요한계시록 21장 King Jems Pisin Baibel
King Jems Pisin Baibel · 톡피신어 · 요한계시록 (Revelation) · 27절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Na mi lukim wanpela nupela heven na wanpela nupela graun. Long wanem, namba wan heven na namba wan graun i pinis olgeta. Na i no gat biksi moa. | And I saw a new heaven and a new earth: for the first heaven and the first earth were passed away; and there was no more sea. |
| 2 | Na mi Jon mi lukim dispela biktaun holi, nupela Jerusalem, i kam daun long God ausait long heven, i redi olsem meri i laik marit i bilas gut tru long amamasim man bilong em. | And I John saw the holy city, new Jerusalem, coming down from God out of heaven, prepared as a bride adorned for her husband. |
| 3 | Na mi harim wanpela bikpela nek ausait long heven i spik, Lukim, haus holi bilong God i stap wantaim ol man, na em bai stap wantaim ol, na ol bai stap lain manmeri bilong em, na God em yet bai stap wantaim ol, na stap God bilong ol. | And I heard a great voice out of heaven saying, Behold, the tabernacle of God is with men, and he will dwell with them, and they shall be his people, and God himself shall be with them, and be their God. |
| 4 | Na God bai rausim i go olgeta aiwara long ol ai bilong ol. Na bai i no gat dai moa, o bel hevi, o krai, na tu bai i no gat pen moa liklik. Long wanem, ol samting bilong bipo i pinis olgeta | And God shall wipe away all tears from their eyes; and there shall be no more death, neither sorrow, nor crying, neither shall there be any more pain: for the former things are passed away. |
| 5 | Na em husat i sindaun antap long sia king i tok, Lukim, mi mekim olgeta samting nupela. Na em i tokim mi, Raitim. Long wanem, ol dispela toktok i tru na samting yu inap bilip long ol. | And he that sat upon the throne said, Behold, I make all things new. And he said unto me, Write: for these words are true and faithful. |
| 6 | Na em i tokim mi, Em i pinis. Mi stap Alpa na Omega, stat na pinis. Mi bai givim fri long em husat i nekdrai long ai bilong wara i sut bilong laip. | And he said unto me, It is done. I am Alpha and Omega, the beginning and the end. I will give unto him that is athirst of the fountain of the water of life freely. |
| 7 | Em husat i winim bai kisim olgeta samting olsem samting papa i givim pikinini. Na mi bai stap God bilong em, na em bai stap pikinini man bilong mi. | He that overcometh shall inherit all things; and I will be his God, and he shall be my son. |
| 8 | Tasol ol man i pulap long pret, na ol man i no gat bilip, na ol man i gat sting pasin, na ol man bilong kilim man i dai, na ol pamuk man, na ol poisin man, na ol man bilong lotuim piksa bilong god giaman, na olgeta man bilong giaman, bai gat hap bilong ol long dispela raunwara i kuk wantaim paia na ston salfa. Dispela em i namba tu dai. | But the fearful, and unbelieving, and the abominable, and murderers, and whoremongers, and sorcerers, and idolaters, and all liars, shall have their part in the lake which burneth with fire and brimstone: which is the second death. |
| 9 | ¶ Na i gat i kam long mi wanpela bilong dispela sevenpela ensel husat i bin gat dispela sevenpela dis i pulap long dispela las sevenpela bikpela hevi, na em i toktok wantaim mi, i spik, Kam hia, mi bai soim yu meri i laik marit, meri bilong Pikinini Sipsip. | And there came unto me one of the seven angels which had the seven vials full of the seven last plagues, and talked with me, saying, Come hither, I will shew thee the bride, the Lamb’s wife. |
| 10 | Na em i karim mi i go long spirit long wanpela maunten i bikpela na i antap, na soim mi dispela bikpela biktaun, holi Jerusalem, i kam daun long God ausait long heven, | And he carried me away in the spirit to a great and high mountain, and shewed me that great city, the holy Jerusalem, descending out of heaven from God, |
| 11 | Taim em i gat glori bilong God. Na lait bilong en i wankain olsem wanpela ston i dia tumas, yes, olsem wanpela ston jaspa, klia olsem kristal. | Having the glory of God: and her light was like unto a stone most precious, even like a jasper stone, clear as crystal; |
| 12 | Na em i gat wanpela banis i bikpela na i antap, na em i gat twelpela dua bilong banis, na long ol dua bilong banis twelpela ensel, na i gat ol nem ol i raitim antap long ol, dispela em ol nem bilong dispela twelpela lain bilong ol pikinini bilong Isrel. | And had a wall great and high, and had twelve gates, and at the gates twelve angels, and names written thereon, which are the names of the twelve tribes of the children of Israel: |
| 13 | Long hap is tripela dua bilong banis. Long hap not tripela dua bilong banis. Long hap saut tripela dua bilong banis. Na long hap wes tripela dua bilong banis. | On the east three gates; on the north three gates; on the south three gates; and on the west three gates. |
| 14 | Na banis bilong dispela biktaun i gat twelpela as ston, na insait long ol em ol nem bilong dispela twelpela aposel bilong Pikinini Sipsip. | And the wall of the city had twelve foundations, and in them the names of the twelve apostles of the Lamb. |
| 15 | Na em husat i toktok wantaim mi i gat wanpela tiktik gol long mitaim dispela biktaun, na ol dua bilong banis bilong en, na banis bilong en. | And he that talked with me had a golden reed to measure the city, and the gates thereof, and the wall thereof. |
| 16 | Na biktaun i slip skwea stret, na longpela bilong en em i traipela olsem brait. Na em i mitaim dispela biktaun wantaim dispela tiktik, 12,000 furlong. Na longpela na brait na antap bilong en i wanmak stret. | And the city lieth foursquare, and the length is as large as the breadth: and he measured the city with the reed, twelve thousand furlongs. The length and the breadth and the height of it are equal. |
| 17 | Na em i mitaim banis bilong en, 144 kyubit, bilong bihainim skel bilong wanpela man, em i olsem, bilong dispela ensel. | And he measured the wall thereof, an hundred and forty and four cubits, according to the measure of a man, that is, of the angel. |
| 18 | Na ol i wokim banis bilong en long jaspa. Na dispela biktaun em i gol i klin, wankain olsem glas i klia. | And the building of the wall of it was of jasper: and the city was pure gold, like unto clear glass. |
| 19 | Na ol as ston bilong banis bilong dispela biktaun ol i bilasim wantaim olgeta kain kain ston i dia tumas. Namba wan as ston em i jaspa, namba tu, sapaia, namba tri, wanpela kalsedoni, namba foa, wanpela emeral, | And the foundations of the wall of the city were garnished with all manner of precious stones. The first foundation was jasper; the second, sapphire; the third, a chalcedony; the fourth, an emerald; |
| 20 | Namba faiv, sardoniks, namba sikis, sardias, namba seven, krisolait, namba et, beril, namba nain, topas, namba ten, krisopresas, namba eleven, jasint, namba twelv, wanpela ametis. | The fifth, sardonyx; the sixth, sardius; the seventh, chrysolite; the eighth, beryl; the ninth, a topaz; the tenth, a chrysoprasus; the eleventh, a jacinth; the twelfth, an amethyst. |
| 21 | Na twelpela dua bilong banis i twelpela kiau bilong golip. Olgeta wan wan dua bilong banis em yet em bilong wanpela kiau bilong golip. Na rot bilong biktaun em i gol i klin, samting olsem glas i klia tru. | And the twelve gates were twelve pearls; every several gate was of one pearl: and the street of the city was pure gold, as it were transparent glass. |
| 22 | Na mi no lukim tempel insait long en. Long wanem, God Bikpela i Gat Olgeta Strong na Pikinini Sipsip ol i tempel bilong en. | And I saw no temple therein: for the Lord God Almighty and the Lamb are the temple of it. |
| 23 | Na dispela biktaun i no gat nid long san, o long mun, long lait insait long en. Long wanem, glori bilong God i bin givim lait long en, na Pikinini Sipsip em i lait bilong en. | And the city had no need of the sun, neither of the moon, to shine in it: for the glory of God did lighten it, and the Lamb is the light thereof. |
| 24 | Na ol kantri bilong ol husat God i kisim bek pinis bai wokabaut long lait bilong en. Na ol king bilong dispela graun i bringim glori na ona bilong ol i go insait long en. | And the nations of them which are saved shall walk in the light of it: and the kings of the earth do bring their glory and honour into it. |
| 25 | Na ol dua bilong banis bilong en ol bai i no inap pasim liklik long san. Long wanem, bai i no gat nait long dispela hap. | And the gates of it shall not be shut at all by day: for there shall be no night there. |
| 26 | Na ol bai bringim glori na ona bilong ol kantri i go insait long en. | And they shall bring the glory and honour of the nations into it. |
| 27 | Na bai i no gat olgeta, bilong go insait long en, wanpela samting i inap long mekim doti, o wanem samting i wokim sting pasin, o wokim giaman. Tasol ol husat God i raitim insait long buk bilong laip bilong Pikinini Sipsip bai go insait. | And there shall in no wise enter into it any thing that defileth, neither whatsoever worketh abomination, or maketh a lie: but they which are written in the Lamb’s book of life. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL