이사야 64장 King Jems Pisin Baibel
King Jems Pisin Baibel · 톡피신어 · 이사야 (Isaiah) · 12절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O i gutpela tumas sapos Yu laik brukim ol heven, bai Yu laik kam daun, bai ol maunten i ken kamap olsem wara na go daun long taim Yu stap klostu. | Oh that thou wouldest rend the heavens, that thou wouldest come down, that the mountains might flow down at thy presence, |
| 2 | Olsem taim paia bilong kukim ain samting i lait, olsem tasol dispela paia bai mekim ol wara i boil, long mekim ol birua bilong Yu i save long nem bilong Yu, bai ol kantri i ken guria taim Yu stap klostu! | As when the melting fire burneth, the fire causeth the waters to boil, to make thy name known to thine adversaries, that the nations may tremble at thy presence! |
| 3 | Taim Yu bin mekim ol samting bilong pretim mipela na mipela i no tingting long lukim dispela, Yu bin kam daun na ol maunten i kamap olsem wara na go daun taim Yu stap klostu. | When thou didst terrible things which we looked not for, thou camest down, the mountains flowed down at thy presence. |
| 4 | Long wanem inap long stat bilong dispela graun, ol man i no bin harim, o kisim long ia, na tu ai i no lukim, Yu tasol, O God, i lukim ol samting Em i bin redim long man i wetim Em. | For since the beginning of the world men have not heard, nor perceived by the ear, neither hath the eye seen, O God, beside thee, what he hath prepared for him that waiteth for him. |
| 5 | Yu bungim man i amamas tru na mekim stretpela pasin, em ol i holim tingting long Yu long ol pasin bilong Yu. Harim, Yu stap belhat, long wanem mipela i bin mekim sin. Mipela i stap long ol dispela olgeta taim, na bai Yu kisim bek mipela. | Thou meetest him that rejoiceth and worketh righteousness, those that remember thee in thy ways: behold, thou art wroth; for we have sinned: in those is continuance, and we shall be saved. |
| 6 | ¶ Tasol mipela olgeta i stap olsem wanpela samting i no klin, na olgeta stretpela pasin bilong mipela i stap olsem ol laplap i doti nogut tru. Na mipela olgeta i drai olsem wanpela lip, na ol sin nogut bilong mipela i olsem win na ol i tekewe mipela longwe. | But we are all as an unclean thing, and all our righteousnesses are as filthy rags; and we all do fade as a leaf; and our iniquities, like the wind, have taken us away. |
| 7 | Na i no gat wanpela i singaut long nem bilong Yu, na em i kirapim em yet long holimpas long Yu. Long wanem Yu bin haitim pes bilong Yu long mipela, na Yu bin bagarapim olgeta mipela, na as bilong dispela em i ol sin nogut bilong mipela. | And there is none that calleth upon thy name, that stirreth up himself to take hold of thee: for thou hast hid thy face from us, and hast consumed us, because of our iniquities. |
| 8 | Tasol nau, O BIKPELA, Yu stap papa bilong mipela. Mipela i stap graun bilong sospen, na Yu stap man bilong wokim mipela olsem sospen, na mipela olgeta i stap wok bilong han bilong Yu. | But now, O Lord, thou art our father; we are the clay, and thou our potter; and we all are the work of thy hand. |
| 9 | O BIKPELA, Yu no ken belhat nogut tru na tu Yu no ken holim tingting long sin nogut oltaim oltaim. Harim, lukim, mipela i mekim askim long Yu long daun pasin, na mipela olgeta i stap manmeri bilong Yu. | Be not wroth very sore, O Lord, neither remember iniquity for ever: behold, see, we beseech thee, we are all thy people. |
| 10 | Ol biktaun i holi bilong Yu ol i stap ples nating, na Saion i stap ples nating, na Jerusalem i stap bagarap. | Thy holy cities are a wilderness, Zion is a wilderness, Jerusalem a desolation. |
| 11 | Dispela haus i holi bilong mipela na haus i luk naispela tru bilong mipela em ples ol papa bilong mipela i bin litimapim nem bilong Yu, ol i kukim dispela long paia. Na olgeta naispela samting bilong mipela i bagarap. | Our holy and our beautiful house, where our fathers praised thee, is burned up with fire: and all our pleasant things are laid waste. |
| 12 | O BIKPELA, bai Yu pasim Yu yet long ol dispela samting? Bai Yu pasim maus bilong Yu na paitim mipela nogut tru? | Wilt thou refrain thyself for these things, O Lord? wilt thou hold thy peace, and afflict us very sore? |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL