창세기 21장 King Jems Pisin Baibel
King Jems Pisin Baibel · 톡피신어 · 창세기 (Genesis) · 34절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Na BIKPELA i go lukim Sara, olsem Em i bin tok. Na BIKPELA i mekim long Sara olsem Em i bin tok. | And the Lord visited Sarah as he had said, and the Lord did unto Sarah as he had spoken. |
| 2 | Long wanem, Sara i kisim bel, na karim long Ebraham wanpela pikinini man taim em i lapun, long dispela taim God i makim, dispela God i bin tokim em. | For Sarah conceived, and bare Abraham a son in his old age, at the set time of which God had spoken to him. |
| 3 | Na Ebraham i kolim nem bilong pikinini man bilong em husat meri i karim long em, husat Sara i karim long em, Aisak. | And Abraham called the name of his son that was born unto him, whom Sarah bare to him, Isaac. |
| 4 | Na Ebraham i katim skin bilong pikinini man bilong em Aisak taim em i gat etpela de, olsem God i tok strong long em. | And Abraham circumcised his son Isaac being eight days old, as God had commanded him. |
| 5 | Na Ebraham i gat 100 krismas, taim meri i karim pikinini man bilong em Aisak long em. | And Abraham was an hundred years old, when his son Isaac was born unto him. |
| 6 | Na Sara i tok, God i bin mekim mi lap, inap long olgeta husat i harim bai lap wantaim mi. | And Sarah said, God hath made me to laugh, so that all that hear will laugh with me. |
| 7 | Na em i tok, Husat i bin inap long tokim Ebraham, long Sara bai givim susu long ol pikinini? Long wanem, mi bin karim long em wanpela pikinini man taim em i lapun. | And she said, Who would have said unto Abraham, that Sarah should have given children suck? for I have born him a son in his old age. |
| 8 | Na dispela pikinini i stat long kamap bikpela, na em i lusim susu. Na Ebraham i wokim wanpela bikpela kaikai long dispela de stret long Aisak i lusim susu. | And the child grew, and was weaned: and Abraham made a great feast the same day that Isaac was weaned. |
| 9 | ¶ Na Sara i lukim pikinini man bilong meri Isip Hegar, dispela em i bin karim long Ebraham, i wokim pani long daunim. | And Sarah saw the son of Hagar the Egyptian, which she had born unto Abraham, mocking. |
| 10 | Olsem na em i tokim Ebraham, Rausim dispela slevmeri na pikinini man bilong em. Long wanem, pikinini man bilong dispela slevmeri bai i no inap stap pikinini i kisim samting long papa wantaim pikinini man bilong mi, yes, wantaim Aisak. | Wherefore she said unto Abraham, Cast out this bondwoman and her son: for the son of this bondwoman shall not be heir with my son, even with Isaac. |
| 11 | Na dispela samting em i samting i hevi nogut tru long ai bilong Ebraham, bilong tingim pikinini man bilong en. | And the thing was very grievous in Abraham’s sight because of his son. |
| 12 | Na God i tokim Ebraham, No ken larim dispela stap samting i nogut tru long ai bilong yu, bilong tingim dispela manki, na bilong tingim slevmeri bilong yu. Long olgeta samting Sara i bin tokim yu, harim long nek bilong em. Long wanem, ol bai kolim tumbuna pikinini bilong yu insait long Aisak. | And God said unto Abraham, Let it not be grievous in thy sight because of the lad, and because of thy bondwoman; in all that Sarah hath said unto thee, hearken unto her voice; for in Isaac shall thy seed be called. |
| 13 | Na tu long pikinini man bilong dispela slevmeri bai Mi wokim wanpela kantri, bilong wanem, em i tumbuna pikinini bilong yu. | And also of the son of the bondwoman will I make a nation, because he is thy seed. |
| 14 | ¶ Na Ebraham i kirap long moning tru, na kisim bret, na wanpela skin meme bilong wara, na givim dispela long Hegar, taim em i putim dispela long sol bilong han bilong em, na dispela pikinini, na salim meri i go. Na Hegar i go, na raun nating long ples i no gat man bilong Biar-siba. | And Abraham rose up early in the morning, and took bread, and a bottle of water, and gave it unto Hagar, putting it on her shoulder, and the child, and sent her away: and she departed, and wandered in the wilderness of Beer–sheba. |
| 15 | Na wara i pinis long skin meme, na em i tromoi dispela pikinini aninit long wanpela bilong ol liklik diwai. | And the water was spent in the bottle, and she cast the child under one of the shrubs. |
| 16 | Na em i go, na sindaunim em yet pas klostu long em longwe liklik, longwe olsem long man i ken sutim spia long banara. Long wanem, em i tok, No ken larim mi lukim dai bilong pikinini. Na em i sindaun pas klostu long em, na litimapim nek bilong em na krai tru. | And she went, and sat her down over against him a good way off, as it were a bowshot: for she said, Let me not see the death of the child. And she sat over against him, and lift up her voice, and wept. |
| 17 | Na God i harim nek bilong dispela manki. Na ensel bilong God i singaut long Hegar ausait long heven, na tokim em, Wanem samting i givim hevi long yu, Hegar? No ken pret. Long wanem, God i bin harim nek bilong dispela manki we em i stap. | And God heard the voice of the lad; and the angel of God called to Hagar out of heaven, and said unto her, What aileth thee, Hagar? fear not; for God hath heard the voice of the lad where he is. |
| 18 | Kirap, litimapim dispela manki, na holim em long han bilong yu. Long wanem, Mi bai mekim em wanpela bikpela kantri. | Arise, lift up the lad, and hold him in thine hand; for I will make him a great nation. |
| 19 | Na God i opim tupela ai bilong em, na em i lukim wanpela hul wara. Na em i go, na pulimapim skin meme wantaim wara, na givim long manki bilong dring. | And God opened her eyes, and she saw a well of water; and she went, and filled the bottle with water, and gave the lad drink. |
| 20 | Na God i stap wantaim dispela manki. Na em i kamap bikpela, na stap long ples i no gat man, na kamap wanpela man bilong sutim banara. | And God was with the lad; and he grew, and dwelt in the wilderness, and became an archer. |
| 21 | Na em i stap long ples i no gat man bilong Paran. Na mama bilong em i kisim wanpela meri bilong em ausait long hap bilong Isip. | And he dwelt in the wilderness of Paran: and his mother took him a wife out of the land of Egypt. |
| 22 | ¶ Na em i kamap olsem long dispela taim, long Abimelek na Faikol, nambawan kepten bilong ami bilong em i tokim Ebraham, i spik, God i stap wantaim yu long olgeta samting yu mekim. | And it came to pass at that time, that Abimelech and Phichol the chief captain of his host spake unto Abraham, saying, God is with thee in all that thou doest: |
| 23 | Olsem na nau wokim strongpela promis long mi hia long nem bilong God long yu bai i no inap mekim giaman pasin long mi, o long pikinini man bilong mi, o long pikinini man bilong pikinini man bilong mi. Tasol, bilong bihainim dispela gutpela pasin mi bin mekim long yu, yu bai mekim long mi, na long dispela hap graun we yu bin stap waira long en. | Now therefore swear unto me here by God that thou wilt not deal falsely with me, nor with my son, nor with my son’s son: but according to the kindness that I have done unto thee, thou shalt do unto me, and to the land wherein thou hast sojourned. |
| 24 | Na Ebraham i tok, Mi bai wokim strongpela promis. | And Abraham said, I will swear. |
| 25 | Na Ebraham i krosim Abimelek, bilong tingim wanpela hul wara, dispela ol wokboi bilong Abimelek i bin tekewe wantaim pasin pait. | And Abraham reproved Abimelech because of a well of water, which Abimelech’s servants had violently taken away. |
| 26 | Na Abimelek i tok, Mi no save husat i bin mekim dispela samting. Na tu yu no bin tokim mi, na tu yet mi no harim tok long dispela, tude tasol. | And Abimelech said, I wot not who hath done this thing: neither didst thou tell me, neither yet heard I of it, but to day. |
| 27 | Na Ebraham i kisim ol sipsip na ol bulmakau man, na givim ol long Abimelek. Na tupela wantaim i wokim wanpela kontrak. | And Abraham took sheep and oxen, and gave them unto Abimelech; and both of them made a covenant. |
| 28 | Na Ebraham i putim sevenpela pikinini sipsip meri bilong lain sipsip long hap bilong ol yet. | And Abraham set seven ewe lambs of the flock by themselves. |
| 29 | Na Abimelek i tokim Ebraham, Wanem mining bilong ol dispela sevenpela pikinini sipsip meri, dispela yu bin putim long hap bilong ol yet? | And Abimelech said unto Abraham, What mean these seven ewe lambs which thou hast set by themselves? |
| 30 | Na Ebraham i tok, Long wanem, ol dispela sevenpela pikinini sipsip meri bai yu kisim long han bilong mi, inap long ol i ken stap witnes i go long mi, long mi bin digim dispela hul wara. | And he said, For these seven ewe lambs shalt thou take of my hand, that they may be a witness unto me, that I have digged this well. |
| 31 | Olsem na em i kolim nem bilong dispela ples Biar-siba. Bilong wanem, long dispela hap tupela wantaim i bin wokim strongpela promis. | Wherefore he called that place Beer–sheba; because there they sware both of them. |
| 32 | Olsem tasol ol i wokim wanpela kontrak long Biar-siba Nau Abimelek i kirap, na Faikol, nambawan kepten bilong ami bilong em, na tupela i go bek long hap bilong ol Filistin. | Thus they made a covenant at Beer–sheba: then Abimelech rose up, and Phichol the chief captain of his host, and they returned into the land of the Philistines. |
| 33 | ¶ Na Ebraham i planim wanpela lain diwai long Biar-siba, na singaut long nem bilong BIKPELA long dispela hap, God bilong oltaim oltaim. | And Abraham planted a grove in Beer–sheba, and called there on the name of the Lord, the everlasting God. |
| 34 | Na Ebraham i stap waira planti de long hap graun bilong ol Filistin. | And Abraham sojourned in the Philistines’ land many days. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL