잠언 3장 John Wycliffe Bible (c.1395)
John Wycliffe Bible (c.1395) · 중세 영어 · 잠언 (Proverbs) · 35절 · 대역: King James Version
| 절 | John Wycliffe Bible (c.1395) | King James Version |
|---|---|---|
| 1 | Mi sone, foryete thou not my lawe; and thyn herte kepe my comaundementis. | My son, forget not my law; but let thine heart keep my commandments: |
| 2 | For tho schulen sette to thee the lengthe of daies, and the yeeris of lijf, and pees. | For length of days, and long life, and peace, shall they add to thee. |
| 3 | Merci and treuthe forsake thee not; bynde thou tho to thi throte, and write in the tablis of thin herte. | Let not mercy and truth forsake thee: bind them about thy neck; write them upon the table of thine heart: |
| 4 | And thou schalt fynde grace, and good teching bifore God and men. | So shalt thou find favour and good understanding in the sight of God and man. |
| 5 | Haue thou trist in the Lord, of al thin herte; and triste thou not to thi prudence. | Trust in the Lord with all thine heart; and lean not unto thine own understanding. |
| 6 | In alle thi weies thenke thou on hym, and he schal dresse thi goyngis. | In all thy ways acknowledge him, and he shall direct thy paths. |
| 7 | Be thou not wijs anentis thi silf; drede thou God, and go awei fro yuel. | Be not wise in thine own eyes: fear the Lord, and depart from evil. |
| 8 | For whi helthe schal be in thi nawle, and moisting of thi boonys. | It shall be health to thy navel, and marrow to thy bones. |
| 9 | Onoure thou the Lord of thi catel, and of the beste of alle thi fruytis yyue thou to pore men; | Honour the Lord with thy substance, and with the firstfruits of all thine increase: |
| 10 | and thi bernes schulen be fillid with abundaunce, and pressours schulen flowe with wiyn. | So shall thy barns be filled with plenty, and thy presses shall burst out with new wine. |
| 11 | My sone, caste thou not awei the teching of the Lord; and faile thou not, whanne thou art chastisid of him. | My son, despise not the chastening of the Lord; neither be weary of his correction: |
| 12 | For the Lord chastisith hym, whom he loueth; and as a fadir in the sone he plesith hym. | For whom the Lord loveth he correcteth; even as a father the son in whom he delighteth. |
| 13 | Blessid is the man that fyndith wisdom, and which flowith with prudence. | Happy is the man that findeth wisdom, and the man that getteth understanding. |
| 14 | The geting therof is betere than the marchaundie of gold and of siluer; the fruytis therof ben the firste and clenneste. | For the merchandise of it is better than the merchandise of silver, and the gain thereof than fine gold. |
| 15 | It is preciousere than alle richessis; and alle thingis that ben desirid, moun not be comparisound to this. | She is more precious than rubies: and all the things thou canst desire are not to be compared unto her. |
| 16 | Lengthe of daies is in the riythalf therof, and richessis and glorie ben in the lifthalf therof. | Length of days is in her right hand; and in her left hand riches and honour. |
| 17 | The weies therof ben feire weies, and alle the pathis therof ben pesible. | Her ways are ways of pleasantness, and all her paths are peace. |
| 18 | It is a tre of lijf to hem that taken it; and he that holdith it, is blessid. | She is a tree of life to them that lay hold upon her: and happy is every one that retaineth her. |
| 19 | The Lord foundide the erthe bi wisdom; he stablischide heuenes bi prudence. | The Lord by wisdom hath founded the earth; by understanding hath he established the heavens. |
| 20 | The depthis of watris braken out bi his wisdom; and cloudis wexen togidere bi dewe. | By his knowledge the depths are broken up, and the clouds drop down the dew. |
| 21 | My sone, these thingis flete not awey fro thin iyen; kepe thou my lawe, and my counsel; | My son, let not them depart from thine eyes: keep sound wisdom and discretion: |
| 22 | and lijf schal be to thi soule, and grace `schal be to thi chekis. | So shall they be life unto thy soul, and grace to thy neck. |
| 23 | Thanne thou schalt go tristili in thi weie; and thi foot schal not snapere. | Then shalt thou walk in thy way safely, and thy foot shall not stumble. |
| 24 | If thou schalt slepe, thou schalt not drede; thou schalt reste, and thi sleep schal be soft. | When thou liest down, thou shalt not be afraid: yea, thou shalt lie down, and thy sleep shall be sweet. |
| 25 | Drede thou not bi sudeyne feer, and the powers of wickid men fallynge in on thee. | Be not afraid of sudden fear, neither of the desolation of the wicked, when it cometh. |
| 26 | For the Lord schal be at thi side; and he schal kepe thi foot, that thou be not takun. | For the Lord shall be thy confidence, and shall keep thy foot from being taken. |
| 27 | Nil thou forbede to do wel him that mai; if thou maist, and do thou wel. | Withhold not good from them to whom it is due, when it is in the power of thine hand to do it. |
| 28 | Seie thou not to thi frend, Go, and turne thou ayen, and to morewe Y schal yyue to thee; whanne thou maist yyue anoon. | Say not unto thy neighbour, Go, and come again, and to morrow I will give; when thou hast it by thee. |
| 29 | Ymagyne thou not yuel to thi freend, whanne he hath trist in thee. | Devise not evil against thy neighbour, seeing he dwelleth securely by thee. |
| 30 | Stryue thou not ayens a man with out cause, whanne he doith noon yuel to thee. | Strive not with a man without cause, if he have done thee no harm. |
| 31 | Sue thou not an vniust man, sue thou not hise weies. | Envy thou not the oppressor, and choose none of his ways. |
| 32 | For ech disseyuer is abhomynacioun of the Lord; and his speking is with simple men. | For the froward is abomination to the Lord: but his secret is with the righteous. |
| 33 | Nedinesse is sent of the Lord in the hous of a wickid man; but the dwelling places of iust men schulen be blessid. | The curse of the Lord is in the house of the wicked: but he blesseth the habitation of the just. |
| 34 | He schal scorne scorneris; and he schal yyue grace to mylde men. | Surely he scorneth the scorners: but he giveth grace unto the lowly. |
| 35 | Wise men schulen haue glorie; enhaunsing of foolis is schenschipe. | The wise shall inherit glory: but shame shall be the promotion of fools. |
- 📚 John Wycliffe Bible (c.1395) 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- 🌐 다른 언어·판
John Wycliffe Bible (c.1395) — getbible.net(CrossWire SWORD 모듈)에서 가져옴 · 라이선스: CC BY-SA 4.0 (Creative Commons: BY-SA 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL