이사야 29장 King Jems Pisin Baibel
King Jems Pisin Baibel · 톡피신어 · 이사야 (Isaiah) · 24절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Tok lukaut i go long Ariel, long Ariel, dispela biktaun Devit i bin i stap long em! Yupela i ken bungim wanpela yia i go long narapela yia. Larim ol i kilim i dai ol sakrifais. | Woe to Ariel, to Ariel, the city where David dwelt! add ye year to year; let them kill sacrifices. |
| 2 | Tasol bai Mi givim hevi long Ariel, na hevi na bel hevi bai i stap. Na em bai stap long Mi olsem Ariel. | Yet I will distress Ariel, and there shall be heaviness and sorrow: and it shall be unto me as Ariel. |
| 3 | Na bai Mi putim kem bilong Mi i stap birua raun nabaut long yu. Na bai Mi birua long na kalabusim biktaun bilong yu long lain soldia. Na bai Mi kirapim ol bikpela hipim bilong graun bilong birua long yu. | And I will camp against thee round about, and will lay siege against thee with a mount, and I will raise forts against thee. |
| 4 | Na dispela bai bringim yu i go daun. Na toktok bilong yu bai i kamaut long graun. Na tok bilong yu bai stap daunbilo na kamaut long das. Na nek bilong yu bai kamaut long graun olsem wanpela i gat spirit nogut i stap klostu. Na tok bilong yu bai kamap isi na kamaut long das. | And thou shalt be brought down, and shalt speak out of the ground, and thy speech shall be low out of the dust, and thy voice shall be, as of one that hath a familiar spirit, out of the ground, and thy speech shall whisper out of the dust. |
| 5 | Na moa tu planti ausait manmeri bilong yu bai stap olsem liklik das. Na dispela planti tru bilong ol man i pretim ol arapela bai stap olsem pipia bilong wit i save flai nabaut. Yes, em bai kamap wantu tasol. | Moreover the multitude of thy strangers shall be like small dust, and the multitude of the terrible ones shall be as chaff that passeth away: yea, it shall be at an instant suddenly. |
| 6 | BIKPELA bilong bikpela ami bai kam lukim yu wantaim klaut i pairap na wantaim graun i guria na bikpela nois, na wantaim bikpela raunwin na bikpela win, na wantaim lait bilong paia i bagarapim ol samting. | Thou shalt be visited of the Lord of hosts with thunder, and with earthquake, and great noise, with storm and tempest, and the flame of devouring fire. |
| 7 | Na dispela planti tru bilong olgeta kantri i pait birua long Ariel, yes olgeta husat i pait birua long em na ol samting bilong em long lukautim em long pait, na ol i givim hevi long em, ol bai stap olsem wanpela samting i olsem driman bilong wanpela nait. | And the multitude of all the nations that fight against Ariel, even all that fight against her and her munition, and that distress her, shall be as a dream of a night vision. |
| 8 | Yes em bai stap olsem taim wanpela man i hangre tru i driman, na harim, em i kaikai. Tasol bihain em i kirap long slip i dai, na tewel bilong em i stap nating. O olsem taim wanpela man i nek i drai i driman, na harim, em i dring, tasol bihain em i kirap long slip i dai na harim, em i laik hap i dai, na tewel bilong em i laik kisim yet. Dispela planti manmeri bilong olgeta kantri i pait birua long maunten Saion bai stap olsem. | It shall even be as when an hungry man dreameth, and, behold, he eateth; but he awaketh, and his soul is empty: or as when a thirsty man dreameth, and, behold, he drinketh; but he awaketh, and, behold, he is faint, and his soul hath appetite: so shall the multitude of all the nations be, that fight against mount Zion. |
| 9 | ¶ Lukautim yupela yet na tingting planti. Yupela i mas singaut na krai. Ol i spak nabaut, tasol i no long dringim wain. Ol i wokabaut kranki, tasol i no long dringim strongpela dring. | Stay yourselves, and wonder; cry ye out, and cry: they are drunken, but not with wine; they stagger, but not with strong drink. |
| 10 | Long wanem BIKPELA i bin kapsaitim spirit bilong strongpela slip i dai i go long yupela na Em i bin pasim ol ai bilong yupela. Em i bin karamapim ol profet na ol hetman bilong yupela, em ol man i lukim samting olsem driman. | For the Lord hath poured out upon you the spirit of deep sleep, and hath closed your eyes: the prophets and your rulers, the seers hath he covered. |
| 11 | Na dispela samting i olsem driman bilong olgeta em i kamap long yupela olsem ol tok bilong wanpela buk wanpela i bin pasim long gris bilong kandel. Ol man i givim dispela long wanpela man i gat save na spik, Mi askim plis long yu long ritim dispela. Na em i tok, Mi no inap, long wanem wanpela i bin pasim dispela long gris bilong kandel. | And the vision of all is become unto you as the words of a book that is sealed, which men deliver to one that is learned, saying, Read this, I pray thee: and he saith, I cannot; for it is sealed: |
| 12 | Na ol i givim dispela buk long man i no gat save na spik, Mi askim plis long yu long ritim dispela. Na em i tok, Mi no gat save long ritim dispela. | And the book is delivered to him that is not learned, saying, Read this, I pray thee: and he saith, I am not learned. |
| 13 | Olsem na Bikpela i tok, Harim as bilong dispela. Dispela manmeri i kam klostu long Mi long maus bilong ol, na ol i givim biknem long Mi long arere bilong maus bilong ol. Tasol ol i bin surikim bel bilong ol i stap longwe long Mi, na pret ol i gat long Mi ol i bin kisim save long dispela long strongpela lo bilong ol man tasol. | Wherefore the Lord said, Forasmuch as this people draw near me with their mouth, and with their lips do honour me, but have removed their heart far from me, and their fear toward me is taught by the precept of men: |
| 14 | Olsem na, harim, bai Mi mekim wanpela wok i mekim ol i tingting planti namel long dispela manmeri, yes em wok i mekim ol i tingting planti na em i winim tingting. Long wanem ol save tru bilong ol man i gat save tru bai bagarap, na ol save bilong ol man i gat save bai stap hait. | Therefore, behold, I will proceed to do a marvellous work among this people, even a marvellous work and a wonder: for the wisdom of their wise men shall perish, and the understanding of their prudent men shall be hid. |
| 15 | Ol i mas lukaut husat i wok long painim ol samting i daunbilo tru bilong haitim tok helpim bilong ol long BIKPELA. Na ol wok bilong ol i stap long tudak, na ol i tok, Husat i lukim yumi? Na husat i save long yumi? | Woe unto them that seek deep to hide their counsel from the Lord, and their works are in the dark, and they say, Who seeth us? and who knoweth us? |
| 16 | Tru tumas ol bai tingim pasin yu mekim long tanim ol samting long sait i bin i stap daunbilo nau em i stap antap em i olsem man bilong wokim sospen graun i mekim long graun bilong em. Long wanem, ating sospen graun bai tokim narapela long dispela man olsem, Em i no bin wokim mi? O bai dispela samting wanpela i bin wokim i tokim narapela long man i bin wokim em olsem, Em i no bin kisim gutpela save? | Surely your turning of things upside down shall be esteemed as the potter’s clay: for shall the work say of him that made it, He made me not? or shall the thing framed say of him that framed it, He had no understanding? |
| 17 | ¶ Ating i no liklik taim na Lebanon bai tanim i kamap wanpela gaden i karim planti kaikai, na ol bai tingim dispela gaden i karim planti kaikai em i olsem wanpela bus? | Is it not yet a very little while, and Lebanon shall be turned into a fruitful field, and the fruitful field shall be esteemed as a forest? |
| 18 | Na long dispela de ol iapas bai harim ol tok bilong buk, na ol ai bilong ol aipas bai lusim pasin bilong i no inap lukluk klia na i stap long tudak, na ol bai lukluk. | And in that day shall the deaf hear the words of the book, and the eyes of the blind shall see out of obscurity, and out of darkness. |
| 19 | Amamas tru insait long BIKPELA bai i kamap bikpela moa long ol manmeri i mekim pasin isi. Na ol rabisman namel long ol man bai amamas tru long dispela Wanpela i Holi bilong Isrel. | The meek also shall increase their joy in the Lord, and the poor among men shall rejoice in the Holy One of Israel. |
| 20 | Long wanem BIKPELA i bringim dispela wanpela i pretim ol man long em i samting nating, na man i tok bilas em i bagarap olgeta, na Em i rausim olgeta man i lukluk long painim sin nogut. | For the terrible one is brought to nought, and the scorner is consumed, and all that watch for iniquity are cut off: |
| 21 | Ol i mekim man i kamap man i gat asua bilong mekim wanpela tok. Na ol i putim umben bilong kalabusim man i wok long krosim ol arapela long dua bilong banis. Na ol i mekim stretpela man i lusim gutpela rot bilong kisim samting nating. | That make a man an offender for a word, and lay a snare for him that reproveth in the gate, and turn aside the just for a thing of nought. |
| 22 | Olsem na BIKPELA husat i bin baim bek Ebraham i tokaut long lain bilong Jekop olsem, Nau Jekop i no ken kisim sem na tu blut i no ken ranawe long pes bilong em. | Therefore thus saith the Lord, who redeemed Abraham, concerning the house of Jacob, Jacob shall not now be ashamed, neither shall his face now wax pale. |
| 23 | Tasol taim em i lukim ol pikinini bilong em, ol i wok bilong tupela han bilong Mi na ol i stap namel long em, ol bai makim nem bilong Mi bilong i stap holi na ol bai makim dispela Wanpela i Holi bilong Jekop long i stap holi, na ol bai pret long God bilong Isrel. | But when he seeth his children, the work of mine hands, in the midst of him, they shall sanctify my name, and sanctify the Holy One of Jacob, and shall fear the God of Israel. |
| 24 | Ol tu husat i bin popaia long spirit ol bai kamap long gutpela save, na ol husat i bin tok baksait bai kisim save long skul bilong Mi. | They also that erred in spirit shall come to understanding, and they that murmured shall learn doctrine. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL