호세아 2장 King Jems Pisin Baibel
King Jems Pisin Baibel · 톡피신어 · 호세아 (Hosea) · 23절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Yupela tokim ol brata bilong yupela, Ami, na ol susa bilong yupela, Ruhama. | Say ye unto your brethren, Ammi; and to your sisters, Ru–hamah. |
| 2 | Toktok wantaim strongpela askim wantaim mama bilong yupela, toktok wantaim strongpela askim. Long wanem, em i no meri bilong Mi, na tu Mi no man bilong em. Olsem na larim meri i rausim i go ol pamuk pasin bilong em ausait long hap ai bilong em i lukim, na ol pasin bilong bagarapim marit long pamuk pasin long namel bilong tupela susu bilong em. | Plead with your mother, plead: for she is not my wife, neither am I her husband: let her therefore put away her whoredoms out of her sight, and her adulteries from between her breasts; |
| 3 | Nogut Mi rausim ol klos bilong mekim em skin nating, na putim em olsem long dispela de mama i karim em, na mekim em olsem wanpela ples i no gat man, na putim em olsem wanpela hap graun i drai, na kilim em wantaim nekdrai. | Lest I strip her naked, and set her as in the day that she was born, and make her as a wilderness, and set her like a dry land, and slay her with thirst. |
| 4 | Na Mi bai i no gat sori long ol pikinini bilong em. Long wanem, ol i stap ol pikinini bilong ol pamuk pasin. | And I will not have mercy upon her children; for they be the children of whoredoms. |
| 5 | Long wanem, mama bilong ol i bin pilai olsem pamuk meri. Meri husat i kisim bel bilong karim ol i bin mekim pasin i pulap long sem. Long wanem, em i tok, Mi bai go bihainim ol man mi laikim tru, husat i givim mi kaikai bilong mi na wara bilong mi, skin sipsip bilong mi na flaks bilong mi, wel bilong mi na dring bilong mi. | For their mother hath played the harlot: she that conceived them hath done shamefully: for she said, I will go after my lovers, that give me my bread and my water, my wool and my flax, mine oil and my drink. |
| 6 | ¶ Olsem na, lukim, Mi bai banisim rot bilong yu wantaim ol nil, na wokim wanpela banis, inap long em bai i no inap painim ol liklik rot bilong em. | Therefore, behold, I will hedge up thy way with thorns, and make a wall, that she shall not find her paths. |
| 7 | Na em bai bihainim ol man em i laikim tru, tasol em bai i no inap kamap long ol. Na em bai painim ol, tasol em bai i no inap lukim ol. Nau bai em i tok, Mi bai go na go bek long namba wan man bilong mi. Long wanem, bipo em i gutpela moa long mi long nau. | And she shall follow after her lovers, but she shall not overtake them; and she shall seek them, but shall not find them: then shall she say, I will go and return to my first husband; for then was it better with me than now. |
| 8 | Long wanem, em i no bin save long Mi givim wit samting long em, na wain, na wel, na mekim silva bilong em na gol bilong em i kamap planti moa, dispela ol i redim bilong Beal. | For she did not know that I gave her corn, and wine, and oil, and multiplied her silver and gold, which they prepared for Baal. |
| 9 | Olsem na bai Mi go bek, na tekewe wit samting bilong Mi long taim bilong en, na wain bilong Mi long taim bilong en. Na Mi bai kisim bek gen skin sipsip bilong Mi na flaks bilong Mi, dispela Mi givim bilong karamapim skin nating bilong em. | Therefore will I return, and take away my corn in the time thereof, and my wine in the season thereof, and will recover my wool and my flax given to cover her nakedness. |
| 10 | Na nau bai Mi mekim i kamap ples klia pamuk rot pasin bilong em long hap ai bilong ol man em i laikim tru i lukim. Na i no gat wanpela bai kisim bek em ausait long han bilong Mi. | And now will I discover her lewdness in the sight of her lovers, and none shall deliver her out of mine hand. |
| 11 | Mi bai mekim tu olgeta lap bilong em long pinis, ol de bilong bikpela kaikai bilong em, ol nupela mun bilong em, na ol sabat bilong em, na olgeta bikpela kaikai holi bilong em. | I will also cause all her mirth to cease, her feast days, her new moons, and her sabbaths, and all her solemn feasts. |
| 12 | Na Mi bai bagarapim ol rop wain bilong em olgeta, na ol diwai fik bilong em, we long en em i bin tok, Ol dispela em i ol pe bilong mi, dispela ol man mi laikim tru i bin givim mi. Na Mi bai mekim ol wanpela bikbus, na ol animal bilong ples kunai bai kaikai ol. | And I will destroy her vines and her fig trees, whereof she hath said, These are my rewards that my lovers have given me: and I will make them a forest, and the beasts of the field shall eat them. |
| 13 | Na Mi bai bringim i kam antap long em ol de bilong Bealim, we long ol em i kukim insens long ol, na em i bilasim em yet tru wantaim ol ring bilong ia bilong em na ol bilas i dia tru bilong em, na em i go bihainim ol man em i laikim tru, na lusim tingting long Mi, BIKPELA i tok. | And I will visit upon her the days of Baalim, wherein she burned incense to them, and she decked herself with her earrings and her jewels, and she went after her lovers, and forgat me, saith the Lord. |
| 14 | ¶ Olsem na, lukim, Mi bai pulim em, na bringim em insait long ples i no gat man, na toktok wantaim bel isi i go long em. | Therefore, behold, I will allure her, and bring her into the wilderness, and speak comfortably unto her. |
| 15 | Na Mi bai givim em ol gaden wain bilong em long dispela ples, na ples daun bilong Ekor bilong wanpela dua bilong hop. Na em bai singim song long dispela hap, olsem long ol de bilong taim yangpela bilong em, na olsem long dispela de, taim em i kam antap ausait long hap bilong Isip. | And I will give her her vineyards from thence, and the valley of Achor for a door of hope: and she shall sing there, as in the days of her youth, and as in the day when she came up out of the land of Egypt. |
| 16 | Na em bai stap olsem long dispela de, BIKPELA i tok, long yu bai kolim Mi Isi. Na yu bai i no inap kolim Mi Beali moa. | And it shall be at that day, saith the Lord, that thou shalt call me Ishi; and shalt call me no more Baali. |
| 17 | Long wanem, Mi bai tekewe ol nem bilong Bealim ausait long maus bilong em, na ol man bai i no inap holim tingting long ol long nem bilong ol. | For I will take away the names of Baalim out of her mouth, and they shall no more be remembered by their name. |
| 18 | Na long dispela de bai Mi wokim wanpela kontrak bilong ol wantaim ol animal bilong ples kunai, na wantaim ol pisin bilong heven, na wantaim ol samting i wokabaut long bel bilong dispela graun. Na Mi bai brukim banara na bainat na pait ausait long dispela graun, na Mi bai mekim ol long slip na stap gut. | And in that day will I make a covenant for them with the beasts of the field, and with the fowls of heaven, and with the creeping things of the ground: and I will break the bow and the sword and the battle out of the earth, and will make them to lie down safely. |
| 19 | Na Mi bai wokim promis bilong marit wantaim yu i kam long Mi bilong oltaim oltaim. Yes, Mi bai wokim promis bilong marit wantaim yu i kam long Mi long stretpela pasin, na long kot, na long pasin bilong laikim tru na mekim gut, na long ol pasin sori. | And I will betroth thee unto me for ever; yea, I will betroth thee unto me in righteousness, and in judgment, and in lovingkindness, and in mercies. |
| 20 | Mi bai wokim, yes, promis bilong marit wantaim yu i kam long Mi wantaim pasin bilong bihainim tok. Na yu bai save long BIKPELA. | I will even betroth thee unto me in faithfulness: and thou shalt know the Lord. |
| 21 | Na em bai kamap olsem long dispela de, Mi bai harim, BIKPELA i tok, Mi bai harim ol heven, na ol bai harim dispela graun. | And it shall come to pass in that day, I will hear, saith the Lord, I will hear the heavens, and they shall hear the earth; |
| 22 | Na dispela graun bai harim wit samting, na wain, na wel. Na ol bai harim Jesril. | And the earth shall hear the corn, and the wine, and the oil; and they shall hear Jezreel. |
| 23 | Na Mi bai planim em i kam long Mi long dispela graun. Na Mi bai gat sori long em husat i no bin kisim sori. Na Mi bai tokim ol husat i no lain manmeri bilong Mi, Yu stap lain manmeri bilong Mi. Na ol bai tok, Yu stap God bilong mi. | And I will sow her unto me in the earth; and I will have mercy upon her that had not obtained mercy; and I will say to them which were not my people, Thou art my people; and they shall say, Thou art my God. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL