출애굽기 23장 King Jems Pisin Baibel
King Jems Pisin Baibel · 톡피신어 · 출애굽기 (Exodus) · 33절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Yu no ken kirapim tok giaman. Yu no ken putim han bilong yu wantaim ol man i nogut tru long i stap witnes i no stretpela. | Thou shalt not raise a false report: put not thine hand with the wicked to be an unrighteous witness. |
| 2 | Yu no ken bihainim planti manmeri tru long mekim pasin nogut. Na tu yu no ken tok long wanpela samting long krungutim tok bilong bihainim planti manmeri long krungutim tok bilong kot. | Thou shalt not follow a multitude to do evil; neither shalt thou speak in a cause to decline after many to wrest judgment: |
| 3 | Na tu yu no ken bihainim nating wanpela rabisman long laik bilong em. | Neither shalt thou countenance a poor man in his cause. |
| 4 | Sapos yu bungim bulmakau man bilong birua bilong yu o donki bilong em na dispela i bin ranawe, yu mas bringim dispela animal i go bek long em gen. | If thou meet thine enemy’s ox or his ass going astray, thou shalt surely bring it back to him again. |
| 5 | Sapos yu lukim donki bilong man i no laikim tru yu, na em i pundaun aninit long hevi em i karim, na yu no laik long helpim em, tru tumas yu mas i stap helpim wantaim em. | If thou see the ass of him that hateth thee lying under his burden, and wouldest forbear to help him, thou shalt surely help with him. |
| 6 | Yu no ken krungutim tok bilong kot bilong rabisman bilong yu bilong tromoi laik bilong em. | Thou shalt not wrest the judgment of thy poor in his cause. |
| 7 | Yu mas stap longwe long samting i giaman, na yu no ken kilim i dai ol man i no bin mekim rong na man i stretpela. Long wanem bai Mi no mekim i kamap stretpela ol man i nogut tru. | Keep thee far from a false matter; and the innocent and righteous slay thou not: for I will not justify the wicked. |
| 8 | Na yu no ken kisim wanpela presen. Long wanem presen i mekim man i gat save tru i aipas, na mekim ol tok bilong stretpela man i krungut. | And thou shalt take no gift: for the gift blindeth the wise, and perverteth the words of the righteous. |
| 9 | Na tu yu no ken givim hevi long man bilong longwe ples. Long wanem yupela i save long bel bilong man bilong narapela hap, long wanem yupela i bin i stap ol man bilong longwe ples long graun bilong Isip. | Also thou shalt not oppress a stranger: for ye know the heart of a stranger, seeing ye were strangers in the land of Egypt. |
| 10 | ¶ Na sikispela yia yu mas planim gaden long graun bilong yu, na bungim na kisim ol kaikai bilong dispela. | And six years thou shalt sow thy land, and shalt gather in the fruits thereof: |
| 11 | Tasol long namba seven yia yu mas larim graun i malolo na stap nating, bai ol rabisman bilong ol manmeri bilong yu i ken kaikai. Na wanem samting ol i larim i stap yet ol animal bilong ples op i ken kaikai. Long dispela pasin yu mas mekim long ol diwai wain bilong yu na long ol diwai oliv bilong yu. | But the seventh year thou shalt let it rest and lie still; that the poor of thy people may eat: and what they leave the beasts of the field shall eat. In like manner thou shalt deal with thy vineyard, and with thy oliveyard. |
| 12 | Sikispela de yu mas mekim wok bilong yu, na long de namba seven yu mas malolo, bai bulmakau man bilong yu na donki bilong yu i ken malolo, na pikinini man bilong wokmeri bilong yu, na man bilong longwe ples, ol i ken kisim strong gen. | Six days thou shalt do thy work, and on the seventh day thou shalt rest: that thine ox and thine ass may rest, and the son of thy handmaid, and the stranger, may be refreshed. |
| 13 | Na long olgeta samting Mi bin tokim yu, ai bilong yu i mas op. Na yu no ken tok long nem bilong ol arapela god, na tu yu no ken larim ol i harim dispela i kamaut long maus bilong yu. | And in all things that I have said unto you be circumspect: and make no mention of the name of other gods, neither let it be heard out of thy mouth. |
| 14 | Tripela taim yu mas wokim bikpela kaikai i go long Mi long wanpela yia. | Three times thou shalt keep a feast unto me in the year. |
| 15 | Yu mas wokim bikpela kaikai bilong bret i no gat yis. Yu mas kaikai bret i no gat yis sevenpela de, olsem Mi bin givim strongpela tok long yu, long taim Mi bin makim bilong mun Abip, long wanem long dispela mun yu bin kamaut long Isip. Na i no gat wanpela bai i kam long pes bilong Mi nating. | Thou shalt keep the feast of unleavened bread: (thou shalt eat unleavened bread seven days, as I commanded thee, in the time appointed of the month Abib; for in it thou camest out from Egypt: and none shall appear before me empty:) |
| 16 | Na bikpela kaikai bilong bungim kaikai, em kaikai yu kisim pastaim long ol hatwok bilong yu, yu bin planim dispela long gaden. Na bikpela kaikai bilong bungim na kisim, dispela i kamap long pinis bilong yia, taim yu bin bungim ol hatwok bilong yu long lusim gaden. | And the feast of harvest, the firstfruits of thy labours, which thou hast sown in the field: and the feast of ingathering, which is in the end of the year, when thou hast gathered in thy labours out of the field. |
| 17 | Tripela taim long yia olgeta man bilong yu bai kam long pes bilong God BIKPELA. | Three times in the year all thy males shall appear before the Lord God. |
| 18 | Yu no ken ofaim blut bilong sakrifais bilong Mi wantaim bret i gat yis, na tu yu no ken larim gris bilong sakrifais bilong Mi i stap inap long moningtaim. | Thou shalt not offer the blood of my sacrifice with leavened bread; neither shall the fat of my sacrifice remain until the morning. |
| 19 | Wanem samting i kamap mau pastaim tru bilong ol kaikai i kamap pastaim long graun bilong yu, yu mas bringim dispela i go long haus bilong BIKPELA, God bilong yu. Yu no ken kukim pikinini meme long susu bilong mama bilong em. | The first of the firstfruits of thy land thou shalt bring into the house of the Lord thy God. Thou shalt not seethe a kid in his mother’s milk. |
| 20 | ¶ Harim, Mi salim wanpela Ensel i go paslain long yu, long lukautim yu long rot, na long bringim yu i kam long ples Mi bin redim. | Behold, I send an Angel before thee, to keep thee in the way, and to bring thee into the place which I have prepared. |
| 21 | Lukaut long em na bihainim nek bilong em, na no ken skrapim bel bilong em, long wanem bai em i no lusim ol pe bilong sin taim yu kalapim lo. Long wanem nem bilong Mi i stap long em. | Beware of him, and obey his voice, provoke him not; for he will not pardon your transgressions: for my name is in him. |
| 22 | Tasol sapos i tru yu bihainim nek bilong em, na mekim olgeta samting Mi tokaut long em, orait bai Mi stap birua long ol birua bilong yu na man i laik pait long ol man i laik pait wantaim yu. | But if thou shalt indeed obey his voice, and do all that I speak; then I will be an enemy unto thine enemies, and an adversary unto thine adversaries. |
| 23 | Long wanem Ensel bilong Mi bai go paslain long yu, na bringim yu long lain Amor, na lain Hit, na lain Peris, na lain Kenan, na lain Hiv, na lain Jebus, na bai Mi bagarapim ol olgeta. | For mine Angel shall go before thee, and bring thee in unto the Amorites, and the Hittites, and the Perizzites, and the Canaanites, the Hivites, and the Jebusites: and I will cut them off. |
| 24 | Yu no ken brukim skru long ol god bilong ol, o mekim wok bilong ol, o bihainim ol wok bilong ol. Tasol yu mas winim ol olgeta na brukim olgeta ol piksa god bilong ol. | Thou shalt not bow down to their gods, nor serve them, nor do after their works: but thou shalt utterly overthrow them, and quite break down their images. |
| 25 | Na yupela i mas mekim wok bilong BIKPELA, God bilong yupela, na Em bai blesim bret bilong yu na wara bilong yu, na bai Mi tekewe ol sik long namel long yu. | And ye shall serve the Lord your God, and he shall bless thy bread, and thy water; and I will take sickness away from the midst of thee. |
| 26 | Na i no gat wanpela pikinini bai lusim bel pastaim long stretpela taim, o i no inap karim pikinini, long graun bilong yupela. Bai Mi inapim namba bilong ol de bilong yu. | There shall nothing cast their young, nor be barren, in thy land: the number of thy days I will fulfil. |
| 27 | Bai Mi salim pret bilong Mi paslain long yu, na bai Mi bagarapim olgeta bilong manmeri yu bai kam long ol, na bai Mi mekim olgeta birua bilong yu i pret na ranawe long yu. | I will send my fear before thee, and will destroy all the people to whom thou shalt come, and I will make all thine enemies turn their backs unto thee. |
| 28 | Na bai Mi salim strongpela ninik i go pas long yu, na ol bai rausim ol Hiv, na ol Kenan, na ol Hit, long pes bilong yu. | And I will send hornets before thee, which shall drive out the Hivite, the Canaanite, and the Hittite, from before thee. |
| 29 | Bai Mi no rausim ol long pes bilong yu long wanpela yia, nogut graun bai stap nating, na ol animal bilong ples i op i kamap planti na birua long yu. | I will not drive them out from before thee in one year; lest the land become desolate, and the beast of the field multiply against thee. |
| 30 | Long liklik na liklik bai Mi rausim ol long pes bilong yu, inap long yu kamap planti manmeri moa na kisim graun olsem samting papa i laik givim yu bihain. | By little and little I will drive them out from before thee, until thou be increased, and inherit the land. |
| 31 | Na bai Mi makim arere bilong yu long Retsi yes inap long solwara bilong ol Filistin, na long ples wesan nating i go long wara riva. Long wanem bai Mi givim ol manmeri bilong dispela hap graun i go long han bilong yupela. Na yu mas rausim ol i go long pes bilong yu. | And I will set thy bounds from the Red sea even unto the sea of the Philistines, and from the desert unto the river: for I will deliver the inhabitants of the land into your hand; and thou shalt drive them out before thee. |
| 32 | Yu no ken mekim kontrak wantaim ol, o wantaim ol god bilong ol. | Thou shalt make no covenant with them, nor with their gods. |
| 33 | Ol i no ken i stap long graun bilong yu, nogut ol i mekim yu sin i birua long Mi. Long wanem sapos yu mekim wok bilong ol god bilong ol, tru tumas dispela bai stap wanpela umben long yu. | They shall not dwell in thy land, lest they make thee sin against me: for if thou serve their gods, it will surely be a snare unto thee. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL