시편 81편 John Wycliffe Bible (c.1395)
John Wycliffe Bible (c.1395) · 중세 영어 · 시편 (Psalms) · 8절
- 1 The title of the oon and eiytetithe salm. Of Asaph. God stood in the synagoge of goddis; forsothe he demeth goddis in the myddil.
- 2 Hou longe demen ye wickidnesse; and taken the faces of synneris?
- 3 Deme ye to the nedi man, and to the modirles child; iustifie ye the meke man and pore.
- 4 Raueische ye out a pore man; and delyuere ye the nedi man fro the hond of the synner.
- 5 Thei knewen not, nether vndirstoden, thei goen in derknessis; alle the foundementis of erthe schulen be moued.
- 6 I seide, Ye ben goddis; and alle ye ben the sones of hiy God.
- 7 But ye schulen die as men; and ye schulen falle doun as oon of the princis.
- 8 Ryse, thou God, deme thou the erthe; for thou schalt haue eritage in alle folkis.
- 📚 John Wycliffe Bible (c.1395) 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
John Wycliffe Bible (c.1395) — getbible.net(CrossWire SWORD 모듈)에서 가져옴 · 라이선스: CC BY-SA 4.0 (Creative Commons: BY-SA 4.0) · 출처 ↗