이사야 12장 Vulgata Clementina
Vulgata Clementina · 라틴어 · 이사야 (Isaiah) · 6절
- 1 Et dices in die illa : Confitebor tibi, Domine, quoniam iratus es mihi ; conversus est furor tuus, et consolatus es me.
- 2 Ecce Deus salvator meus ; fiducialiter agam, et non timebo : quia fortitudo mea et laus mea Dominus, et factus est mihi in salutem.
- 3 Haurietis aquas in gaudio de fontibus salvatoris.
- 4 Et dicetis in die illa : Confitemini Domino et invocate nomen ejus ; notas facite in populis adinventiones ejus ; mementote quoniam excelsum est nomen ejus.
- 5 Cantate Domino, quoniam magnifice fecit ; annuntiate hoc in universa terra.
- 6 Exsulta et lauda, habitatio Sion, quia magnus in medio tui Sanctus Israël.
- 📚 Vulgata Clementina 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
Vulgata Clementina — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗