역대하 27장 King Jems Pisin Baibel
King Jems Pisin Baibel · 톡피신어 · 역대하 (2 Chronicles) · 9절
- 1 ¶ Jotam i gat 25 krismas taim em i stat long bosim kingdom, na em i bosim kingdom 16 yia long Jerusalem. Nem bilong mama bilong em tu em Jerusa, pikinini meri bilong Sadok.
- 2 Na em i mekim dispela samting i stretpela long ai bilong BIKPELA, bilong bihainim olgeta samting papa bilong em Usaia i mekim. Tasol em i no go insait long tempel bilong BIKPELA. Na ol manmeri i mekim pasin i paul yet.
- 3 Em i wokim dua bilong banis antap bilong haus bilong BIKPELA, na antap long banis bilong Ofel em i wokim planti samting.
- 4 Na moa tu em i wokim ol biktaun long ol maunten bilong Juda. Na long ol bikbus em i wokim ol haus king na ol taua.
- 5 Em i pait tu wantaim king bilong ol lain Amon, na winim ol. Na ol pikinini bilong Amon i givim em, long dispela yia stret, 100 talen silva, na 10,000 hap skel bilong wit, na 10,000 bilong bali. Ol pikinini bilong Amon i bin baim hamas olsem long em, long namba tu yia, na namba tri wantaim.
- 6 Olsem na Jotam i kamap strongpela, bilong wanem, em i redim ol pasin bilong em long ai bilong BIKPELA, God bilong em.
- 7 Nau olgeta arapela wok bilong Jotam, na olgeta bikpela pait bilong em, na ol pasin bilong em, harim, ol i raitim ol long buk bilong ol king bilong Isrel na Juda.
- 8 Em i gat 25 krismas taim em i stat long bosim kingdom, na em i bosim kingdom 16 yia long Jerusalem.
- 9 Na Jotam i slip wantaim ol tumbuna papa bilong em, na ol i planim em long biktaun bilong Devit. Na Ehas, pikinini man bilong em, i kisim ples bilong em na bosim kingdom.
- 📚 King Jems Pisin Baibel 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗