твоя уповах: | — |
| 44 | и сохраню закон Твой выну, в век и в век века. | — |
| 45 | И хождах в широте, яко заповеди Твоя взысках: | — |
| 46 | и глаголах о свидениих Твоих пред цари и не стыдяхся: | — |
| 47 | и поучахся в заповедех Твоих, яже возлюбих зело: | — |
| 48 | и воздвигох руце мои к заповедем Твоим, яже возлюбих, и глумляхся во оправданиих Твоих. | — |
| 49 | Помяни словеса Твоя рабу Твоему, ихже упование дал ми еси. | — |
| 50 | То мя утеши во смирении моем, яко слово Твое живи мя. | — |
| 51 | Гордии законопреступоваху до зела: от закона же Твоего не уклонихся. | — |
| 52 | Помянух судбы Твоя от века, Господи, и утешихся. | — |
| 53 | Печаль прият мя от грешник, оставляющих закон Твой. | — |
| 54 | Пета бяху мне оправдания Твоя на месте пришелствия моего. | — |
| 55 | Помянух в нощи имя Твое, Господи, и сохраних закон Твой. | — |
| 56 | Сей бысть мне, яко оправданий Твоих взысках. | — |
| 57 | Часть моя еси, Господи: рех сохранити закон Твой. | — |
| 58 | Помолихся лицу Твоему всем сердцем моим: помилуй мя по словеси Твоему. | — |
| 59 | Помыслих пути Твоя и возвратих нозе мои во свидения Твоя. | — |
| 60 | Уготовихся и не смутихся сохранити заповеди Твоя. | — |
| 61 | Ужя грешник обязашася мне, и закона Твоего не забых. | — |
| 62 | Полунощи востах исповедатися Тебе о судбах правды Твоея. | — |
| 63 | Причастник аз есмь всем боящымся Тебе и хранящым заповеди Твоя. | — |
| 64 | Милости Твоея, Господи, исполнь земля: оправданием Твоим научи мя. | — |
| 65 | Благость сотворил еси с рабом Твоим, Господи, по словеси Твоему: | — |
| 66 | благости и наказанию и разуму научи мя, яко заповедем Твоим веровах. | — |
| 67 | Прежде даже не смиритимися, аз прегреших: сего ради слово Твое сохраних. | — |
| 68 | Благ еси Ты, Господи: и благостию Твоею научи мя оправданием Твоим. | — |
| 69 | Умножися на мя неправда гордых: аз же всем сердцем моим испытаю заповеди Твоя. | — |
| 70 | Усырися яко млеко сердце их: аз же закону Твоему поучихся. | — |
| 71 | Благо мне, яко смирил мя еси, яко да научуся оправданием Твоим. | — |
| 72 | Благ мне закон уст Твоих паче тысящ злата и сребра. | — |
| 73 | Руце Твои сотвористе мя и создасте мя: вразуми мя, и научуся заповедем Твоим. | — |
| 74 | Боящиися Тебе узрят мя и возвеселятся, яко на словеса Твоя уповах. | — |
| 75 | Разумех, Господи, яко правда судбы Твоя, и воистинну смирил мя еси. | — |
| 76 | Буди же милость Твоя, да утешит мя, по словеси Твоему рабу Твоему: | — |
| 77 | да приидут мне щедроты Твоя, и жив буду, яко закон Твой поучение мое есть: | — |
| 78 | да постыдятся гордии, яко неправедно беззаконноваша на мя: аз же поглумлюся в заповедех Твоих. | — |
| 79 | Да обратят мя боящиися Тебе и ведящии свидения Твоя. | — |
| 80 | Буди сердце мое непорочно во оправданиих Твоих, яко да не постыжуся. | — |
| 81 | Изчезает во спасение Твое душа моя, на словеса Твоя уповах: | — |
| 82 | изчезоша очи мои в слово Твое, глаголюще: когда утешиши мя? | — |
| 83 | Зане бых яко мех на слане: оправданий Твоих не забых. | — |
| 84 | Колико есть дний раба Твоего? Когда сотвориши ми от гонящих мя суд? | — |
| 85 | Поведаша мне законопреступницы глумления, но не яко закон Твой, Господи. | — |
| 86 | Вся заповеди Твоя истина: неправедно погнаша мя, помози ми. | — |
| 87 | Вмале не скончаша мене на земли: аз же не оставих заповедий Твоих. | — |
| 88 | По милости Твоей живи мя, и сохраню свидения уст Твоих. | — |
| 89 | Во век, Господи, слово Твое пребывает на небеси. | — |
| 90 | В род и род истина Твоя: основал еси землю, и пребывает. | — |
| 91 | Учинением Твоим пребывает день: яко всяческая работна Тебе. | — |
| 92 | Яко аще бы не закон Твой поучение мое был, тогда убо погибл бых во смирении моем: | — |
| 93 | во век не забуду оправданий Твоих, яко в них оживил мя еси. | — |
| 94 | Твой есмь аз, спаси мя: яко оправданий Твоих взысках. | — |
| 95 | Мене ждаша грешницы погубити мя: свидения Твоя разумех. | — |
| 96 | Всякия кончины видех конец: широка заповедь Твоя зело. | — |
| 97 | Коль возлюбих закон Твой, Господи: весь день поучение мое есть. | — |
| 98 | Паче враг моих умудрил мя еси заповедию Твоею, яко в век моя есть. | — |
| 99 | Паче всех учащих мя разумех, яко свидения Твоя поучение мое есть. | — |
| 100 | Паче старец разумех, яко заповеди Твоя взысках. | — |
| 101 | От всякаго пути лукава возбраних ногам моим, яко да сохраню словеса Твоя: | — |
| 102 | от судеб Твоих не уклонихся, яко Ты законоположил ми еси. | — |
| 103 | Коль сладка гортани моему словеса Твоя: паче меда устом моим. | — |
| 104 | От заповедий Твоих разумех: сего ради возненавидех всяк путь неправды. | — |
| 105 | Светилник ногама моима закон Твой, и свет стезям моим. | — |
| 106 | Кляхся и поставих сохранити судбы правды Твоея. | — |
| 107 | Смирихся до зела: Господи, живи мя по словеси Твоему. | — |
| 108 | Вольная уст моих благоволи же, Господи, и судбам Твоим научи мя. | — |
| 109 | Душа моя в руку Твоею выну, и закона Твоего не забых. | — |
| 110 | Положиша грешницы сеть мне: и от заповедий Твоих не заблудих. | — |
| 111 | Наследовах свидения Твоя во век, яко радование сердца моего суть: | — |
| 112 | приклоних сердце мое сотворити оправдания Твоя в век за воздаяние. | — |
| 113 | Законопреступныя возненавидех, закон же Твой возлюбих. | — |
| 114 | Помощник мой и заступник мой еси Ты: на словеса Твоя уповах. | — |
| 115 | Уклонитеся от мене, лукавнующии, и испытаю заповеди Бога моего. | — |
| 116 | Заступи мя по словеси Твоему, и жив буду: и не посрами мене от чаяния моего: | — |
| 117 | помози ми, и спасуся, и поучуся во оправданиих Твоих выну. | — |
| 118 | Уничижил еси вся отступающыя от оправданий Твоих: яко неправедно помышление их. | — |
| 119 | Преступающыя непщевах вся грешныя земли: сего ради возлюбих свидения Твоя. | — |
| 120 | Пригвозди страху Твоему плоти моя: от судеб бо Твоих убояхся. | — |
| 121 | Сотворих суд и правду: не предаждь мене обидящым мя. | — |
| 122 | Восприими раба Твоего во благо, да не оклеветают мене гордии. | — |
| 123 | Очи мои изчезосте во спасение Твое и в слово правды Твоея: | — |
| 124 | сотвори с рабом Твоим по милости Твоей, и оправданием Твоим научи мя. | — |
| 125 | Раб Твой есмь аз: вразуми мя, и увем свидения Твоя. | — |
| 126 | Время сотворити Господеви: разориша закон Твой. | — |
| 127 | Сего ради возлюбих заповеди Твоя паче злата и топазиа. | — |
| 128 | Сего ради ко всем заповедем Твоим направляхся, всяк путь неправды возненавидех. | — |
| 129 | Дивна свидения Твоя: сего ради испыта я душа моя. | — |
| 130 | Явление словес Твоих просвещает и вразумляет младенцы. | — |
| 131 | Уста моя отверзох и привлекох дух, яко заповедий Твоих желах. | — |
| 132 | Призри на мя и помилуй мя, по суду любящих имя Твое. | — |
| 133 | Стопы моя направи по словеси Твоему, и да не обладает мною всякое беззаконие: | — |
| 134 | избави мя от клеветы человеческия, и сохраню заповеди Твоя. | — |
| 135 | Лице Твое просвети на раба Твоего и научи мя оправданием Твоим. | — |
| 136 | Исходища водная изведосте очи мои, понеже не сохраних закона Твоего. | — |
| 137 | Праведен еси, Господи, и прави суди Твои: | — |
| 138 | заповедал еси правду свидения Твоя, и истину зело. | — |
| 139 | Истаяла мя есть ревность Твоя: яко забыша словеса Твоя врази мои. | — |
| 140 | Разжжено слово Твое зело, и раб Твой возлюби е. | — |
| 141 | Юнейший аз есмь и уничижен: оправданий Твоих не забых. | — |
| 142 | Правда Твоя правда во век, и закон Твой истина. | — |
| 143 | Скорби и нужди обретоша мя: заповеди Твоя поучение мое. | — |
| 144 | Правда свидения Твоя в век: вразуми мя, и жив буду. | — |
| 145 | Воззвах всем сердцем моим, услыши мя, Господи: оправдания Твоя взыщу. | — |
| 146 | Воззвах Ти, спаси мя, и сохраню свидения Твоя. | — |
| 147 | Предварих в безгодии и воззвах: на словеса Твоя уповах. | — |
| 148 | Предваристе очи мои ко утру, поучитися словесем Твоим. | — |
| 149 | Глас мой услыши, Господи, по милости Твоей: по судбе Твоей живи мя. | — |
| 150 | Приближишася гонящии мя беззаконием: от закона же Твоего удалишася. | — |
| 151 | Близ еси Ты, Господи, и вси путие Твои истина. | — |
| 152 | Исперва познах от свидений Твоих, яко в век основал я еси. | — |
| 153 | Виждь смирение мое и изми мя: яко закона Твоего не забых. | — |
| 154 | Суди суд мой и избави мя: словесе ради Твоего живи мя. | — |
| 155 | Далече от грешник спасение, яко оправданий Твоих не взыскаша. | — |
| 156 | Щедроты Твоя многи, Господи: по судбе Твоей живи мя. | — |
| 157 | Мнози изгонящии мя и стужающии ми: от свидений Твоих не уклонихся. | — |
| 158 | Видех неразумевающыя и истаях: яко словес Твоих не сохраниша. | — |
| 159 | Виждь, яко заповеди Твоя возлюбих: Господи, по милости Твоей живи мя. | — |
| 160 | Начало словес Твоих истина, и во век вся судбы правды Твоея. | — |
| 161 | Князи погнаша мя туне: и от словес Твоих убояся сердце мое. | — |
| 162 | Возрадуюся аз о словесех Твоих, яко обретаяй корысть многу. | — |
| 163 | Неправду возненавидех и омерзих: закон же Твой возлюбих. | — |
| 164 | Седмерицею днем хвалих Тя о судбах правды Твоея. | — |
| 165 | Мир мног любящым закон Твой, и несть им соблазна. | — |
| 166 | Чаях спасения Твоего, Господи, и заповеди Твоя возлюбих. | — |
| 167 | Сохрани душа моя свидения Твоя и возлюби я зело. | — |
| 168 | Сохраних заповеди Твоя и свидения Твоя, яко вси путие мои пред Тобою, Господи. | — |
| 169 | Да приближится моление мое пред Тя, Господи: по словеси Твоему вразуми мя. | — |
| 170 | Да внидет прошение мое пред Тя: Господи, по словеси Твоему избави мя. | — |
| 171 | Отрыгнут устне мои пение, егда научиши мя оправданием Твоим. | — |
| 172 | Провещает язык мой словеса Твоя, яко вся заповеди Твоя правда. | — |
| 173 | Да будет рука Твоя еже спасти мя, яко заповеди Твоя изволих. | — |
| 174 | Возжелах спасение Твое, Господи, и закон Твой поучение мое есть. | — |
| 175 | Жива будет душа моя и восхвалит Тя: и судбы Твоя помогут мне. | — |
| 176 | Заблудих яко овча погибшее: взыщи раба Твоего, яко заповедий Твоих не забых. | — |
- 📚 1757 Church Slavonic Elizabeth Bible 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- 🌐 다른 언어·판
1757 Church Slavonic Elizabeth Bible — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL