시편 118편 John Wycliffe Bible (c.1395)
John Wycliffe Bible (c.1395) · 중세 영어 · 시편 (Psalms) · 176절 · 대역: King James Version
| 절 | John Wycliffe Bible (c.1395) | King James Version |
|---|---|---|
| 1 | `The titil of the hundrid and eiytenthe salm. Alleluia. Blessid ben men with out wem in the weie; that gon in the lawe of the Lord. | O give thanks unto the Lord; for he is good: because his mercy endureth for ever. |
| 2 | Blessid ben thei, that seken hise witnessingis; seken him in al the herte. | Let Israel now say, that his mercy endureth for ever. |
| 3 | For thei that worchen wickidnesse; yeden not in hise weies. | Let the house of Aaron now say, that his mercy endureth for ever. |
| 4 | Thou hast comaundid; that thin heestis be kept greetly. | Let them now that fear the Lord say, that his mercy endureth for ever. |
| 5 | I wolde that my weies be dressid; to kepe thi iustifiyngis. | I called upon the Lord in distress: the Lord answered me, and set me in a large place. |
| 6 | Thanne Y schal not be schent; whanne Y schal biholde perfitli in alle thin heestis. | The Lord is on my side; I will not fear: what can man do unto me? |
| 7 | I schal knouleche to thee in the dressing of herte; in that that Y lernyde the domes of thi riytfulnesse. | The Lord taketh my part with them that help me: therefore shall I see my desire upon them that hate me. |
| 8 | I schal kepe thi iustifiyngis; forsake thou not me on ech side. | It is better to trust in the Lord than to put confidence in man. |
| 9 | In what thing amendith a yong waxinge man his weie? in keping thi wordis. | It is better to trust in the Lord than to put confidence in princes. |
| 10 | In al myn herte Y souyte thee; putte thou me not awei fro thin heestis. | All nations compassed me about: but in the name of the Lord will I destroy them. |
| 11 | In myn herte Y hidde thi spechis; that Y do not synne ayens thee. | They compassed me about; yea, they compassed me about: but in the name of the Lord I will destroy them. |
| 12 | Lord, thou art blessid; teche thou me thi iustifiyngis. | They compassed me about like bees; they are quenched as the fire of thorns: for in the name of the Lord I will destroy them. |
| 13 | In my lippis Y haue pronounsid; alle the domes of thi mouth. | Thou hast thrust sore at me that I might fall: but the Lord helped me. |
| 14 | I delitide in the weie of thi witnessingis; as in alle richessis. | The Lord is my strength and song, and is become my salvation. |
| 15 | I schal be ocupied in thin heestis; and Y schal biholde thi weies. | The voice of rejoicing and salvation is in the tabernacles of the righteous: the right hand of the Lord doeth valiantly. |
| 16 | I schal bithenke in thi iustifiyngis; Y schal not foryete thi wordis. | The right hand of the Lord is exalted: the right hand of the Lord doeth valiantly. |
| 17 | Yelde to thi seruaunt; quiken thou me, and Y schal kepe thi wordis. | I shall not die, but live, and declare the works of the Lord. |
| 18 | Liytne thou myn iyen; and Y schal biholde the merueils of thi lawe. | The Lord hath chastened me sore: but he hath not given me over unto death. |
| 19 | I am a comeling in erthe; hide thou not thin heestis fro me. | Open to me the gates of righteousness: I will go into them, and I will praise the Lord: |
| 20 | Mi soule coueitide to desire thi iustifiyngis; in al tyme. | This gate of the Lord, into which the righteous shall enter. |
| 21 | Thou blamedist the proude; thei ben cursid, that bowen awei fro thin heestis. | I will praise thee: for thou hast heard me, and art become my salvation. |
| 22 | Do thou awei `fro me schenschipe and dispising; for Y souyte thi witnessingis. | The stone which the builders refused is become the head stone of the corner. |
| 23 | For whi princis saten, and spaken ayens me; but thi seruaunt was exercisid in thi iustifiyngis. | This is the Lord’s doing; it is marvellous in our eyes. |
| 24 | For whi and thi witnessyngis is my thenkyng; and my counsel is thi iustifiyngis. | This is the day which the Lord hath made; we will rejoice and be glad in it. |
| 25 | Mi soule cleuede to the pawment; quykine thou me bi thi word. | Save now, I beseech thee, O Lord: O Lord, I beseech thee, send now prosperity. |
| 26 | I telde out my weies, and thou herdist me; teche thou me thi iustifiyngis. | Blessed be he that cometh in the name of the Lord: we have blessed you out of the house of the Lord. |
| 27 | Lerne thou me the weie of thi iustifiyngis; and Y schal be exercisid in thi merueils. | God is the Lord, which hath shewed us light: bind the sacrifice with cords, even unto the horns of the altar. |
| 28 | Mi soule nappide for anoye; conferme thou me in thi wordis. | Thou art my God, and I will praise thee: thou art my God, I will exalt thee. |
| 29 | Remoue thou fro me the weie of wickidnesse; and in thi lawe haue thou merci on me. | O give thanks unto the Lord; for he is good: for his mercy endureth for ever. |
| 30 | I chees the weie of treuthe; Y foryat not thi domes. | — |
| 31 | Lord, Y cleuede to thi witnessyngis; nyle thou schende me. | — |
| 32 | I ran the weie of thi comaundementis; whanne thou alargidist myn herte. | — |
| 33 | Lord, sette thou to me a lawe, the weie of thi iustifiyngis; and Y schal seke it euere. | — |
| 34 | Yyue thou vndurstonding to me, and Y schal seke thi lawe; and Y schal kepe it in al myn herte. | — |
| 35 | Lede me forth in the path of thin heestis; for Y wolde it. | — |
| 36 | `Bowe thou myn herte in to thi witnessingus; and not in to aueryce. | — |
| 37 | Turne thou awei myn iyen, that `tho seen not vanyte; quykene thou me in thi weie. | — |
| 38 | Ordeyne thi speche to thi seruaunt; in thi drede. | — |
| 39 | Kitte awey my schenschip, which Y supposide; for thi domes ben myrie. | — |
| 40 | Lo! Y coueitide thi comaundementis; quikene thou me in thin equite. | — |
| 41 | And, Lord, thi merci come on me; thin heelthe come bi thi speche. | — |
| 42 | And Y schal answere a word to men seiynge schenschipe to me; for Y hopide in thi wordis. | — |
| 43 | And take thou not awei fro my mouth the word of treuthe outerli; for Y hopide aboue in thi domes. | — |
| 44 | And Y schal kepe thi lawe euere; in to the world, and in to the world of world. | — |
| 45 | And Y yede in largenesse; for Y souyte thi comaundementis. | — |
| 46 | And Y spak of thi witnessyngis in the siyt of kingis; and Y was not schent. | — |
| 47 | And Y bithouyte in thin heestis; whiche Y louede. | — |
| 48 | And Y reiside myn hondis to thi comaundementis, whiche Y louede; and Y schal be excercisid in thi iustifiyngis. | — |
| 49 | Lord, haue thou mynde on thi word to thi seruaunt; in which word thou hast youe hope to me. | — |
| 50 | This coumfortide me in my lownesse; for thi word quikenede me. | — |
| 51 | Proude men diden wickidli bi alle thingis; but Y bowide not awei fro thi lawe. | — |
| 52 | Lord, Y was myndeful on thi domes fro the world; and Y was coumfortid. | — |
| 53 | Failing helde me; for synneris forsakinge thi lawe. | — |
| 54 | Thi iustifiyngis weren delitable to me to be sungun; in the place of my pilgrimage. | — |
| 55 | Lord, Y hadde mynde of thi name bi niyt; and Y kepte thi lawe. | — |
| 56 | This thing was maad to me; for Y souyte thi iustifiyngis. | — |
| 57 | Lord, my part; Y seide to kepe thi lawe. | — |
| 58 | I bisouyte thi face in al myn herte; haue thou merci on me bi thi speche. | — |
| 59 | I bithouyte my weies; and Y turnede my feet in to thi witnessyngis. | — |
| 60 | I am redi, and Y am not disturblid; to kepe thi comaundementis. | — |
| 61 | The coordis of synneris han biclippid me; and Y haue not foryete thi lawe. | — |
| 62 | At mydnyyt Y roos to knouleche to thee; on the domes of thi iustifiyngis. | — |
| 63 | I am parcener of alle that dreden thee; and kepen thin heestis. | — |
| 64 | Lord, the erthe is ful of thi merci; teche thou me thi iustifiyngis. | — |
| 65 | Lord, thou hast do goodnesse with thi seruaunt; bi thi word. | — |
| 66 | Teche thou me goodnesse, and loore, and kunnyng; for Y bileuede to thin heestis. | — |
| 67 | Bifor that Y was maad meke, Y trespasside; therfor Y kepte thi speche. | — |
| 68 | Thou art good; and in thi goodnesse teche thou me thi iustifiyngis. | — |
| 69 | The wickidnesse of hem that ben proude, is multiplied on me; but in al myn herte Y schal seke thin heestis. | — |
| 70 | The herte of hem is cruddid as mylk; but Y bithouyte thi lawe. | — |
| 71 | It is good to me, that thou hast maad me meke; that Y lerne thi iustifiyngis. | — |
| 72 | The lawe of thi mouth is betere to me; than thousyndis of gold and of siluer. | — |
| 73 | Thin hondis maden me, and fourmeden me; yyue thou vndurstondyng to me, that Y lerne thin heestis. | — |
| 74 | Thei that dreden thee schulen se me, and schulen be glad; for Y hopide more on thi wordis. | — |
| 75 | Lord, Y knewe, that thi domes ben equite; and in thi treuth thou hast maad me meke. | — |
| 76 | Thi merci be maad, that it coumforte me; bi thi speche to thi seruaunt. | — |
| 77 | Thi merciful doyngis come to me, and Y schal lyue; for thi lawe is my thenkyng. | — |
| 78 | Thei that ben proude be schent, for vniustli thei diden wickidnesse ayens me; but Y schal be exercisid in thin heestis. | — |
| 79 | Thei that dreden thee be turned to me; and thei that knowen thi witnessyngis. | — |
| 80 | Myn herte be maad vnwemmed in thi iustifiyngis; that Y be not schent. | — |
| 81 | Mi soule failide in to thin helthe; and Y hopide more on thi word. | — |
| 82 | Myn iyen failiden in to thi speche; seiynge, Whanne schalt thou coumforte me? | — |
| 83 | For Y am maad as a bowge in frost; Y haue not foryete thi iustifiyngis. | — |
| 84 | Hou many ben the daies of thi seruaunt; whanne thou schalt make doom of hem that pursuen me? | — |
| 85 | Wickid men telden to me ianglyngis; but not as thi lawe. | — |
| 86 | Alle thi comaundementis ben treuthe; wickid men han pursued me, helpe thou me. | — |
| 87 | Almeest thei endiden me in erthe; but I forsook not thi comaundementis. | — |
| 88 | Bi thi mersi quikene thou me; and Y schal kepe the witnessingis of thi mouth. | — |
| 89 | Lord, thi word dwellith in heuene; with outen ende. | — |
| 90 | Thi treuthe dwellith in generacioun, and in to generacioun; thou hast foundid the erthe, and it dwellith. | — |
| 91 | The dai lastith contynueli bi thi ordynaunce; for alle thingis seruen to thee. | — |
| 92 | No but that thi lawe was my thenking; thanne perauenture Y hadde perischid in my lownesse. | — |
| 93 | With outen ende Y schal not foryete thi iustifiyngis; for in tho thou hast quikened me. | — |
| 94 | I am thin, make thou me saaf; for Y haue souyt thi iustifiyngis. | — |
| 95 | Synneris aboden me, for to leese me; Y vndurstood thi witnessingis. | — |
| 96 | I siy the ende of al ende; thi comaundement is ful large. | — |
| 97 | Lord, hou louede Y thi lawe; al dai it is my thenking. | — |
| 98 | Aboue myn enemyes thou madist me prudent bi thi comaundement; for it is to me with outen ende. | — |
| 99 | I vndurstood aboue alle men techinge me; for thi witnessingis is my thenking. | — |
| 100 | I vndirstood aboue eelde men; for Y souyte thi comaundementis. | — |
| 101 | I forbeed my feet fro al euel weie; that Y kepe thi wordis. | — |
| 102 | I bowide not fro thi domes; for thou hast set lawe to me. | — |
| 103 | Thi spechis ben ful swete to my cheekis; aboue hony to my mouth. | — |
| 104 | I vnderstood of thin heestis; therfor Y hatide al the weie of wickidnesse. | — |
| 105 | Thi word is a lanterne to my feet; and liyt to my pathis. | — |
| 106 | I swoor, and purposide stidefastli; to kepe the domes of thi riytfulnesse. | — |
| 107 | I am maad low bi alle thingis; Lord, quykene thou me bi thi word. | — |
| 108 | Lord, make thou wel plesinge the wilful thingis of my mouth; and teche thou me thi domes. | — |
| 109 | Mi soule is euere in myn hondis; and Y foryat not thi lawe. | — |
| 110 | Synneris settiden a snare to me; and Y erride not fro thi comaundementis. | — |
| 111 | I purchasside thi witnessyngis bi eritage with outen ende; for tho ben the ful ioiyng of myn herte. | — |
| 112 | I bowide myn herte to do thi iustifiyngis with outen ende; for reward. | — |
| 113 | I hatide wickid men; and Y louede thi lawe. | — |
| 114 | Thou art myn helpere, and my `taker vp; and Y hopide more on thi word. | — |
| 115 | Ye wickide men, bowe awei fro me; and Y schal seke the comaundementis of my God. | — |
| 116 | Vp take thou me bi thi word, and Y schal lyue; and schende thou not me fro myn abydyng. | — |
| 117 | Helpe thou me, and Y schal be saaf; and Y schal bithenke euere in thi iustifiyngis. | — |
| 118 | Thou hast forsake alle men goynge awey fro thi domes; for the thouyt of hem is vniust. | — |
| 119 | I arettide alle the synneris of erthe brekeris of the lawe; therfor Y louede thi witnessyngis. | — |
| 120 | Naile thou my fleischis with thi drede; for Y dredde of thi domes. | — |
| 121 | I dide doom and riytwisnesse; bitake thou not me to hem that falsli chalengen me. | — |
| 122 | Take vp thi seruaunt in to goodnesse; thei that ben proude chalenge not me. | — |
| 123 | Myn iyen failiden in to thin helthe; and in to the speche of thi riytfulnesse. | — |
| 124 | Do thou with thi seruaunt bi thi merci; and teche thou me thi iustifiyngis. | — |
| 125 | I am thi seruaunt, yyue thou vndurstondyng to me; that Y kunne thi witnessingis. | — |
| 126 | Lord, it is tyme to do; thei han distried thi lawe. | — |
| 127 | Therfor Y louede thi comaundementis; more than gold and topazion. | — |
| 128 | Therfor Y was dressid to alle thin heestis; Y hatide al wickid weie. | — |
| 129 | Lord, thi witnessingis ben wondirful; therfor my soule souyte tho. | — |
| 130 | Declaring of thi wordis liytneth; and yyueth vnderstonding to meke men. | — |
| 131 | I openede my mouth, and drouy the spirit; for Y desiride thi comaundementis. | — |
| 132 | Biholde thou on me, and haue merci on me; bi the dom of hem that louen thi name. | — |
| 133 | Dresse thou my goyingis bi thi speche; that al vnriytfulnesse haue not lordschip on me. | — |
| 134 | Ayeyn bie thou me fro the false chalengis of men; that Y kepe thin heestis. | — |
| 135 | Liytne thi face on thi seruaunt; and teche thou me thi iustifiyngis. | — |
| 136 | Myn iyen ledden forth the outgoynges of watris; for thei kepten not thi lawe. | — |
| 137 | Lord, thou art iust; and thi dom is riytful. | — |
| 138 | Thou hast comaundid riytfulnesse, thi witnessingis; and thi treuthe greetli to be kept. | — |
| 139 | Mi feruent loue made me to be meltid; for myn enemys foryaten thi wordis. | — |
| 140 | Thi speche is greetli enflawmed; and thi seruaunt louede it. | — |
| 141 | I am yong, and dispisid; Y foryat not thi iustifiyngis. | — |
| 142 | Lord, thi riytfulnesse is riytfulnesse with outen ende; and thi lawe is treuthe. | — |
| 143 | Tribulacioun and angwische founden me; thin heestis is my thenking. | — |
| 144 | Thi witnessyngis is equite with outen ende; yyue thou vndirstondyng to me, and Y schal lyue. | — |
| 145 | I criede in al myn herte, Lord, here thou me; and Y schal seke thi iustifiyngis. | — |
| 146 | I criede to thee, make thou me saaf; that Y kepe thi comaundementis. | — |
| 147 | I bifor cam in ripenesse, and Y criede; Y hopide aboue on thi wordis. | — |
| 148 | Myn iyen bifor camen to thee ful eerli; that Y schulde bithenke thi speches. | — |
| 149 | Lord, here thou my vois bi thi merci; and quykene thou me bi thi doom. | — |
| 150 | Thei that pursuen me neiyden to wickidnesse; forsothe thei ben maad fer fro thi lawe. | — |
| 151 | Lord, thou art nyy; and alle thi weies ben treuthe. | — |
| 152 | In the bigynnyng Y knewe of thi witnessingis; for thou hast foundid tho with outen ende. | — |
| 153 | Se thou my mekenesse, and delyuere thou me; for Y foryat not thi lawe. | — |
| 154 | Deme thou my dom, and ayenbie thou me; quikene thou me for thi speche. | — |
| 155 | Heelthe is fer fro synners; for thei souyten not thi iustifiyngis. | — |
| 156 | Lord, thi mercies ben manye; quykene thou me bi thi dom. | — |
| 157 | Thei ben manye that pursuen me, and doen tribulacioun to me; Y bowide not awei fro thi witnessingis. | — |
| 158 | I siy brekers of the lawe, and Y was meltid; for thei kepten not thi spechis. | — |
| 159 | Lord, se thou, for Y louede thi comaundementis; quikene thou me in thi merci. | — |
| 160 | The bigynnyng of thi wordis is treuthe; alle the domes of thi riytwisnesse ben withouten ende. | — |
| 161 | Princes pursueden me with outen cause; and my herte dredde of thi wordis. | — |
| 162 | I schal be glad on thi spechis; as he that fyndith many spuylis. | — |
| 163 | I hatide and wlatide wickidnesse; forsothe Y louede thi lawe. | — |
| 164 | I seide heriyngis to thee seuene sithis in the dai; on the domes of thi riytfulnesse. | — |
| 165 | Miche pees is to hem that louen thi lawe; and no sclaundir is to hem. | — |
| 166 | Lord, Y abood thin heelthe; and Y louede thin heestis. | — |
| 167 | Mi soule kepte thi witnessyngis; and louede tho greetli. | — |
| 168 | I kepte thi `comaundementis, and thi witnessingis; for alle my weies ben in thi siyt. | — |
| 169 | Lord, my biseching come niy in thi siyt; bi thi speche yyue thou vndurstonding to me. | — |
| 170 | Myn axing entre in thi siyt; bi thi speche delyuere thou me. | — |
| 171 | Mi lippis schulen telle out an ympne; whanne thou hast tauyte me thi iustifiyngis. | — |
| 172 | Mi tunge schal pronounce thi speche; for whi alle thi comaundementis ben equite. | — |
| 173 | Thin hond be maad, that it saue me; for Y haue chose thin heestis. | — |
| 174 | Lord, Y coueitide thin heelthe; and thi lawe is my thenking. | — |
| 175 | Mi soule schal lyue, and schal herie thee; and thi domes schulen helpe me. | — |
| 176 | I erride as a scheep that perischide; Lord, seke thi seruaunt, for Y foryat not thi comaundementis. | — |
- 📚 John Wycliffe Bible (c.1395) 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- 🌐 다른 언어·판
John Wycliffe Bible (c.1395) — getbible.net(CrossWire SWORD 모듈)에서 가져옴 · 라이선스: CC BY-SA 4.0 (Creative Commons: BY-SA 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL