사도행전 20장 (Psalms Gospels Acts)

(Psalms Gospels Acts) · 차모로어 · 사도행전 (Acts) · 38절

언어 판 책 장 대역 (나란히) 바로 가기

1 YA anae bumasta y atboroto, jaagang si Pablo y disipulo sija, ya anae jaaconsejo ya jadingo, mapos para Masedonia.
2 Ya anae jajanag�e inanaco ayo sija na lugat, ya janae sija megae na consejo, mapos malag Gresia.
3 Ya sumaga g�ije tres meses, ya manananggaja para ucone ni y Judios, anae maudae gui batco ya janao para Siria, jajaso na utalo guato Masedonia.
4 Ya maosgaejon asta Asia, si Sopater patgon Pirro guiya Berea, yan iya Tesal�nica, si Aristarcho yan si Segundo, yan si Gayo guiya Derbe, yan si Timoteo: ya iya Asia, si Tiquico yan si Tr�fimo.
5 Este sija manjanao finena, ya janananggajam Troas,
6 Ya despues di y pan sinlibadura, manmaudaejam gui batco desde Filipos, infatoig�e sija guiya Troas gui mina sinco na jaane; ya ma�agajam g�ije siete na jaane.
7 � Ya y finenana na jaane gui semana, anae manda�a y disipulo para umaipe y pan, si Pablo japredica guiya sija, sa esta g�e listo para ujanao gui inagpa�a: ya sisigueja di manpredica asta y tatalopuenge.
8 Ya megae na candet gui sanjilo na cuatto anae estabajam na mandada�a.
9 Ya estaba g�ije un patgon na taotao na y naan�a si Eutico, na matatachong sanjilo gui un bentana, ya guesmaego; ya y inanaco y prinedican Pablo, matomba gui maego�a, ya podong desde y mina tres na piso, ya anae majatsa matae.
10 Ya tumunog papa si Pablo ya dumimo gui jilo�a, ya jatogtog ileg�a: Chamiyo ninafa�achatsaga, sa y lin�l��a gaegueja gui sanjalom�a.
11 Ya anae cajulo talo, jaipe y pan ya ma�ocho, ya cumuentos asta qui manana; ya ayonae jumanao.
12 Ya l�l� patgon na taotao, ya ti didide ninafanmagof.
13 � Ya manmaposjam para y batco, ya manmaudaejam guato Asos, sa para ayo nae inquene si Pablo: sa taeg�ije matago�a, ya malago�aja ufamocat.
14 Ya anae manasodajam Asos, inquene g�e, ya manmatojam Mitilene.
15 Ya desde ayo, manmaudaejam gui batco, ya manmatojam gui inagpa�a na jaane gui menan Chio, ya y inagpa�a talo g�ije na jaane, manmatojam Samo, ya ma�agajam Trogilio; ya y inagpa�a na jaane, manjanaojam para Mileto.
16 Sa si Pablo malago�a umaudae gui batco para Efeso, sa ti malago jagasta y tiempo guiya Asia; sa inalulula, na mano y ninasi�a�a, na ufato Jerusalem gui jaanen y Pentecostes.
17 � Ya desde Mileto manago guato Efeso na ufanmaagange y manamco gui guimayuus.
18 Ya anae manmato guiya g�iya, ileg�a nu sija: Injatingo desde y finenenana na jaane anae matoyo Asia, jafa manaemanojit todo y tiempo,
19 Jusetbe y Se�ot contodo y inimitde na jinaso, yan y minegae lago, yan y tentasion sija ni y manmato guiya guajo pot y ninanggan y Judios.
20 Ya jaftaemano ti maa�ao yo jusangane jamyo todo y mauleg para jamyo, lao jufanue jamyo yan jufanag�e jamyo, gui publico yan gui guima yan guma.
21 Junamatungo gui Judios yan y Griego sija locue, y sinetsot para as Yuus, yan y jinenggue para y Se�otta as Jesucristo.
22 Ya pago, estag�e y Espiritu na janajanaoyo para Jerusalem, ti jutungo jafa ufanmato guiya guajo g�ije.
23 Esteja y Espiritu Santo janae yo testimonio na gui cada siudad, ileg�a, na y guinede yan y pinite ufa�aga guiya guajo.
24 Lao taya g�ine na g�inaja unacalamtenyo, ni ti junaguaguan y lin�l�jo para guajo, lao guefmalago yo na junafunjayan y chechojo, yan y obligasionjo ni y juresibe gui Se�ot Jesus, para junamatungo y ebangelion y grasian Yuus.
25 Ya pago, estag�e na jutungo jamyo todos, ya ni uno guiya jamyo ni y anae guinin jupredica y raenon Yuus, ulinie y matajo mas.
26 Enao na jucone jamyo para testigo pago na jaane, na guajo gasgasyo guinin todo y j�g� y taotao sija.
27 Sa trabia ti munjajayan junatungo jamyo todo ni y pinagat Yuus.
28 Guefadaje jamyo, yan todo y manada ni y ninafanmagas jamyo ni y Espiritu Santo, para inapasto inetnon mangilisyano iyon Yuus, ni y jafajan ni y j�g��aja.
29 Sa jujatungo este, na despues di jumanaoyo, y manaelaye sija na lobo ufanjalom gui entalomiyo, ya ti unasobbla y manada.
30 Ya iya jamyo locue nae ufangajulo sija taotao na jasasangan y manaelaye na g�inaja sija, para ufanmangone disipulo sija para udalalag sija.
31 Enaomina adaje, ya injaso na pot tres a�os, ti pumaparayo jusangane cada uno parejoja jaane yan puenge cumacasaoyo.
32 Ya pago ma�elujo, jutayuyute jamyo as Yuus, yan y sinangan y grasia�a, ni y si�a manjinatsa jamyo julo, yan infanninae erensianmiyo yan todo ayo sija y manafangasgas.
33 Sa taya jucodisia ni jaye na taotao, salape pat oro, pat magago.
34 Ya jamyo, intingo este sija na canae y sumesetbeyo gui nesesidajo, yan ayo sija y mangachochongjo.
35 Esta junae jamyo mauleg na ejemplo gui todosija, jaftaemano ya guaja obligasionmiyo na inadaje y manaemetgot yan injaso y sinangan y Se�ot Jesus, ni y ileg�a: Mas dichoso y mannae qui y manresibe.
36 � Ya anae munjayan jasangan taeg�ine, dumimo papa ya manmanayuyut todos.
37 Ya todosija mananges ya matogtog y ag�g� Pablo ya machico.
38 Ya ninafansenpinite todos pot y sinangan�a, na ti ujalie y mata�a mas. Ya maosgaejon gui jinanao�a asta y batco.

(Psalms Gospels Acts) — getbible.net(CrossWire SWORD 모듈)에서 가져옴 · 라이선스: 자유 배포 (Copyrighted; Freely distributable) · 출처 ↗