시편 107편 Vulgata Clementina
Vulgata Clementina · 라틴어 · 시편 (Psalms) · 14절
- 1 Canticum Psalmi, ipsi David.
- 2 Paratum cor meum, Deus, paratum cor meum ; cantabo, et psallam in gloria mea.
- 3 Exsurge, gloria mea ; exsurge, psalterium et cithara ; exsurgam diluculo.
- 4 Confitebor tibi in populis, Domine, et psallam tibi in nationibus :
- 5 quia magna est super cælos misericordia tua, et usque ad nubes veritas tua.
- 6 Exaltare super cælos, Deus, et super omnem terram gloria tua :
- 7 ut liberentur dilecti tui. Salvum fac dextera tua, et exaudi me.
- 8 Deus locutus est in sancto suo : Exsultabo, et dividam Sichimam ; et convallem tabernaculorum dimetiar.
- 9 Meus est Galaad, et meus est Manasses, et Ephraim susceptio capitis mei. Juda rex meus ;
- 10 Moab lebes spei meæ : in Idumæam extendam calceamentum meum ; mihi alienigenæ amici facti sunt.
- 11 Quis deducet me in civitatem munitam ? quis deducet me usque in Idumæam ?
- 12 nonne tu, Deus, qui repulisti nos ? et non exibis, Deus, in virtutibus nostris ?
- 13 Da nobis auxilium de tribulatione, quia vana salus hominis.
- 14 In Deo faciemus virtutem ; et ipse ad nihilum deducet inimicos nostros.
- 📚 Vulgata Clementina 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
Vulgata Clementina — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗