이사야 40장 King Jems Pisin Baibel
King Jems Pisin Baibel · 톡피신어 · 이사야 (Isaiah) · 31절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ God bilong yupela i tok, Yupela i mas givim bel isi, yupela i mas givim bel isi long ol manmeri bilong Mi. | Comfort ye, comfort ye my people, saith your God. |
| 2 | Yupela i mas tok long givim bel isi long Jerusalem na singaut long em long bikpela pait bilong em i pinis, na long Mi lusim pinis pe bilong sin nogut bilong em. Long wanem em i bin kisim dabol long pe nogut long bekim olgeta sin bilong em long han bilong BIKPELA. | Speak ye comfortably to Jerusalem, and cry unto her, that her warfare is accomplished, that her iniquity is pardoned: for she hath received of the Lord’s hand double for all her sins. |
| 3 | ¶ Nek bilong wanpela man i singaut strong long ples i no gat man, Yupela redim rot bilong BIKPELA, na mekim wanpela bikpela rot long ples drai i kamap stret bilong God bilong yumi i ken yusim em. | The voice of him that crieth in the wilderness, Prepare ye the way of the Lord, make straight in the desert a highway for our God. |
| 4 | Na olgeta ples daun bai i kam antap na olgeta maunten na liklik maunten bai i stap ples daun. Na ol rot i krungut bai kamap stret, na ol hap i stap nogut bai kamap ples stret. | Every valley shall be exalted, and every mountain and hill shall be made low: and the crooked shall be made straight, and the rough places plain: |
| 5 | Na glori bilong BIKPELA bai kamap ples klia, na olgeta manmeri wantaim bai lukim dispela, long wanem maus bilong BIKPELA i bin tokaut long dispela. | And the glory of the Lord shall be revealed, and all flesh shall see it together: for the mouth of the Lord hath spoken it. |
| 6 | Dispela nek i tok, Singaut. Na em i tok, Bai mi singaut long wanem samting? Olgeta bodi bilong manmeri i gras, na olgeta gutpela pasin bilong ol i olsem plaua bilong hap i no gat planti diwai. | The voice said, Cry. And he said, What shall I cry? All flesh is grass, and all the goodliness thereof is as the flower of the field: |
| 7 | Gras i kamap drai na plaua i dai hariap. Long wanem spirit bilong BIKPELA i winim win long dispela. Tru tumas dispela manmeri em i gras. | The grass withereth, the flower fadeth: because the spirit of the Lord bloweth upon it: surely the people is grass. |
| 8 | Gras i kamap drai na plaua i dai hariap, tasol tok bilong God bilong yumi bai sanap i stap oltaim oltaim. | The grass withereth, the flower fadeth: but the word of our God shall stand for ever. |
| 9 | ¶ O Saion, yu husat i bringim gutpela nius i kam, yu mas go antap long dispela maunten i antap tru. O Jerusalem, yu husat i bringim gutpela nius i kam, litimapim nek bilong yu strongpela. Litimapim dispela, yu no ken pret. Yu mas toktok long ol biktaun bilong Juda, Lukim God bilong yupela! | O Zion, that bringest good tidings, get thee up into the high mountain; O Jerusalem, that bringest good tidings, lift up thy voice with strength; lift it up, be not afraid; say unto the cities of Judah, Behold your God! |
| 10 | Harim, GOD Bikpela bai kam wantaim strongpela han na han bilong Em bai mekim wok bilong Em long bosim. Harim, pe bilong Em i stap wantaim Em na wok bilong Em i stap yet long Em i mekim. | Behold, the Lord God will come with strong hand, and his arm shall rule for him: behold, his reward is with him, and his work before him. |
| 11 | Em bai givim kaikai long lain sipsip bilong Em olsem wasman bilong sipsip. Em bai bungim ol pikinini sipsip long han bilong Em, na Em bai karim ol long bros bilong Em. Na long pasin isi Em bai go pas long ol husat i gat bel bilong karim pikinini. | He shall feed his flock like a shepherd: he shall gather the lambs with his arm, and carry them in his bosom, and shall gently lead those that are with young. |
| 12 | ¶ Husat i bin skelim ol wara insait long han bilong Em? Na husat i bin metaim heven long wanpela han? Na husat i save long skelim namba bilong ol das bilong dispela graun? Na husat i putim hevi bilong ol maunten long ol skel na hevi bilong ol liklik maunten long narapela kain skel? | Who hath measured the waters in the hollow of his hand, and meted out heaven with the span, and comprehended the dust of the earth in a measure, and weighed the mountains in scales, and the hills in a balance? |
| 13 | Husat i bin stiaim Spirit bilong BIKPELA, o givim tok helpim long Em bilong skulim Em? | Who hath directed the Spirit of the Lord, or being his counsellor hath taught him? |
| 14 | Em i bin kisim tok helpim long husat? Na husat i bin stap tisa bilong Em na skulim Em long rot bilong stretpela kot, na skulim Em long save, na i bin soim Em rot bilong gutpela save? | With whom took he counsel, and who instructed him, and taught him in the path of judgment, and taught him knowledge, and shewed to him the way of understanding? |
| 15 | Harim, ol kantri i stap olsem liklik hap wara i stap long wanpela baket. Na Em i tingim ol i stap olsem liklik das i stap long wanpela skel. Harim, Em i litimapim ol ailan olsem wanpela liklik samting. | Behold, the nations are as a drop of a bucket, and are counted as the small dust of the balance: behold, he taketh up the isles as a very little thing. |
| 16 | Na Lebanon i no inap long kukim, o ol animal i stap long em ol dispela i no inap long wokim wanpela ofa bilong kukim olgeta. | And Lebanon is not sufficient to burn, nor the beasts thereof sufficient for a burnt offering. |
| 17 | Long pes bilong Em, olgeta kantri i stap olsem samting nating. Na Em i tingim ol i stap samting i liklik moa long samting nating, na rabis samting. | All nations before him are as nothing; and they are counted to him less than nothing, and vanity. |
| 18 | ¶ Orait bai yupela i makim God i olsem husat? O bai yupela i makim wanem piksa long i stap wankain olsem Em? | To whom then will ye liken God? or what likeness will ye compare unto him? |
| 19 | Wokman i kukim ain samting i kamap olsem wara na em i wokim wanpela piksa god. Na man bilong wokim gol em i paitim gol i go liklik na putim dispela antap long dispela. Na em i wokim sampela sen bilas long silva. | The workman melteth a graven image, and the goldsmith spreadeth it over with gold, and casteth silver chains. |
| 20 | Man i stap rabis inap long em i no gat wanpela ofa bilong givim, em i makim wanpela diwai i no save sting. Na em i wok long painim wanpela wokman i gat gutpela save i ken kam long em bilong wokim wanpela piksa god long dispela diwai, bai ol i no inap surikim dispela. | He that is so impoverished that he hath no oblation chooseth a tree that will not rot; he seeketh unto him a cunning workman to prepare a graven image, that shall not be moved. |
| 21 | Ating yupela i no bin save, a? Ating yupela i no bin harim, a? Ating ol i no bin tokim yupela long stat i kam inap long nau, a? Ating yupela i no bin save long taim as ston bilong dispela graun i kamap inap long nau, a? | Have ye not known? have ye not heard? hath it not been told you from the beginning? have ye not understood from the foundations of the earth? |
| 22 | Em Man i sindaun antap long raunpela bilong dispela graun. Na ol manmeri i stap long em ol i stap olsem ol grasop. Em i mekim i go bikpela moa ol heven olsem wanpela laplap bilong windo na mekim ol i go bikpela olsem wanpela haus sel sampela i laik stap insait long em. | It is he that sitteth upon the circle of the earth, and the inhabitants thereof are as grasshoppers; that stretcheth out the heavens as a curtain, and spreadeth them out as a tent to dwell in: |
| 23 | Em i bringim ol bikman long i kamap samting nating. Em i mekim ol jas bilong dispela graun i stap olsem ol lain i no gat gutpela as long i stap. | That bringeth the princes to nothing; he maketh the judges of the earth as vanity. |
| 24 | Yes, bai Em i no planim ol. Yes, bai Em i no tromoi ol olsem pikinini kaikai. Yes, olsem bikpela hap bilong diwai, ol bai i no putim ol rop bilong ol i go insait long graun. Na tu Em bai winim ol na ol bai kamap drai. Na bikpela raunwin bai kisim ol i go olsem pipia bilong wit. | Yea, they shall not be planted; yea, they shall not be sown: yea, their stock shall not take root in the earth: and he shall also blow upon them, and they shall wither, and the whirlwind shall take them away as stubble. |
| 25 | Dispela Wanpela i Holi i tok, Orait bai yupela i makim Mi olsem husat? O bai Mi stap wanmak wantaim husat? | To whom then will ye liken me, or shall I be equal? saith the Holy One. |
| 26 | Litimapim ol ai bilong yupela i go antap na lukim husat i bin wokim long nating ol dispela samting. Em i bringim ol bikpela lain bilong ol long kamap ples klia long namba bilong ol. Long bikpela strong bilong Em, Em i makim olgeta bilong ol long ol nem bilong ol, long wanem strong bilong Em i bikpela tru. Na i no gat wanpela bilong ol i no stap. | Lift up your eyes on high, and behold who hath created these things, that bringeth out their host by number: he calleth them all by names by the greatness of his might, for that he is strong in power; not one faileth. |
| 27 | ¶ Bilong wanem yu toktok, O Jekop, na yu mekim toktok, O Isrel, Rot bilong mi i stap hait long BIKPELA, na God bilong mi i no bin kirapim stretpela kot bilong mi? | Why sayest thou, O Jacob, and speakest, O Israel, My way is hid from the Lord, and my judgment is passed over from my God? |
| 28 | Ating yu no bin save, a? Ating yu no bin harim tok long dispela God bilong i stap oltaim oltaim, a? Em BIKPELA, na Em i bin Wokim Long Nating ol arere bilong dispela graun. Em i no hap i dai na tu Em i no kamap les. Na i no gat wanpela i ken kisim save long ol gutpela save bilong Em. | Hast thou not known? hast thou not heard, that the everlasting God, the Lord, the Creator of the ends of the earth, fainteth not, neither is weary? there is no searching of his understanding. |
| 29 | Em i givim strong long lain i hap i dai. Na Em i givim strong moa long ol manmeri i no gat strong. | He giveth power to the faint; and to them that have no might he increaseth strength. |
| 30 | Yes inap long ol yangpela bai hap i dai na kamap les na ol yangpela man bai pundaun olgeta. | Even the youths shall faint and be weary, and the young men shall utterly fall: |
| 31 | Tasol ol husat i bilip long BIKPELA na wetim Em, ol bai kisim strong bilong ol gen. Ol bai flai i go antap olsem ol bikpela tarangau. Ol bai ran na ol i no kamap les. Na ol bai wokabaut na ol i no hap i dai. | But they that wait upon the Lord shall renew their strength; they shall mount up with wings as eagles; they shall run, and not be weary; and they shall walk, and not faint. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL