창세기 32장 King Jems Pisin Baibel
King Jems Pisin Baibel · 톡피신어 · 창세기 (Genesis) · 32절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Na Jekop i wokabaut i go long rot bilong em. Na ol ensel bilong God i bungim em. | And Jacob went on his way, and the angels of God met him. |
| 2 | Na taim Jekop i lukim ol, em i tok, Dispela em i ami bilong God. Na em i kolim nem bilong dispela ples Mahanaim. | And when Jacob saw them, he said, This is God’s host: and he called the name of that place Mahanaim. |
| 3 | ¶ Na Jekop i salim ol mausman i go pas long em. Ol i go long Iso, brata bilong em, long hap graun bilong Sir, em kantri bilong Idom. | And Jacob sent messengers before him to Esau his brother unto the land of Seir, the country of Edom. |
| 4 | Na em i givim strongpela tok long ol, i spik, Yupela i mas tok long bikman bilong mi Iso olsem, Wokboi bilong yu Jekop i tok olsem, Mi bin sindaun sampela taim wantaim Leban, na mi bin i stap long hap inap long nau. | And he commanded them, saying, Thus shall ye speak unto my lord Esau; Thy servant Jacob saith thus, I have sojourned with Laban, and stayed there until now: |
| 5 | Na mi gat ol bulmakau man, na ol donki, na ol sipsip samting, na ol wokboi, na ol wokmeri. Na mi bin salim man bilong tokim bikman bilong mi, bai mi ken kisim marimari long ai bilong yu. | And I have oxen, and asses, flocks, and menservants, and womenservants: and I have sent to tell my lord, that I may find grace in thy sight. |
| 6 | Na ol mausman i kam bek long Jekop, na i spik, Mipela i kamap long brata bilong yu Iso. Na tu em i kam bilong bungim yu. Na 400 man i kam wantaim em. | And the messengers returned to Jacob, saying, We came to thy brother Esau, and also he cometh to meet thee, and four hundred men with him. |
| 7 | Orait Jekop i pret nogut tru na i pilim hevi. Na em i brukim ol manmeri i stap wantaim em, na ol sipsip samting, na ol bulmakau, na ol kemel, em i brukim ol long tupela lain. | Then Jacob was greatly afraid and distressed: and he divided the people that was with him, and the flocks, and herds, and the camels, into two bands; |
| 8 | Na em i tok, Sapos Iso i kamap long wanpela lain na i paitim dispela, orait arapela lain i stap yet em i ken ranawe. | And said, If Esau come to the one company, and smite it, then the other company which is left shall escape. |
| 9 | ¶ Na Jekop i tok, O God bilong papa bilong mi Ebraham, na God bilong papa bilong mi Aisak, em dispela BIKPELA i bin tokim mi olsem, Yu go bek long kantri bilong yu, na long ol wanlain bilong yu, na bai Mi mekim gutpela pasin long yu. | And Jacob said, O God of my father Abraham, and God of my father Isaac, the Lord which saidst unto me, Return unto thy country, and to thy kindred, and I will deal well with thee: |
| 10 | Mi no gutpela inap long kisim liklik hap bilong olgeta sori bilong Yu, na bilong olgeta tok tru Yu bin soim dispela long wokboi bilong Yu. Long wanem, long wokabaut stik bilong mi, mi bin brukim dispela Jordan. Na nau mi kamap tupela lain. | I am not worthy of the least of all the mercies, and of all the truth, which thou hast shewed unto thy servant; for with my staff I passed over this Jordan; and now I am become two bands. |
| 11 | Mi askim plis long yu long yu mas tekewe mi long han bilong brata bilong mi, long han bilong Iso. Long wanem, mi pret long em. Nogut em bai kam na paitim mi na mama wantaim ol pikinini. | Deliver me, I pray thee, from the hand of my brother, from the hand of Esau: for I fear him, lest he will come and smite me, and the mother with the children. |
| 12 | Na Yu bin tok, Tru tumas, bai Mi mekim gutpela pasin long yu. Na bai Mi mekim ol tumbuna pikinini bilong yu i kamap olsem wesan bilong solwara, man i no inap kaunim ol, long wanem, ol i planti tru. | And thou saidst, I will surely do thee good, and make thy seed as the sand of the sea, which cannot be numbered for multitude. |
| 13 | ¶ Na long dispela nait yet, em i stap long dispela hap. Na long dispela samting i kam long han bilong en, em i kisim presen i go long Iso, brata bilong en. | And he lodged there that same night; and took of that which came to his hand a present for Esau his brother; |
| 14 | Em i kisim 200 meme meri, na 20 meme man, na 200 sipsip meri, na 20 sipsip man, | Two hundred she goats, and twenty he goats, two hundred ewes, and twenty rams, |
| 15 | Na 30 kemel meri wantaim ol pikinini bilong ol, na 40 bulmakau meri, na tenpela bulmakau man, na 20 donki meri, na tenpela yangpela donki. | Thirty milch camels with their colts, forty kine, and ten bulls, twenty she asses, and ten foals. |
| 16 | Na em i givim ol long han bilong ol wokboi bilong en, olgeta wan wan lain long ples bilong ol yet. Na em i tokim ol wokboi bilong en, Yupela i mas brukim dispela hap paslain long mi. Na yupela i mas putim spes namel long arapela lain na arapela lain. | And he delivered them into the hand of his servants, every drove by themselves; and said unto his servants, Pass over before me, and put a space betwixt drove and drove. |
| 17 | Na em i givim strongpela tok long man i go pas, na em i spik, Taim Iso brata bilong mi i bungim yu na em i askim yu, i spik, Yu bilong husat? Na yu go we? Na ol dispela i stap long pes bilong yu, ol i bilong husat? | And he commanded the foremost, saying, When Esau my brother meeteth thee, and asketh thee, saying, Whose art thou? and whither goest thou? and whose are these before thee? |
| 18 | Orait yu mas tok, Ol i bilong wokboi bilong yu Jekop. Em i wanpela presen em i salim i kam long bikman bilong mi Iso. Na, lukim, em tu i stap baksait long mipela. | Then thou shalt say, They be thy servant Jacob’s; it is a present sent unto my lord Esau: and, behold, also he is behind us. |
| 19 | Na em i givim wankain strongpela tok long namba tu man, na long namba tri man, na long olgeta man i bihainim ol lain animal. Na em i spik, Long dispela wankain pasin yupela i mas toktok long Iso, taim yupela i lukim em. | And so commanded he the second, and the third, and all that followed the droves, saying, On this manner shall ye speak unto Esau, when ye find him. |
| 20 | Na moa tu yupela i mas tok, Lukim, wokboi bilong yu Jekop i stap baksait long mipela. Long wanem, em i tok, Long dispela presen i go paslain long mi, bai mi mekim em i bel isi. Na bihain bai mi lukim pes bilong em, sapos em bai orait long kisim dispela long mi. | And say ye moreover, Behold, thy servant Jacob is behind us. For he said, I will appease him with the present that goeth before me, and afterward I will see his face; peradventure he will accept of me. |
| 21 | Olsem na dispela presen i go long hap paslain long em. Na em yet i stap long kem dispela nait. | So went the present over before him: and himself lodged that night in the company. |
| 22 | Na long dispela nait em i kirap. Na em i kisim tupela meri bilong en, na tupela wokmeri bilong en, na 11-pela pikinini man bilong en, na em i brukim liklik wara Jabok. | And he rose up that night, and took his two wives, and his two womenservants, and his eleven sons, and passed over the ford Jabbok. |
| 23 | Na em i kisim ol na salim ol i go long hapsait bilong liklik wara. Na em i salim i go hapsait ol samting bilong en. | And he took them, and sent them over the brook, and sent over that he had. |
| 24 | ¶ Na Jekop tasol i stap. Na long dispela hap wanpela man i pait wantaim em inap long tulait i kamap. | And Jacob was left alone; and there wrestled a man with him until the breaking of the day. |
| 25 | Na taim em i lukim em i no winim em, orait em i tasim skru i antap bilong lek bilong em. Na skru i antap bilong lek bilong Jekop i lus, taim em i pait wantaim em. | And when he saw that he prevailed not against him, he touched the hollow of his thigh; and the hollow of Jacob’s thigh was out of joint, as he wrestled with him. |
| 26 | Na em i tok, Larim mi go, long wanem, tulait i wok long kamap. Na em i tok, Mi no bai larim yu i go, sapos yu no blesim mi. | And he said, Let me go, for the day breaketh. And he said, I will not let thee go, except thou bless me. |
| 27 | Na em i tokim em, Wanem em i nem bilong yu? Na em i tok, Jekop. | And he said unto him, What is thy name? And he said, Jacob. |
| 28 | Na em i tok, Bai ol i no moa kolim nem bilong yu Jekop, nogat. Bai ol i kolim yu Isrel. Long wanem, olsem wanpela pikinini man bilong king, yu gat pawa wantaim God na wantaim man. Na yu bin win. | And he said, Thy name shall be called no more Jacob, but Israel: for as a prince hast thou power with God and with men, and hast prevailed. |
| 29 | Na Jekop i askim em, na tok, Mi askim plis long yu long yu tokim mi long nem bilong yu. Na em i tok, Bilong wanem yu askim nem bilong mi? Na long dispela hap em i blesim em. | And Jacob asked him, and said, Tell me, I pray thee, thy name. And he said, Wherefore is it that thou dost ask after my name? And he blessed him there. |
| 30 | Na Jekop i kolim nem bilong dispela ples Peniel. Em i tok, Long wanem, mi bin lukim God long pes i lukim pes na mi stap laip yet. | And Jacob called the name of the place Peniel: for I have seen God face to face, and my life is preserved. |
| 31 | Na taim em i brukim Penyuel, san i kamap long em, na em i wokabaut kranki long lek bilong en. | And as he passed over Penuel the sun rose upon him, and he halted upon his thigh. |
| 32 | Olsem na inap long dispela de ol pikinini bilong Isrel i no save kaikai dispela rop bilong skru i bin kamap liklik. Em i stap long skru bilong lek. Bilong wanem, em i bin tasim skru i antap bilong lek bilong Jekop, long dispela rop bilong skru i bin kamap liklik. | Therefore the children of Israel eat not of the sinew which shrank, which is upon the hollow of the thigh, unto this day: because he touched the hollow of Jacob’s thigh in the sinew that shrank. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL