요한계시록 6장 King Jems Pisin Baibel

King Jems Pisin Baibel · 톡피신어 · 요한계시록 (Revelation) · 17절

언어 판 책 장 대역 (나란히) 바로 가기

1 ¶ Na mi lukim taim Pikinini Sipsip i opim wanpela bilong ol dispela samting bilong pasim, na mi harim, samting olsem nois bilong klaut i pairap, wanpela bilong dispela fopela animal i spik, Kam na lukim.
2 Na mi lukluk, na lukim, wanpela waitpela hos. Na em husat i sindaun antap long en i gat banara. Na ol i givim wanpela hat king long em. Na em i go ausait long em i ken winim pait olgeta, na long winim pait olgeta.
3 ¶ Na taim em i bin opim namba tu samting bilong pasim, mi harim namba tu animal i spik, Kam na lukim.
4 Na i gat i go ausait narapela hos husat i retpela. Na ol i givim pawa long em husat i sindaun antap long en long tekewe bel isi long dispela graun, na long ol i ken kilim ol yet wan wan. Na ol i givim long em wanpela bikpela bainat.
5 Na taim em i bin opim namba tri samting bilong pasim, mi harim namba tri animal i spik, Kam na lukim. Na mi lukim, na harim, wanpela blakpela hos. Na em husat i sindaun antap long en i gat skel i gat tupela sait long han bilong em.
6 Na mi harim wanpela nek long namel bilong dispela fopela animal i spik, Wanpela hap skel bilong wit long wanpela peni, na tripela hap skel bilong bali long wanpela peni. Na lukluk gut long yu no bagarapim dispela wel na dispela wain.
7 Na taim em i bin opim namba foa samting bilong pasim, mi harim nek bilong namba foa animal i spik, Kam na lukim.
8 Na mi lukluk, na lukim, wanpela hos i waitpela liklik. Na nem bilong em husat i sindaun antap long en em Dai, na Hel i kam bihain wantaim em. Na ol i givim pawa long tupela long winim namba foa hap bilong dispela graun, long kilim wantaim bainat, na wantaim hangre, na wantaim dai, na wantaim ol animal bilong dispela graun.
9 ¶ Na taim em i bin opim namba faiv samting bilong pasim, mi lukim aninit long alta ol tewel bilong ol husat ol i kilim i dai bilong tingim tok bilong God, na bilong tingim dispela testimoni ol i holimpas.
10 Na ol i singaut wantaim wanpela bikpela nek, i spik, Inap long wanem taim, O Bikpela, holi na tru, long yu no jasim na bekim pe nogut long blut bilong mipela antap long ol husat i stap long dispela graun?
11 Na ol i givim ol waitpela longpela saket long olgeta wan wan bilong ol. Na ol i tokim ol long dispela, long ol i mas malolo yet long liklik taim, inap long ol wanwok bilong ol tu na ol brata bilong ol, husat ol i mas kilim ol olsem ol, i ken kamap pinis.
12 Na mi lukim taim em i bin opim namba sikis samting bilong pasim, na, harim, i gat bikpela guria. Na san i kamap blakpela olsem bek laplap bilong gras bilong bodi, na mun i kamap olsem blut.
13 Na ol sta bilong heven i pundaun long dispela graun, yes, olsem diwai fik i tromoi nating ol fik bilong en i no kam long taim stret, taim strongpela win i seksekim em.
14 Na heven i go olsem pepa ol i tantanim taim ol i tantanim dispela wantaim. Na olgeta wan wan maunten na ailan i muv ausait long ol ples bilong ol.
15 Na ol king bilong dispela graun, na ol bikman, na ol maniman, na ol nambawan kepten, na ol strongpela man, na olgeta wan wan wokboi nating, na olgeta wan wan man i stap fri, i haitim ol yet insait long ol hul na insait long ol ston bilong ol maunten.
16 Na ol i tokim ol maunten na ol ston, Pundaun antap long mipela, na haitim mipela long pes bilong em husat i sindaun antap long sia king, na long belhat tru bilong Pikinini Sipsip.
17 Long wanem, bikpela de bilong belhat tru bilong em i kam pinis. Na husat bai stap inap long sanap?

King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗