요한계시록 19장 King Jems Pisin Baibel
King Jems Pisin Baibel · 톡피신어 · 요한계시록 (Revelation) · 21절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Na bihain long ol dispela samting mi harim wanpela bikpela nek bilong planti manmeri long heven, i spik, Aleluya. Pasin bilong kisim bek, na glori, na ona, na pawa, i go long Bikpela, God bilong yumi. | And after these things I heard a great voice of much people in heaven, saying, Alleluia; Salvation, and glory, and honour, and power, unto the Lord our God: |
| 2 | Long wanem, tru na stretpela em ol kot bilong em. Long wanem, em i bin jasim dispela bikpela pamuk meri, husat i bin bagarapim dispela graun wantaim ol pamuk pasin bilong em, na em i bin bekim pe nogut long tingim blut bilong ol wokboi bilong em long han bilong meri. | For true and righteous are his judgments: for he hath judged the great whore, which did corrupt the earth with her fornication, and hath avenged the blood of his servants at her hand. |
| 3 | Na gen ol i tok, Aleluya. Na smuk bilong meri i kirap i go antap oltaim oltaim na oltaim. | And again they said, Alleluia. And her smoke rose up for ever and ever. |
| 4 | Na dispela 24 lapun hetman na dispela fopela animal i pundaun na lotuim God husat i sindaun long sia king, i spik, Amen. Aleluya. | And the four and twenty elders and the four beasts fell down and worshipped God that sat on the throne, saying, Amen; Alleluia. |
| 5 | ¶ Na wanpela nek i kam ausait long sia king, i spik, Givim biknem long God bilong yumi, olgeta yupela ol wokboi bilong em, na yupela husat i pret long em, man nating na bikman wantaim. | And a voice came out of the throne, saying, Praise our God, all ye his servants, and ye that fear him, both small and great. |
| 6 | Na mi harim samting olsem nek bilong wanpela traipela lain tru, na olsem nek bilong ol planti wara, na olsem nek bilong planti strongpela klaut i pairap, i spik, Aleluya. Long wanem, God Bikpela i gat olgeta pawa i bosim kingdom. | And I heard as it were the voice of a great multitude, and as the voice of many waters, and as the voice of mighty thunderings, saying, Alleluia: for the Lord God omnipotent reigneth. |
| 7 | Larim yumi stap amamas na wokim amamas tru, na givim ona long em. Long wanem, marit bilong Pikinini Sipsip i kam, na meri bilong em i bin mekim em yet redi. | Let us be glad and rejoice, and give honour to him: for the marriage of the Lamb is come, and his wife hath made herself ready. |
| 8 | Na long em God i tok orait long em i ken putim naispela klos long naispela laplap, klinpela na waitpela. Long wanem, laplap i naispela tru em i stretpela pasin bilong ol seint. | And to her was granted that she should be arrayed in fine linen, clean and white: for the fine linen is the righteousness of saints. |
| 9 | Na em i tokim mi, Raitim, Blesing i stap long ol husat ol i singautim long marit kaikai bilong Pikinini Sipsip. Na em i tokim mi, Ol dispela em ol trupela toktok bilong God. | And he saith unto me, Write, Blessed are they which are called unto the marriage supper of the Lamb. And he saith unto me, These are the true sayings of God. |
| 10 | Na mi pundaun long tupela lek bilong em long lotuim em. Na em i tokim mi, Lukluk gut long yu no mekim dispela. Mi stap wanwok bilong yu, na bilong ol brata bilong yu husat i gat testimoni bilong Jisas. Lotuim God. Long wanem, testimoni bilong Jisas em i spirit bilong tok profet. | And I fell at his feet to worship him. And he said unto me, See thou do it not: I am thy fellowservant, and of thy brethren that have the testimony of Jesus: worship God: for the testimony of Jesus is the spirit of prophecy. |
| 11 | ¶ Na mi lukim heven i op, na lukim, wanpela waitpela hos, na em husat i sindaun antap long en ol i kolim Man Yu Inap Bilip Long Em na Tru, na long stretpela pasin em i jasim na wokim bikpela pait. | And I saw heaven opened, and behold a white horse; and he that sat upon him was called Faithful and True, and in righteousness he doth judge and make war. |
| 12 | Tupela ai bilong em i olsem lait bilong paia, na antap long het bilong em planti hat king i stap. Na em i gat wanpela nem em i raitim, i no gat man i save long dispela, em em yet tasol. | His eyes were as a flame of fire, and on his head were many crowns; and he had a name written, that no man knew, but he himself. |
| 13 | Na em i werim klos long wanpela naispela klos ol i putim liklik long blut. Na nem bilong em ol i kolim Tok bilong God. | And he was clothed with a vesture dipped in blood: and his name is called The Word of God. |
| 14 | Na ol dispela ami i stap long heven i bihainim em antap long ol waitpela hos, na werim ol laplap i naispela tru, waitpela na klinpela. | And the armies which were in heaven followed him upon white horses, clothed in fine linen, white and clean. |
| 15 | Na wanpela bainat i sap i go ausait long maus bilong em, inap long wantaim dispela em i ken paitim ol kantri. Na em bai bosim ol wantaim wanpela stik ain. Na em i krungutim masin bilong krungutim wain bilong strongpela pasin na belhat tru bilong God i Gat Olgeta Strong. | And out of his mouth goeth a sharp sword, that with it he should smite the nations: and he shall rule them with a rod of iron: and he treadeth the winepress of the fierceness and wrath of Almighty God. |
| 16 | Na em i gat long naispela klos bilong em na long antap bilong lek bilong em wanpela nem ol i raitim, KING BILONG OL KING, NA BIKPELA BILONG OL BIKPELA. | And he hath on his vesture and on his thigh a name written, KING OF KINGS, AND LORD OF LORDS. |
| 17 | Na mi lukim wanpela ensel i sanap long ai bilong san. Na em i singaut wantaim wanpela bikpela nek, i spik long olgeta pisin husat i flai long namel bilong heven, Kam na bungim yupela yet wantaim i go long kaikai bilong dispela nambawan God. | And I saw an angel standing in the sun; and he cried with a loud voice, saying to all the fowls that fly in the midst of heaven, Come and gather yourselves together unto the supper of the great God; |
| 18 | Inap long yupela i ken kaikai mit bilong ol king, na mit bilong ol kepten, na mit bilong ol strongpela man, na mit bilong ol hos, na bilong ol husat i sindaun antap long ol, na mit bilong olgeta man, friman na slevman wantaim, man nating na bikman wantaim. | That ye may eat the flesh of kings, and the flesh of captains, and the flesh of mighty men, and the flesh of horses, and of them that sit on them, and the flesh of all men, both free and bond, both small and great. |
| 19 | Na mi lukim dispela animal, na ol king bilong dispela graun, na ol ami bilong ol, i bung wantaim long wokim bikpela pait i birua long em husat i sindaun antap long hos, na i birua long ami bilong em. | And I saw the beast, and the kings of the earth, and their armies, gathered together to make war against him that sat on the horse, and against his army. |
| 20 | Na ol i kisim dispela animal, na wantaim em dispela giaman profet husat i wokim ol mirakel long ai bilong em, wantaim ol dispela em i bin giamanim ol husat i bin kisim mak bilong dispela animal, na ol husat i lotuim piksa bilong em. Dispela tupela ol i tromoi, taim ol stap laip, i go insait long wanpela raunwara paia i kuk wantaim ston salfa. | And the beast was taken, and with him the false prophet that wrought miracles before him, with which he deceived them that had received the mark of the beast, and them that worshipped his image. These both were cast alive into a lake of fire burning with brimstone. |
| 21 | Na hap lain i stap yet em i kilim i dai wantaim bainat bilong em husat i sindaun antap long hos, dispela bainat i kam ausait long maus bilong em. Na olgeta pisin i pulap wantaim mit bilong ol. | And the remnant were slain with the sword of him that sat upon the horse, which sword proceeded out of his mouth: and all the fowls were filled with their flesh. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL