시편 148편 Vulgata Clementina
Vulgata Clementina · 라틴어 · 시편 (Psalms) · 14절
- 1 Alleluja. Laudate Dominum de cælis ; laudate eum in excelsis.
- 2 Laudate eum, omnes angeli ejus ; laudate eum, omnes virtutes ejus.
- 3 Laudate eum, sol et luna ; laudate eum, omnes stellæ et lumen.
- 4 Laudate eum, cæli cælorum ; et aquæ omnes quæ super cælos sunt,
- 5 laudent nomen Domini. Quia ipse dixit, et facta sunt ; ipse mandavit, et creata sunt.
- 6 Statuit ea in æternum, et in sæculum sæculi ; præceptum posuit, et non præteribit.
- 7 Laudate Dominum de terra, dracones et omnes abyssi ;
- 8 ignis, grando, nix, glacies, spiritus procellarum, quæ faciunt verbum ejus ;
- 9 montes, et omnes colles ; ligna fructifera, et omnes cedri ;
- 10 bestiæ, et universa pecora ; serpentes, et volucres pennatæ ;
- 11 reges terræ et omnes populi ; principes et omnes judices terræ ;
- 12 juvenes et virgines ; senes cum junioribus, laudent nomen Domini :
- 13 quia exaltatum est nomen ejus solius.
- 14 Confessio ejus super cælum et terram ; et exaltavit cornu populi sui. Hymnus omnibus sanctis ejus ; filiis Israël, populo appropinquanti sibi. Alleluja.
- 📚 Vulgata Clementina 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
Vulgata Clementina — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗