로그인

마태복음 26장 (Psalms Gospels Acts)

(Psalms Gospels Acts) · 차모로어 · 마태복음 (Matthew) · 75절

🖍 이 판을 읽기 도구로 읽기 📖 무료성경
  1. 1 YA susede anae munjayan si Jesus jasangan este sija na sinangan, ileg�a ni disipulu�a sija;
  2. 2 Intingo na dos na jaane talo umafatinas y guipot; ya y Lajin taotao umaentrega para umatane gui quiluus.
  3. 3 Ayo nae y prinsipen y mamale sija, yan y manbijo na taotao sija, manda�a gui palasyon y magas na pale, y naan�a si Caefas:
  4. 4 Ya manaconseja entresija para ujacone si Jesus pot dinague, ya ujapuno.
  5. 5 Lao ileg�ija: Munga gui jaanin y guipot, sa munga na umafatinas yinaoyao gui taotao sija.
  6. 6 Ya anae estaba si Jesus guiya Betania, gui guima Simon y ategtog,
  7. 7 Mato guiya g�iya un palaoan, na guaja un boteya alabastron ung�ento na dangculo bali�a, ya jachuda gui jilo ilu�a, anae estaba gui lamasa na matatachong:
  8. 8 Lao anae malie ni disipulu�a sija, ninafanlalalo, ya ileg�ija: Jafa na jagagasta este?
  9. 9 Sa este na ung�ento si�a mabende pot dangculo na presio, ya ufanmanae y mamoble.
  10. 10 Anae jatungo si Jesus, ileg�a nu sija: Jafa na innachatsaga y palaoan? sa jafatinas mauleg na chocho para guajo.
  11. 11 Sa jamyo guaja siempre mamoble manjajamyo, lao guajo, siempre taya.
  12. 12 Sa jachuda este na ung�ento gui tataotaojo, jafatinas para majafotjo.
  13. 13 Magajet jusangane jamyo: Mano nae este na ebangelio na umapredica gui todo y tano, uguajaja locue este y finatinas�a este na palaoan, masangan para memorias�a.
  14. 14 � Ayo nae y uno gui dose, y naan�a si Judas Iscariote, mapos malag y prinsipen y mamale sija,
  15. 15 Ya ileg�a: Jafa malagomiyo innaeyo, ya juentrega jamyo nu g�iya? Ya manmapesa para g�iya treinta pidason salape.
  16. 16 Ya desde ayo, manmanaliligao lugat para umaentrega g�e.
  17. 17 � Ya y finenana na jaanin gupot pan sin lebadura, manmato y disipulo gui as Jesus, ya ileg�ija: Mano nae malagojao ya infamaulequejao namo gui guipot?
  18. 18 Ya ileg�a: Janao fanmalag y siuda, gui guima ayo na taotao, y insangane: Y Maestro ileg�a, y tiempoco esta jijot, iyajamyo nae jufatinas y guipot Pascua yan y disipulojo sija.
  19. 19 Ya y disipulo sija jafatinas y mantinago as Jesus, ya manalisto y guipot pascua.
  20. 20 Ya anae pupuenge g�ije na jaane, matachong gui lamasa yan y dose na disipulo;
  21. 21 Ya anae ma�ochocho g�iya ileg�a: Magajet jusangane jamyo, na uno guiya jamyo uentregayo.
  22. 22 Sija ninafangostriste, ya sigue di ileg�ija cada uno nu g�iya: Buente guajo, Se�ot?
  23. 23 Ayo nae manope ileg�a: Y munajalom y canae�a yan guajo gui plato, g�iya uentregayo.
  24. 24 Magajet na y Lajin taotao ujanao, calang y esta matugue nu g�iya; lao ay ay para ayo na taotao ni y jaentrega y Lajin taotao! mauleg�a mojon ayo na taotao na ti umafa�ago.
  25. 25 Ayo nae manope si Judas, ni umentrega g�e, ileg�a: Guajo buente Rabi? Yleg�a nu g�iya: Jago guinin sumangan.
  26. 26 � Ya mientras ma�ochocho, jachule si Jesus y pan, ya jabendise, ya jaipe, ya janae y disipolu�a sija, ya ileg�a: Chule, ya cano; este y tataotaojo.
  27. 27 Jachule y copa, ya janae si Yuus grasias, ya janae sija ni y copa, ileg�a: Fanguimen jamyo todo.
  28. 28 Sa este y j�g�jo gui Nuevo Testamento, ni y machuda para megae, para inasiin y isao.
  29. 29 Ya jusangane jamyo, na desde pago ti juguimen mas y tinegcha ubas, asta ayo na jaane anae para juguimen nuebo yan jamyo gui raenon Tata.
  30. 30 � Ya anae munjayan jacanta un himno, manmapos para sabana Olibo,
  31. 31 Ayo nae si Jesus ileg�a nu sija: Todos jamyo ufanma�oda guiya guajo ocasion inale pago na puenge; sa matugue esta: Junafa�etnot y pastot, ya y quinilo sija manmachalapon gui manada.
  32. 32 Lao despues di unacajuloyo talo gui entalo manmatae, jujanao gui menanmiyo guiyo Galilea.
  33. 33 Si Pedro manope, ileg�a nu g�iya: Yaguin todos ufanma�oda guiya jago ocasion inale lao guajo ti jusoda para siempre ocasion inale.
  34. 34 Si Jesus, ileg�a: Magajet jusanganejao: na pago na puenge, antes di ucanta y gayo, undagueyo tres biaje.
  35. 35 Yleg�a nu guiya si Pedro: Achogaja junesesita matae yan jago, lao ti judaguejao. Yan todo y palo disipulo sija, taeg�enaoja ileg�ija locue.
  36. 36 Ayo nae mato si Jesus yan sija gui g�etta na mafanaan Gethsemane, ya ileg�a ni disipulu�a sija: Fanmatachong g�ine, ya jumanaoyo ya j ufanaetae g�ije guato.
  37. 37 Ya jacone gachong�a si Pedro yan y dos lajin Sebedeo, ya jatutujon mantriste yan manmajalang.
  38. 38 Ayo nae si Jesus ileg�a nu sija: Y antijo gostriste asta qui matae: fa�aga g�ine, ya infanbela yan guajo.
  39. 39 Ya mamocat mona didide, tumecon ya manaetae, ileg�a: Tatajo, yaguin si�a, nafalofan este na copa guiya guajo: lao ti seg�n y minalagojo, na seg�n y minalagomo.
  40. 40 Ya mato gui disipulu�a sija, ya jasoda sija na manmamaego: ya ileg�a as Pedro: Jafa, ada ti si�a jamyo infanbela yan guajo una ora?
  41. 41 Fanbela ya infanmanaetae, para chamiyo fanjajalom gui tentasion: y espiritu magajet na malago lao y catne echecho.
  42. 42 Mapos talo gui segundo biaje ya manaetae, ileg�a: Tatajo, yaguin ti si�a este na copa malofan guiya guajo, yaguin ti juguimen, ufatinas y minalagomo.
  43. 43 Ya mato, ya jasoda talo sija na manmamaego; sa y atadog�ija manmacat.
  44. 44 Ya jadingo sija, mapos talo ya manaetae gui mina tres biaje, jasangan ayoja na sinangan.
  45. 45 Ayo nae mato gui disipulu�a sija, ya ileg�a: Infanmamaegoja, pago, yan infandescacansaja; estag�e na mato y ora, ya y Lajin taotao esta maentrega gui canae y manisao sija.
  46. 46 Fangajulo na nije tafanjanao; estag�e esta mato y umentregayo.
  47. 47 � Ya y tiempoja anae cumuecuentos g�e, estag�e si Judas, uno gui dose, mato ma�isija yan un dangculon linajyan taotao, manma�u�ule espada yan galute, tinago y prinsipen y mamale sija yan y manamco na taotao sija.
  48. 48 Yan umentrega g�e, mannae esta se�at, ileg�a: Y juchico, g�iya; guesguot.
  49. 49 Ya enseguidas matog�e gui as Jesus, ya ileg�a nu g�iya: Minagof, Maestro! ya jachico.
  50. 50 Ya si Jesus, ileg�a nu g�iya: Amigo, jafajao na mato? Ayo nae manmato sija ya maguot si Jesus, ya macone.
  51. 51 Ya, estag�e, uno gui mangachong si Jesus, jajuto y canae�a, ya jalagnos y espada�a, y janalamen uno gui tentago y prinsipen y mamale sija, janajanao un talanga.
  52. 52 Ayo nae si Jesus ileg�a nu g�iya: Natalo guato y espadamo gui saga�a; sa todo y manma�u�ule espada, nu y espadaja ufanpinino.
  53. 53 Ada jinasomo na ti si�ayo jutayuyut si Tata pago, ya g�iya unaeyo enseguidas mas di dose legion na angjet sija?
  54. 54 Lao jaftaemano macumple y Tinigue sija; sa matugue na taeg�enao nesesita umafatinas este?
  55. 55 Ayo na ora ileg�a si Jesus ni linajyan taotao: Manmato jamyo parejo yan contra y saque, na manma�u�ule jamyo espada yan galute para inqueneyo? Cada jaane manjijitaja guajo matachong gui templo, mamnanag�e nu jamyo, ya ti inqueneyo.
  56. 56 Lao todo este umafatinas, para umacumple y Tinigue sija ni y profeta sija. Ayo nae todo y disipulu�a sija madingo g�e, ya manmalago.
  57. 57 � Ya ayo sija y cumone si Jesus, macone g�e guato gui as Caefas, magas na pale, anae manestaba y escriba sija yan y manamco na mandada�a.
  58. 58 Lao si Pedro, dinalalag g�e chago asta qui mato gui colat y magas na pale; ya jumalom ya manmatachong yan y tentago sija, para ulie y uttimo.
  59. 59 Ya y prinsipen y mamale sija yan todo y inetnon ofisiat, manmanaliligao ni ti magajet na testimonio contra si Jesus, para umapuno.
  60. 60 Lao ni uno ma�oda; achogja mato megae na ti manmagajet na testigo. Lao y uttimo manmato dos,
  61. 61 Na ileg�ija, Este na taotao ileg�a: Guajo si�a juyulang papa este na gumayuus, ya junacajulo gui tres na jaane.
  62. 62 Ya cajulo y magas y mamale, ya ileg�a nu g�iya: Ti unfanope ni jafa? Jafa este na testimonio contra jago?
  63. 63 Lao si Jesus mamatquiloja. Ya y magas y mamale ileg�a nu g�iya: Jutayuyutjao pot y lal�l� na Yuus, na unsanganejam cao jago si Cristo, Lajin Yuus.
  64. 64 Si Jesus ileg�a nu g�iya: Jago guinin sumangan. Ya jusangane jamyo na desde pago inlie y Lajin taotao na matatachong gui agapa y ugaeninasi�a na canae, ya umamaela gui jalom y mapagajes sija gui langet.
  65. 65 Ayo nae y magas y mamale, jatiteg y magagu�a, ya ileg�a: Cumuentos chatfino contra si Yuus: jafa mas na utanesesita testigo sija? Estag�e esta pago na injingog y chinatfino contra si Yuus.
  66. 66 Jafa pinelonmimiyo? Sija manmanope ileg�ija: Jamerese y finatae.
  67. 67 Ayo nae matolae y mata�a yan patmada g�e; ya y palo manafa�etnot nu y dinemo;
  68. 68 Ya ileg�ija: Profetisayejam, O Cristo! jayejao munafa�etnot?
  69. 69 � Ya ayo na tiempo si Pedro estaba matatachong gui sumanjiyong gui guelat; ya mato guija g�iya un palaoan tentago, ya ileg�a: Manjajamjo locue yan si Jesus y Galileo.
  70. 70 Lao g�iya jadague gui menan todos, ileg�a: Ti jutungo jafa ilelegmo.
  71. 71 Ya anae jumuyong gui petta; linie ni otro palaoan, ya ileg�a ni ayo y manestaba g�ije: Este locue ma�isija yan si Jesus Nasareno.
  72. 72 Ya jadague talo ya manjula ileg�a: Ti jutungo ayo na taotao.
  73. 73 Ti apmam despues manmato sija y mangaegue g�ije, ya ileg�ija as Pedro: Magajet na jago locue uno guiya sija; sa y sinanganmo dumiclalara jao.
  74. 74 Ayo nae jatutujon mumatdise, yan manjula, ileg�a: Ti jutungo ayo na taotao. Ya enseguidas cumanta y gayo.
  75. 75 Ya jajaso si Pedro y sinangan Jesus ni ileg�a: Antes di ucanta y gayo, undagueyo tres biaje. Ya mapos juyong ya gueftumanges.

(Psalms Gospels Acts) — getbible.net(CrossWire SWORD 모듈)에서 가져옴 · 라이선스: 자유 배포 (Copyrighted; Freely distributable) · 출처 ↗